سيارات قديمة وحديثة ومن ضمنها سياراتكم وذكرياتكم معها

[.قطر.]

هههههههههه البيكم مامنه فايده كلمت واحد من الربع امس يجيبه العنه وهو جاي ارتفعت الحراره وهو مايدري ما وعى الا الموتر يدخن ههههههه ما تحسف الا على النقعه فالخريطيات يوم ينظفون كربيتره

وله الموتر شاريه ب 1000 ريال ههههههه

ههههههه
الحين منظف كربريتره وتعبان عليه اخر شي يدخن بيعه احسن هههه
والله رخيص مافي روز رايس بهالسعر بعد

[.قطر.]

انسو الموضوع

لكزس وفيكسار يعني 5.7 وتبون قوه زياده بطيرون ماشاء الله

المهم تبون شي يزيد العزم شوي عليكم بنفيولات دوق ثرولي مع واي بايب مع دبة الشركه او دبة دينمكس الطويله الكاتمه ودبة اخيره شركه واتوقع يزيد المكينة 10 هورس بور او حولها بدون برمجه لان غير هاي طلب صوت و حجز موتر 3 شهور

والدبه الالكترونيه حالها حال الولف الي العالم يركبونه قبل اذا يبي يستطرب بطل الولف من تحت اذا في ثبوت سكره وما منها فايده تذكر الا الصوت اذا ركبت الدبه بس

لا مابي ازيد العزم ابي صوت يطرب شوي يعني نفس الجمس لان صوت مكينته احلى بس اكيد مايصير

[معماري قطري]

النيسان فتك ماينفع حق دريول حاله حال البوحوض حق عزبه وله رمله ويصرف بترول



الهيلكس زين والبيكم النيسان زين مواتر ماتخترب خاصه النيسان بدله ايل فلتر وروح

روح شوف البيكم المازدا شكله حلو صراحه فالشارع
وعندك المتسبيشي بعد شكله حلو ورفيع كنه فوريول
واتوقع اسعارهم رخيصه بالنسبه للجديد والمستعمل بعد بس المستعمل ما انصحك فيه لان ما توقع لهم قطع غيار برا الوكاله والقرجات مالهم خبره فيهم

اما اذا مستعمل عليك باليكم النيسان او هايلكس بس حاسب تاخذ موتر درباوي

مشكور على النصيحة ولدي يدرس في دبي وعنده سيارتين هناك ويبي لو جا يستلم السيارة عارف له .. باشوف الأربع المتسوبيشي وبعد الاسوزو والنيسان والهيلوكس وحدي 4 سلندر وسنغل بعد

[معماري قطري]

هههههههههه البيكم مامنه فايده كلمت واحد من الربع امس يجيبه العنه وهو جاي ارتفعت الحراره وهو مايدري ما وعى الا الموتر يدخن ههههههه ما تحسف الا على النقعه فالخريطيات يوم ينظفون كربيتره

وله الموتر شاريه ب 1000 ريال ههههههه

يمكن مصخن من البرد .. لا لا خسارة فيه 1000 ريال هذا بس تذكار أيام داتسون

[معماري قطري]

هذي سيارتي الأُولى بس كان فيها مكيف وشوي غير .. خذت سنة 1980 بيضاء وبعد ما تكسرت في سنة خذت بيج سنة 1981 أو 1982 ما اذكر بالضبط والأُولى حصلت فيها قلبتين بسيطتين أما الثانية فقلبة بسيطة وقلبة شنيعة بعدها استويت أخاف من المغامرات والسرعة

وهذي رسمة الرسام السكين وهي قريبة جداً للواقع الأليم



رحلتي مع السيارات حسب ما اذكر استمرت من 1980 و1983 خذ لي الوالد جي وكان أأمن بكثير يمشي تايرين ولا ينقلب .. كان موجود لفترة بسيطة بس موقف في الزرع ومنتهي حلي ومتقطع .. 1984 أو 85 خذت زد اكس 300 تيربو وتكنسلت خلال 8 شهور بعدها سنة 1986 خذ لي الوالد جي مستعمل استعمال خفيف وكنت بادي دراستي برا وخذت اسوزو تيربو سبورت .. بحط فلم دعاية عنها ما يصير في مشاركة فلمين .. انباقت في ميامي وخذت بعدها أكورد 1990 باب واحد

بعد ما خلصت خذت رويال صالون تيوتا 1993 وبعدها 1995 خذت في اكس ار أبيض من داخل جلد بيج وبقى عندي 14 سنة .. 1996 أو 97 خذت الميني فان البريفيا حق البيت .. 2009 خذت كدلك اسكاليد مستعمل شبه جديد بعد للبيت .. وقبل 2007 خذت أفلون لي وللحين تامة عندي .. 2012 خذت لكزس ال اكس و2013 خذت جي اكس آر حق ولدي وقبل خذت له تندرا في 2009 تقريبا مستعملة .. و بعد 2013 خذت لكزس ال اكس للبيت وبس

بيتنا كله تيوتا ما عدا نيسان واحد .. ونسيت بعد جي اكس 2008 وموجود للحين عند ولدي الصغير

[معماري قطري]

الاسوزو لتفوتكم دعايتها تذبح ضحك .. اقول لعيالي شفت دعايتها وعجبتني وخذتها .. وينك يا سعد كنت تموت ضحك لين شغلت المشاش

[العرابي]

اجمل سياره ارتحت معها الافلانش z71

[بـن عدوان]

تويوتا كراون موتر زين

[غير البشر]

ياعيني عليك يا معماري على هالموضوع الجميل

انا كنت مجرم سواقه الحمدلله ربك ستر

متابع معاكم

[معماري قطري]

ياعيني عليك يا معماري على هالموضوع الجميل

انا كنت مجرم سواقه الحمدلله ربك ستر

متابع معاكم

نبي السي في كامل متابعة بدون اعترافات ما تنفع .. شوف مشرفتنا اعترفت إنها تدخل الدوار وتوقف تفكر بيدعمني مب داعمني لا لا لا جنه دعمني