العزل الحراري للمباني - محدث وللنقاش المتواصل

[معماري قطري]

باواصل بالفرقية لو حسنا .. عندنا البطل في العزل اللي هو الفوم وبعد الصوف الصخري وغيره من مواد عزل .. الفوم الواحد انش منه يعطينا مقاومة = 5 الواحد انش = 2.54 سم يعني 5 سم تعطينا تقريباً 10 أو يو فاليو = 0.1 .. لو حطينا تجويف 10 سم وشغلنا نصه بالفوم 5 سم يعطينا مجموع آر فاليو يساوي تقريباً 15 ومنها اليو فاليو تعادل 0.066 وهذا فرق كبير عن قبل 0.2 والتحسين يعادل 67%

نفس الشيء مكان الجسور بيعطينا آر فاليو =13.3 ومنها اليو = 0.075 .. ما ادري كم تطلب وزارة الكهرباء للعزل بس الاستشاريين يسوون هذي الحسابات ويبرزونها وللأسف بدون تغطية الجسور الحرارية والثغرات اللي تدخل حرارة بقوة للبيت مثل يسوون الجدار معزول ويسوون الجسر عريض يغطي الجدار بالكامل وهناك يكون انتقال الحرارة قوي من خلال مقطع الجسر

بمعنى آخر نفترض حققنا 0.05 أو حتى أقل لمقطع الجدار وتركنا الجسر عريض وقوي كما يدعون بعرض 45 سم أو 40 سم بيكون عندنا مقطع الجسر وهو ممكن يكون عميق بارتفاع 60 سم أو أكثر لو الجدار 4 متر صافي 60 سم تعادل 15% وهذي ال 15% تعادل جسر حراري كبير .. مكان الجسر بتكون اليو فاليو ضعف الجسر الصغير تقريباً 0.2 والفرق إن هذا المكان تدخل منه حرارة تعادل 4 أضعاف الحرارة اللي تدخل من باقي الجدار .. يعني في الدور الأول عندنا الارضية والسقف والجسر الحراري هذا أو بالأصح الثغرة تعادل 30% من مساحة الجدار تدخل 4 أضعاف كمية الحرارة أو البرودة وهذا اللي يفسر إن البعض مسوين عزل حراري لكن وقت البرد الأرضيات باردة وايد واكتشفوا هالشيء بأقدامهم لكن ما اكتشفوا شكثر الأسقف باردة وتشع برودة على داخل البيت

أتمنى إني وفقت في تبيين خلل الحسابات عند المكاتب واللي يوافقون عليه مرغمين أصحاب الاختصاص بسبب قلة معرفتهم