حبيت تشكيلة العمل الأخير قليل من الزخرفة وخطوط مستقيمة
أَمس شفت حجر مركب على واجهة فندق ميكانيكي وبدون مونة للفراغات .. الفراغات حول 6 ملم وكل قطعة مشبوكة من 4 أطراف بالثانية .. والكتل كبيرة وثقيلة تبين لي .. حاولت اصور لكن المموري 0 ولازم انقل الصور للكمبيوتر وان شاء الله باصور.
جربتوا تسوون واجهة بهذي الطريقة؟ ولو جزء بسيط وبانارة مخفية تحت الحجر بعد بتطلع الفراغات منورة وبتكون حركة جديدة ما سواها حد من قبل.
ممكن صور تقريبية عن طريقة التركيب
اشوف ابيام تركيب حديد طويله مثبته على حائط المنزل ويتركب عليها الحجر في احدا الصور
ممكن شرح اكثر عن طرق التركيب لدى شركتكم مع صور تقريبية
السلام عليكم اخوي معماري قطر اشكرك على مداخلاتك النافعه والجميله بالنسبه للطريقه اللي ذكرتها نعم في بعض الطرق ان تجعل فراغ تقريا 5 مييل بين الحجر واختها بدون مونه خصوصا لما يكون احجام الحجر كبيره والطريقه هي وضع الزوايا والبراغي خلف الحجر وليس بالجوانب يكون شكله جميل جدا وهذه الطريقه اغلب الفلل الذي في الرياض يعملوها اما اصحاب الفلل في قطر لايفضلوها بحجة ممكن ان يدخل خلف الحجر الحشرات وهو وجهة نظر ، علما ان الحجر الي تم تركيبه في مطار الدحه بهذه الطريقه ومظهره جمبل جدا
اخوي azizuk تحيه طيبه .
سالتني عن طريقة التركيب بحديد طولي نعم هذه طريقه من طرق التركيب الميكانيكي وهي طريقه قويه جدا ونعملها اذا كان الحائط غير متساوي اي اللي ركبو الطابوق ماشتغلو بالخيط عشان المقاس يجي جيد فنقترح على صاحب المبنى وضع قضبان الحديد وهو اذ تركب بطريقه فنيه يعطي توازن بالليفل المبنى يصل الى 100% وايضا هو قوي جدا ويتحمل اوزان كبيره لان الثقل يتوزع على الجدار وليس على جزء واحد لكن تكلفته كبيره مقارنه بالطريقه الميكانيكيه العاديه ، وايضا الطريقه الميكانيكيه العاديه افضل بمراحل من طريقة التركيب بالمونه .
اسال الله لكم التوفيق
شاكر لك سعة صدرك لتعليقاتنا ومقترحاتنا وتساؤلاتنا واجاباتك المقنعة واللي تدل على خبرة كبيرة
انت والأخ حسن الأحمد تشتغلون في مجال فني وتقني جميل وفيه جودة كبيرة .. وما قصرتوا نورتونا كثير .. يشغل بالي صعوبة تحديد مستوى الأرضية للحوش حتى تتحدد قاعدة العمود لأَن الحوش لازم يجي مايل شوي لتصريف مياه المطر .. وأكيد تبذلون مجهودات لتحديد هذي المستويات وقطع الحجر حسب هذا الميلان.