يعطيكم العافيه الصراحه اخوي بوريم واضرب واشرد والاخوان كلهم مب مقصرين فالتحليل
بس عندي سوال صريح واتمنى حد يجاوبني عليه
لين الكل يتكلم ويقول الصانع والهوامير وال 5% ووو
هذي الاشياء الي كانت لاعبه فالسوق بس لو لاحظنا
ان اسواق المنطقه كلها ماشيه على نفس مستوى بورصتنا
نرتفع مع بعض و ننزل مع بعض في اغلب الوقت هل يعقل
ان اسواق المنطقه اتشارك في نفس الموضوع بنفس الوقت
باستثناء النفط طبعاً
انخفض المؤشر 11 نقطة
6 شركات ارتفعت 1% وفوق (منها القابضة)
13 شركة انخفضت 1% وفوق (منها الأهلي والدوحة والسينما)
مرحبا أخوي
تبي الصراحة ؟
الصعود السابق والتصحيح اللي تلاه ، مفروض يكون مرصود للمحلل .. سواء الأهداف ، أو الهبوط القوي بعدها
وماله أي علاقة بالأخبار أو الأمور الثانية .. التحليل يكون مرصود من زمن بعيد نوعا ما .. الأخبار والأحداث تحدث تغيير فيه لكن تغيير محدود (تمد الوقت .. تمد السعر .. تقلصهم) لكن يبقى في اطار الحركة المفترض أنها مرصودة من زمن مسبق
((لكن)) كلنا وقعنا في أخطاء وأنا أولكم، أثناء التداولات القوية والحماس الواحد ينسى ويتغافل عن الهبوط وعن السلبيات، ويحس أن الصعود والتضخم ماله نهاية
والخطأ وقع فيه المتداول والمحلل الفني والمحلل الأساسي ..
وصراحة أكبر .. المحلل في التداولات القوية اللي يقول لك خروج وبيع ويحذر (ما أحد يسمع كلامه) ، لأن لو خالف السوق توقعه مؤقتا .. الكل يشك في تحليله ويقولون له (استريح) ويستمرون في الشراء
المتداول ليش يدخل سهم توزيعه 2.5% ؟؟ هو عارف أنه خطأ لكن هذي طبيعة الأسواق الصاعدة والركض وراء الربح المضاربي
"يقول جان: أنا متحفظ عندما أقول أن المتداول قد يسأل 10 أشخاص عن سهمه يوميا، أغلبهم لايعلمون أكثر منه، إذا كان رأيهم نفسه يأخذ به وإذا لا تجاهلهم" منقول
المتداول غالبا يصدر حكمه ورأيه الشخصي ، ثم يبحث عن الأشخاص والمحللين الموافقين لرأيه ويتبعهم (هو في الحقيقية اتبع رأيه) وبحث عن نظرائه
التعديل الأخير تم بواسطة <اضرب واشرد> ; 27-01-2015 الساعة 03:05 AM
مشكور ياخوي على هالطرح الي اعتبره تلخيص لنفسيات السوق
لاكن كنت اقصد على سبيل المثال عندما يقول محللنا القدير بوريم
استانستوا يا افراد يلا بيعوا برخيص وانتم الغلطانين*ولاكن
اغلب الوقت يكونون الافراد في جانب الشراء يعني الافراد ماباعوا
والسوق كان ايجابي حتى كلام الاخت سلوى اليوم لاكن كان في تزول قوي قبل الاغلاق
ف الي ابي اعرفه اذا صار خطاء في التحليل او الموشر خالف التوقعات
ماينفع نقول هذا الخطاء من الافراد اذا كان كذا معناته مانقدر نستند على التحليل
لان ممكن الافراد او المحافظ تغير التحليل باي وقت ويكون ماله داعي
وللعلم انا سيولتي برا السوق من فتره وما املك الا في اعمال شي بسيط ومتعلق فيها
من فترة.
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر