السلام عليكم
وين احسن محلات عبي؟ سمعت في معيذر والعزيزية, لكن مااعرف مكانهم بالضبط, انا ماادل معيذر وين؟
وإيش إسم المحلات؟ وإسم الخياط الشاطر؟ نوع العبي إلي أبيها للطلعات العادية والدوام.
وسؤال ثاني: في أحد يعرف وين راح محل الحسناء والقطرية للعبايات إلي كانوا في الستي؟
وشكرا مقدما
وعليكم السلام ورحمة الله وبركاته،
العزيزية في شارع عثمان بن عفان،
معيذر موجودة الناحية المقابلة لحديقة الحيوان،
ما أعرف أسامي المحلات الزينة،
أسجل متابعة يمكن أستفيد من الموضوع معاج،
ومرحبا بج في المنتدى،
والله يوفقج.
في معيذر يمدحون المحلات اللي في شارع أم الدوم ..
الخميس و الجمعه في محلات حلوة مثل البرنسيسة
كل موديلاته من الإمارات ..
العزيزية يمدحون المحلات اللي بتلقينها و انتي جاية
من صوب الدفاع المدني تخلينه يسارج و تكملين سيدة
المحلات قدام على يمينج ..
الحاااال ،،
و الأقدار ،،
والرزق مكتوب ،،
و ما جابته الأيام ..
لا شك خيره ~
عندج في الخريطيات محلات وايد ..
في الشارع اللي فيه البنوك .. وفيه مقابل البتيل عبايات الحلوين خياطه نظيف
في المنتزة عبايات تارا .. مشاهد مكتبة الأسرة موديلاته وشغله حلو
وعليكم السلام ورحمة الله وبركاته
بخصوص محلات العبي اللي فالعزيزية انصحج بمحل فور يو (4you) طبعا سعره بالنسبة للمحلات اللي في نفس الشارع مرتفع
بس عنده موديلات واجد وتحتارين شتاخذين ..
وصفه المحل
وانتي نازلة من الوعب الين الاشارة الي بين فيلاجيو وحياة بلازا تاخذينها يسار
تنزلج دوار العزيزية اخذيه يسار كملي الين يجيج دوار اخذيه سيدا
عقب بيجيج مفرق اخذيه يمين بيكون اول محل على يمينج
طبعا هذا الشارع فيه مايقارب العشرين محل مري عليهم شوفي شاللي يعجبج
موفقه ان شاءالله
إياك أن تدل الناس إلى الله ثم تفقد أنت الطريق . .
وأستعذ بالله دائماً أن تكون جسراً يعبر به إلى الجنة ثم يُلقى به في النار . .
وبخصوص محل الحسناء مر علي الاسم اهناك بس مادري هو نفسه اللي تقصدينه والا لا ..
إياك أن تدل الناس إلى الله ثم تفقد أنت الطريق . .
وأستعذ بالله دائماً أن تكون جسراً يعبر به إلى الجنة ثم يُلقى به في النار . .
نصيحة اختي كيان ,,
اللي بالعزيزية صحيح العبايات اسعارها حلوة وديزايناتها حلوة وعمليه بس يختي لو انتي ف جامعة والله مستحيل يمر يومج بدون ماتشوفين وحدة مثل عباتج
-وهذا شي شخصي-
يعني العزيزية اغلب بنات قطر يفصلون هناك وخصوصا بنات المدارس والجامعات
ف انتي لو رحتي حاولي تغيرين ف الموديل او النقشة - لو كنتي ماتحبين حد يلبس مثل عباتج -
اما اذا عادي عندج روحي وسهالات العبايات هناك حلوة
واذا انتي من النوع اللي عادي يقط 900 و 1000 ع عباية انصحج بربشة ف المنتزه والاناقة الملكية .
::
أصحاب العقول العظيمة دائما ما يواجهون مقاومة عنيفة من أصحاب العقول
البسيطة
الإمبراطورة في الخريطيات مقابل تي تايم اسعارهم مناسبة وديزايناتهم حلوة
الموضوع طيب ومفيد للبنات فشكراً لصاحبته و لكل من وضع بصمتــــــه
و أتفق مع أختي أم محمد بخصوص محل الأناقة الملكية في الســــــد .. ممكن يكون غالي نسبياً .. لكن موديلاته مميـــــزة
عندج محل مزركش في العزيزيه ، اسعاره زينه
تخلين وقت الشاي على يسارج وبتلقينه على يمينج
تقريباً بعد 500 متر
ضوابط المشاركة
رد مع اقتباس
