اتوقع قصدك العدادات أتكون شاشة،
لان حتى اللي يبين انالوج هالأيام الأساس ديجيتال، خصوصا الأوربي و الحين الامريكي ايضا و الآسيوي لاحقهم كلشي تغير. اول ما تشكل السيارة بسبب الكهرب و اول ما تشغل السيارة يصيده شكل ريسيت او internal new calibration .
الS class شاشتها روعة و الE بعد عقبال الباقي يلحقونهم
Sent from my iPhone using Tapatalk
أيوا هذا قصدي والعداد اللي يتغير حسب وضعية السواقة .. اليابانيين ما عندهم فن وابداع في التصميم الداخلي والمرسدس صحيح متميز في كل شيء الا الصيانة
الباقي لحقوهم خلاص الموديلات الجديدة كلها بتكون دجتال الجي نزلوا له صور والسي والاي كذلك
سيارات سبورتاوية
هاي السوبرا الجديدة اخبر كلمني موظف من شهرين شغال فعبد الغني
بأن السوبرا الجديدة 2.0 L بتكون بحدود الــ140 ألف ريال
و الـــ 3.0 L بتكون فحدود 180 ألف ريال
تكلفتها و واصلة الدوحة بتكون تقريبا تقريبا بين الـــ160 - 220 ألف ريال و بعد مو أكيد إلى الآن.
بتكون مكينتها 240 - 340 حصان بتكون موجودة فـــ2022 أكيد بس حاليا بما انه بدت تطلع صورها يعني احتمال تنزل قبل
البي ام Z4 ما تابعت اخبارها بصراحة لأنها اقرب للـــ8 سيريس و مو نفس العاده ول ا مسوين عليها فززز كبير بما انه الــــــM5 خذت كل الأنظار و الأخبار بحكم قابلية التحويل من دفع رباعي إلى خلفي وقت الحاجة و بسهولة و ضغطة زر لسيارة تعتبر اداء عادي.
الكورفت و ما ادراك ما الكورفت بغيت احول موتري زي ار ون وكالة بس البانه بنفسها بدون قطعه المكينة الكاربون بـــ15 ألف دولار بس ليلحين الوجهية فالصدام الأمامي ناوي عليها و عندي توصل عقب يومين اول طقم رنقات زي ار ون أصليات فالدوحة و المفروض فالخليج لأنه محد اعلم عن هالشي, اللي فامريكا ليلحين ودهم فالرنجات و موب متوفرين بالطلب لأن قطع الغيار مو متوفره لسيارة ليلحين ما نزلت فكل الأسواق العالمية.
البي ام 8 بتكون اسطورة و اتوقع الشياب اللي كانت عندهم اهم الي بيستانسون عليها, بحيث الأصاله و الحين الحداثه و ايضا خذت كسيارة بترجع اكثر من الـــm5 بس الحمد الله ما احطها فبالي لأن ادري سعرها قصاااااب.
الأستون فانتاج اذا ما خاب ظني فالدوحة جابوها من ضمن اللفه اللي يسوونها و هالشي ذكرني بأن الزي ار ون لفت الخليج كله بس ما اتذكر انها جات قطر ؟!!!!!!!
شقول لك اخوي يعقوب أكيد قطع الغيار خصوصاً لو خاصة وغير تكون غالية لأن انتاجها محدود وناس معينيين يسونها للربح الكبير بس
السيارات السبورت بعضها مبالغ في سعرها وقوتها صج تفرق بس ما تحتاج لها ولا تقدر تستخدمها أصلاً بسرعات عالية .. أشوف إن اللي ناوي ياخذ سيارة ياخذ اللي سعرها معقول وعملية وحلوة .. مثل الزد فور متوقع تنزل حلوة .. السوبرا شكلها حلو وسعرها معقول لو بتاخذ 4 سلندر كفاية ومكينتها 250 حصان شيبي الواحد زود .. تحصل الفرق في القومة من 0 - 100 يمكن جزء أو أجزاء من الثانية
هذي الفاروميو صج اتوقع فاشلة في الصيانة بس سعرها تحت 200000 وسيارة قوية وحلوة بنفس الوقت
سيارات عريقة بس اهتمام المصنع بالوكيل مفقود واتوقع هذا في كل العالم لذلك فاشلة
وصلني وتس أب عن تغيير زيت البوغاتي فيرون اعتقد المهم نوع من البوغاتي .. تحتاج 27 ساعة عمل وفك قطع وتكلف بحدود 25000 دولار
مثل ذي فاشلة
اليوم مريت وكالة البي ام منزلين موديلات 2019 منهم الاكس 6 ام باكيج بس السيتات عادية دجتل بسعر 335 ستة سلندر .. شرايكم فيها؟
ههههههههههههههههههههه
لا عاد مهب لهدرجه انت زودت 4 الاف دولار ههههههه بس ب 21 الف دولار تبديل الايل يابلاش
https://www.youtube.com/watch?v=40QkrdKxKcY
التعديل الأخير تم بواسطة النهار ; 26-07-2018 الساعة 12:17 AM
( حسنات عظيمة إن شاء الله فى أربع كلمات )
سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَاتِهِ
عَنْ أَبِى هُرَيْرَةَ قَالَ قَالَ رَسُولُ اللَّهِ - صلى الله عليه وسلم - « كَلِمَتَانِ خَفِيفَتَانِ عَلَى اللِّسَانِ ، ثَقِيلَتَانِ فِى الْمِيزَانِ ، حَبِيبَتَانِ إِلَى الرَّحْمَنِ سُبْحَانَ اللَّهِ وَبِحَمْدِهِ ، سُبْحَانَ اللَّهِ الْعَظِيمِ