انا صراحه مافي موتر مأستخدمته
خذت سياره يسمونها سهان بيرد كان الشريف وكيلها ماعندهم كراج ولاقطع غيار كان تروح تاخذهم من الحوطه مقابل سينما الخليج هههههههه عمر الافتراضي للسياره 6 شهور فقط
الفارميو كان وكيلها ناصر بن خالد صج موتر رزه كربيترين بس خرباته كانت وايد او بالاحرى هنى في الوكاله ماكنوا يعرفون له عدل
خذت من عند الدرويش فيات ريجاتا وخذيت مازدا حراقت الايل
وخذت من عند صالح الحمد المانع دتسون نفس الكبسوله بس ناسي اسمها
وخذت من عبدالغني مارك تو تويوتا هاي جات فتره بسيطه ووقفوانتاجها.
خذت كريسيدا شيخة السيارات
وخذت سوبر صالون عاد هاي التوب لين الحين موجوده عندي بس واقفه وماتحركت من 2008
وخذت عراوي وهايلكس اول مانزل المتعوس البرتون خذته اتعس سياره على وجه الارض

فاصل ونواصل