بوجبر مب معناد ناس تفهم وتدخل الحين ومايهمها نزول كم ريال
بوجبر مب معناد ناس تفهم وتدخل الحين ومايهمها نزول كم ريال
انا ما كنت هناك
امس اقول لا تنظرون من زاوية واحدة
هل دول الخليج مستفيدة من قوة الدولار والا لا
كم زادت المحافظ السيادية مقابل العملات
ماهو وضع السندات وزيادة قيمتها ( في امريكا يسمونها الملاذ الامن)
امس الصين نزلت قيمة اليوان .....ليش ؟ مب العالم خائف من تباطئ ثاني اكبر اقتصاد في العالم ......الحين قلل من قيمته وهذا يساعد تسارع النمو او على المحافظة على المستوى. ليش الحين ما صار ايجابي و صاير سلبي ( مش الخطوة هذه راح تساعد على الزيادة في طلب النفط)
السؤال الاخير ......احنا مرتبطين بالنفط و الا بالصين والا بالداو والا بشنو
النفط الصخري لا تخاف منه .....لا اقتصاديا و لا بيئيا مسموح والا كان شفت اكسون موبيل و كونكوفيلبس وكبرى شركات النفط دخلوا استثمار فيه
جملة اخيرة
" فكر بنفسك ولا تفكر بعقول الاخرين"
الا صج .......اشلون شمعة اليوم
والله ياعتيق اللي الاحظه في الجلسات ان احنا مرتبطين باي شي ينزل
هذا اللي لاحظته من كلام الشباب
يعني السوق السعودي ينزل
نشوف بعض الأعضاء يقول : السوق السعودي نازل الله يستر علة سوقنا
الداو ينزل
نشوف بعض الأعضاء يقولون الداو نازل الله يستر على سوقنا
سوق دبي ينزل
نشوف بعض الأعضاء يقولون سوق دبي نازل الله يستر على سوقنا
نفس الشي بالنسبة للذهب والبترول ويمكن أسعار الطيارات الايرباص وسيارات لاندكروزر وأسعار الخرفان
الله يعلم
أي شي ينزل على طول نكون مرتبطين به (حسب رؤية بعض الأعضاء الكرام)
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر
النفط والبرنت متوقع يكون بين 40 الى 60 لفتره مب بسيطه يمكن سنتين او ثلاثه واذا كثر 70
هل معناها بورصتنا بتستمر بهالركود وهالسيوله الشحيحه !!! غير معقول ولا منطقي
خاصة ان اداء الشركات وارباحها جيده وفي بعضها اكثر من جيده
التحليل الاساسي لازم يكون له دور
اتوقع مع انتهاء عطلة الصيف راح يتحرك السوق اكثر وتزيد السيوله