مقولة (الجو مال بو نفرين)

**بو خليفه 123** · 17-03-2015 02:10 PM

السلام عليكم و رحمة الله و بركاته ..

اتوقع حول اليومين ماقدرت ادخل المنتدى نظراً لظروف خارجه عن الاراده و بعد تسجيلي للدخول منذ قليل وردتني رساله على الخاص مفادها ان غياب بو خليفه في هالجو مال بو نفرين مثير للشكوك ..

السؤال ليس اذا فعلاً قضيت وقتي في هالجو مع بو نفرين او في امور اخرى ..

السؤال هو ..

وش سويت في هالجو الحلو ؟ كيف كان جدول عزيزي العضو و اختي العضوه .. و أنا بعدين بقول لكم اذا هالعضو احساسه كان بمكانه او لأ ..

انتظركم على أحر من الجمر

**شبح الصمت** · 17-03-2015 02:12 PM

الجو ماشاء الله خياااال

مال تجلس مع بوحارب ويعطيك مغامراته

هههاي

بوخليفة امس رحت سوق واقف الوكره مع واحد من الربع ما اوصف لك

تسبحت وعالم تصدق الناس مستانسه استغربت منهم رجال وحريم واطفال ..

يا زين المطر ويا زين فرحة العالم فيه ..

الله يزيده ويرحم عبيده

**بو خليفه 123** · 17-03-2015 02:17 PM

عيون المها بين الرصافـة والجسـر
جلبن الهوى من حيث أدري ولا أدري
خليلـي مـا أحلـى الهـوى وأمـره
أعرفنـي بالحلـو منـه وبالـمـرَّ !
كفى بالهوى شغلاً وبالشيـب زاجـراً
لو أن الهوى ممـا ينهنـه بالزجـر
بما بيننا مـن حرمـة هـل علمتمـا
أرق من الشكوى وأقسى من الهجر ؟

**بوحارب** · 17-03-2015 02:18 PM

شبح خلصت صواريخي اقصد مغامراتي

بوخليفة
انا في هالجو مركلس في البيت ورقادي معتفس

انا تيبان
قلب تيبان
سوي أبره

**Dana’1** · 17-03-2015 02:25 PM

فعلا اجواء جميله الله يديمها

قبل أمس عشت جو بونفرين << ما احس فيها رومنسيه ~_~ المهم عشته مع أميرتي بنتي رحنا كتارا نتمشى ونتقهوى في شوكليت ورحنا عالبحر نتفرج عالي يطيرون وسوالف عقب ردينا البيت

أمس ماكان فيه أي نشاط برا البيت << الدروس والواجبات كثيير

**sweet qatar** · 17-03-2015 02:40 PM

بالعادة من يحلا الجو السناب ما يوقف

إلا كتارا و إلا اللؤلؤة .. أما اليوم صخخخخخه سنابين بس

سبحان الله < بصوت هيرتيك روشان

ما علينا .. أنا عشت أمس أجمل اللحظات وأنا طالعة من الجمعية تحت المطر شايلة الأكياس

و رجعت البيت و استقبلت ضيوف و عقب ما راحوا تمشيت في الحوش عن خاطري عقب اشتغلت شوي و الدنيا برق و رعد برا

و بس