السلام عليكم
ناوري أروح العمرة مع العيال (ويكند من الخميس للسبت) وبنجيب معانا الخدامة (اندونيسية) كونها تخدم عندنا سبع سنوات وبترجع بلادها السنة الجاية نهائي
فقلنا خل نوديها معانا أول مرة تروح مكة
عندنا خيارين
(1)
نسافر بالبر لين الدمام ومن هناك رحلة داخلية (الدمام-جدة-الدمام)
(2)
نسافر بالطيارة (الدوحة-جدة-الدوحة)
سؤالي: بما أني كفيلها هل تحتاج تأشيرة عمرة مسبقة؟ ولا تاخذ من منفذ سلوى/مطار جدة بشكل مباشر
أفيدوني بارك الله فيكم
أكيد لازم تحتاج تاشيرة
التاشيرة ممكن تكون عن طريق منفذ سلوى
وممكن تكون عن طريق المكاتب في الدوحة
لازم تأشيرة سواء بالبر أو الجو
بالبر طبعاً تقدر تسويها في منفذ سلوى
وبالجو عن طريق المكاتب
في مكتب في بن عمران شارع الجزيرة العربية
اسمه درة مكة
مثل ما قالوا أي سفرة تحتاج فيها الخدامة لتأشيرة
سوها عن طريق مكتب و فك عمرك ..
الحاااال ،،
و الأقدار ،،
والرزق مكتوب ،،
و ما جابته الأيام ..
لا شك خيره ~
اليوم سائله مكتب عن خدامتي اثيوبيه قال ماتحتاج
تقدر تأخذ التاشيره من المطار اذا انت كفيلها , و معاها أقامه سارية المفعول .
جزاكم الله خير
هي أكيد بتحتاج تأشيرة لكن للتوضيح، سؤالي هو: هل تحتاج تأشيرة مسبقة؟
اللي فهمته من ردودكم
إذا بالبر.... ممكن عن طريق منفذ سلوى بحيث أكون كفيلها وعندها أقامة وجواز سفر صالحين
إذا بالجو... إما عن طريق مكتب أو في المطار... إذا أحد جرب عن طريق مطار (أي مطار دولي في السعودية) أرجو إنه يفيدنا بتجربته
وإذا ماحصلت تجارب صارت.. بقدم على تأشيرة مسبقة من مكتب وأريح راسي
والله يجزيكم خير
ضوابط المشاركة
رد مع اقتباس
