شركة كيو بيلدنغ للمقاولات نفذوا مشاريع كثيرة ومهندس.هيثم محترم 30455005 م وإدارة قطرية وناس ثقة
تحياتي
من الشركات الجيدة اللي تعاملت معاها سنة 1997 في بناء عمارة صغيرة شركة جي ال سي وهي تابعة لشركة هندسة البناء القطرية اللي كانت المقاول الرئيسي في بناء الستي سنتر .. ألحين الشركة دخل معاها شريك أمريكي وغيروا الإسم ل Yale and Andrews ودخلوا بعدد عمال كبير وبتكنولوجيا بناء حديثة .. وبالصدفة عرفت بعد ما تواصلت مع مديرهم في مشروع قال لي عدد موظفيهم زاد ل 1600
بس اللي يحب يتعامل مع هذي الشركة أو غيرها يسئل عن البدائل ويفاوض وأحسن له ياخذ شغل كامل ولو يخلي عليه شيء بسيط مثل شراء بعض المواد اللي فيها اختيار مثل البلاط وأطقم الحمامات والتكييف والدرايش والأعمال الخشبية يحدد مسؤولية المقاول الرئيسي عنها .. مثلاً للأبواب على المقاول عمل الفتحات حسب المقاسات وملء الطابوق بالخرسانة وتركيب بورد خشب sub frame منه يحدد البلاستر ومنه يركب عليه الفريم بعدين ويتثبت في طابوق مقوى بخرسانة داخله .. مالك غير ممكن يحدد هذي الطريقة والمواصفات ويخلي المقاول يورد ويركب ولا يوجع راسه .. وممكن يقول الأقفال انا باوردها
بالنسبة للبلاط وأطقم الحمامات نصيحتي يخليها عليه شراؤها واختيارها وعلى المقاول معاينتها واستلامها ونقلها والمحافظة عليها وتخزينها وتركيبها حسب طريقة التركيب المتفق عليها .. حتى المقاول ما يلف ويدور ويكسر المواد ويقول هم وصلوا مكسورين.
شركة كيوبيلدنغ للمقاولات من الشركات المحترمة وأسعارهم ممتازه ونفذوا لي مشاريع كثيرة ....
تحياتي
حياك الله الشيخ
شركتي وانا اديرها ( مقاولات واستشارات وكهرباء وديكورات الخ)
نبني من الاف الى الياء
كلمني عالخاص اذا حبيت اي استفسار
الشركات الجيدة كثيره لكن أخذ عروض سعر بالمواصفات وقارن واسال عن طريقه البنيان من الألف الى آليا ولا تبتدي الا اذا مقتنع ،، وقارن مع الاستشاري اذا ماعندك خبره ترى ادق التفاصيل تفرق بالسعر مثل المده ومثل طريقه صف المداميك وغيره طريقه الصب بعد الطابوق ولا قبله والكهربا والماي وكل شي بالتفصيل الممل
أنا شخصياََ ماجربت ولكن فيه ناس يمدحون شركه الجزيره في محطه بترول الجوازات وفيه شركه السهلي وشركه الستين ومالكها قطري وهو اللي يدير العمل بنفسه
وفيه مقاول أفغاني يمدحونه حق العظم والله يوفق الجميع