انا حاضر للكل ولك انت أكيد بإذن اللهالمشاركة الأصلية كتبت بواسطة خذاني الشوق
فيه حاجة مهمة في قوانين التصميم والعقود الهندسية ما يذكرها الا المكتب الشاطر .. اللي هي عندنا الرسومات والمواصفات العامة والمواصفات الخاصة وهذي كلها تكون شروط التعاقد + نضيف لها التعديلات والمراسلات الكتابية الموثقة + أُصول الصنعة
أُصول الصنعة هذي لازم تحدد بشكل قانوني أو تذكر أَي أُصول تتبع بعبارات واضحة وصريحة حتى ما يكون فيه إختلاف .. والشيء المهم اللي هو .. تورطت والله اعرف الكلمة بالانجليزي ولا اعرف وصفها بالعربي .. هو كمثال نذكر الأولويات لهذي العناوين .. كمثال الرسومات لها الأولوية رقم 1 يعني اللي في الرسومات يطبق ولو غير واضح نروح للمواصفات الخاصة ومنها للعامة ومنها للعرف الهندسي أو أُصول الصنعة
مثلاً لو غير مذكور في العقد إن البناء يكون على أساس فريم خرساني وبعده يجي الطابوق وحب المقاول يختصر العملية وحبينا نضغط عليه حسب المواصفات العامة في قطر هذا الأساس لأَن التصميم يكون على أساس فريم والطابوق يعتبر حشو فلازم نطبق على هذا الأساس .. لكن الاستشاري الفاهم والعارف للف ودوران المقاولين يكتبها صريحة وبخط بارز بأَن هذي الطريقة المطلوبة للبناء
وانا حاضر للكل بحدود قدرتي والحمد لله يتوفر لي الوقت لمراجعة التصاميم وتعديلها والعقود لازم يتدخل فيها كم طرف وكم مهندس كلٍ بتخصصه مع المالك حتى يطلعون بعقد يرضى كل الأطراف لذلك صعب علي أتدخل في شغلات هندسية بعيدة عن اختصاصي
|
رد مع اقتباس