كانت عندي فكرة هي ان الطبيلة تركب فوق الطوفة و اثبتها ببراغي لكن يبيلها حسابات مهندس مدني و انا كهربا يعني المجال بعيد شوي!المشاركة الأصلية كتبت بواسطة معماري قطري
شغلك حلو لكني احاتي الهوا لو عصف انه يطيح الطبيلة!
|
كانت عندي فكرة هي ان الطبيلة تركب فوق الطوفة و اثبتها ببراغي لكن يبيلها حسابات مهندس مدني و انا كهربا يعني المجال بعيد شوي!
شغلك حلو لكني احاتي الهوا لو عصف انه يطيح الطبيلة!
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
اتفق معك يبو عبدالله، وانا بعد عندي علامة تعجب! اقولكم ليش.
النصارى (الارثوذكس) اتباع الكنيسة الشرقية يستقبلون جهة الشرق حتى عند تأدية القداسات مالتهم..
السر أن الوثنية تسربت للنصرانية لأن أول من اتبع النصرانية كانت أمم الرومان وهم كانوا وثنيين وحتى أسماء الأسبوع تبدأ بصنداي.. اللي هو يوم الشمس.
العجيب أن الفرانسة وغرب أوروبا ماهم ارثوذكس من يوم يومهم اما كاثوليك أو بروتستانت في الغالب.. فشنو اللي خلاهم يوجهون الكنيسة مالتهم شرق؟ وهذا اللي أثار عجبي؟
اللهــــــم ارحم أخي فايز واسكنه فسيح جناتك وسائر أموات المسلمين
سهلة انا طويل انزل السيت حده والباب الواحد وسيع لو اربع أبواب أكيد تفرق
الموضوع ديني وهذي قبلتهم صوب بيت المقدس .. تقدر تدخل قوقل ايرث وتتأد بخط مثل اللي سواه هذا بيوصلك للقدس ولو حبيت تسويه جهة مكة المكرمة أوقات بيبين قريب وصحيح تقدر تتخيله مثل هذا لكن الأصح هو القدس والمعلومة قايلها لي واحد عارف هالموضوع حتى وإحنا نمشي نشوف الكنائس توجيهها غير عن بقية المباني وكنت مستغرب من هذا الشيء بس وضح لي
طريقة سهلة لمعرفة القبلة في بلدان مثل ألمانيا وسويسرا والنمسا الجهة متطابقة مع أي كنيسة
السعر وفرت فيه كثير .. المقوسة كانت بتكلفني 12500 بالأعمدة وبدون كلفت 8000 على ما أذكر .. اللي في الطوفة كنت مأسس لها حديد ببراغي بس شركة الطبيلات كانت قطر كي سبان وكانت حق غانم ال سعد وتحولت بعدين للدوحة كويك سبان حق أحد عيال عمي وشغلهم جودة ما شاء الله تعاملنا معاها وايد للحكومة وللخاص بس اللي بياخذ يشترط السمك الكبير لأنه ثابت ويتحمل ولا يقرقع من الهواء
الطبيلة الثانية بغيت أسويها كي سبان ومع نفس الشركة بس عطوني سعر غالي وسويتها عن طريق حداد يمني ب 6000 ريال والتكسية والتشكيل الإسمنتي ب 4000 ريال عن طريق إندونيسيين .. صلخني مصري شكله سمسار ب 25000 بس معاه تغطية أحواض الزراعة بتشكيل جذع شجرة وعمل شلال من البلكونة اللي سكرتها .. الأندونيسيين مع الشلال كان تسعيرهم 10000 ريال وسويت تكسية الطبيلة بدون الباقي
هالمرة ننتقل لتصميم ملجأ ضد القنابل .. بس أكيد القنابل الحديثة تخترق هذي الملاجيء بسهولة .. ميزة التصميم الدائري إنه يتحمل وزن خيالي فوقه وممكن يسوون قطعة خرسانية نص دائرية أو حتى دائرية بالكامل فوق تكون للمعيشة وتحت للتخزين والآلات وبعدين دفان وبعدين طبقة ثانية وممكن ثالثة .. بس توجد قنابل بعد تخترق هذي التحصينات واللي يذكر الملجأ اللي في العراق وكم قتلوا فيه الأمريكان بقنبلة تنفجر على دفعات وتخترق التحصينات اللي سموها أُم القنابل الله يرزقهم بمثلها فوق روسهم .. الملجأ العراقي كان محصن بطبقات كثيرة بس القنبلة وصلت لداخله وانفجرت في الناس انفجرت على دفعات من أول طبقة خرسانية لآخر طبقة
وهذي الملاجيء عارفينها ضعيفة لوقتنا الحالي 8 أقدام = تقريباً مترين ولا شيء
ما اشوف فيه داعي حق كميات الحديد والتسليح اللي في صورة الفيديو فوق .. شفنا فيديوهات للتقوية بالفيبر اللي هو عملي أكثر من الحديد ويدوم .. وبعدين يبين لي ما فيه بلاستيك تحت ولا بسكوتات ترفع الحديد والحديد في هذي النوعية من الصبيات المفروض يكون وسطي حتى نستفيد منه أقصى استفادة وقصدي بوسطي وسط تقريباً إرتفاع الصبية .. لو كانت 10 سم نحطه على ارتفاع 5 سم ولو كانت 15 ممكن حتى 5 أو 6 أو 7 المهم نكون قريبين من الوسط ولو شوي جهة تحت مب مشكلة
السبب إن القوى المؤثرة هنا الرأسية للأسفل يعادلها دفع التربة وقوة انتفاخ التربة لأعلى وهي ممكنة لو دخلت رطوبة بأي طريقة يعادلها شد الحديد المرتفع فوق .. بس لو اعتمدنا الفايبر الخيوط أو السائل اللي يتحول لخيوط رفيعة ويعطي قوة في الشد في كل الإتجاهات ويضمن لنا ما تصير شلوخ حرارية بيكون كفاية وأكثر من كفاية
ضوابط المشاركة
رد مع اقتباس