خزانات الماء

[فريج النجادة]

اذا كانت البيت فية صخان مركزي ما يحتاج تنظيف الخزان

لان الماء يمر على فلاتر تنظف الماء

والفلتر ينظف نفسة كل ست شهور

ويتبدل الفلتر كل سنتين

[..er..]

مرحبا

شركات تنظيف المنازل
عندهم خدمة تنظيف خزانات الماي
بس شوف شركة جيدة مب أي كلام

موفق إن شاء الله

للاسف لقيت اغلب الشركات اسعارهم خياليه وثلاث ارباعهم بيطمرون في بطن التانكي ويغسل ويمكن يتسبح داخل
ف ابعدتهم بكل قوه من راسي .. يوفقنا وياك ان شاء الله لما يحب ويرضى

اشتر لك مكينه ضغط ونظفه بنفسك امن لك واحسن ومنها تسليه والجو الحين زين اعتدل
اتجيب لك ناس ما تدري بصحتهم

بيني وبينك هذا اللي صار اشتريت لي مكينه برشر ودبه كلور وطمرت وزين اني مانشبت في التانكي
منها استجمام ومنها تنظيف هههههه

جميع شركات النظافه عندهم خدمة التنظيف

صحيح اخوي بس مالقينا اللي عليهم الاعتماد للاسف

انا بعد ااابغي

ان شاء الله تحصل مطلوبك ..

لا والله مب تسلية الا بلشة تدري ليش؟؟

1- لازم تفضي الخزان كامل. وتفك وصلة البيبات حتى ما يروح الماي الحلي داخلها.

2- لازم تتعلق لين توصل فتحة الخزان، وتدخل داخل واذا انت دب يمكن تتقلقص.



3- مشكلة الخزانات ان فتحة تصريف الماي (الولف او مكان البيبات) مرتفعة حوالي (5-10سم) عن قاع الخزان وهذا شي جيد بحيث لا يتم تمرير الاوساخ المترسبة والصدأ من خلال مواسير المياه. لكن الشي اللي مب جيد ان الماي الوسخ المتبقي والحلى المترسب ماله منفذ الا برفعه في سطل الى فتحة الخزان أو شفطه بمضخة وتصريفه خارج الخزان.

4- لو استخدمت اي مواد منظفة/معقمة تحتاج تغسل الخزان من الداخل اكثر من مرة لين تتأكد من عدم وجود بقايا أو روائح.

5- اخيرا اذا الخزان كبير، الله يعينك على الخروج، فدخول الخزان مب مثل الخروج منه. ((انا مرة توهقت مع الخزان الأرضي 2000 لتر، استخدمت سلم المنيوم للنزول والصعود غطى فتحة الخزان، استعملت كرسي بلاستيك طلع صغير ما ينطال، ما ادري شاستخدمت بعد بغى يبط قاع الدرام، مع اني ما دخلت اغسل الدرام، كنت ابدل العوامة اللي داخله)).

الأسهل والأسلم، خل الشغل على شركات التنظيف المعروفة والمحترمة، خاصة ان عندهم معدات ودينمات شفط وبيبات بلاستيك طوال نفس مال مكانس التنظيف الكهربائية، حتى بعضهم ما يحتاج ينزلون في الخزان،



وبعض الشركات تعقم لك الخزان بالكلور "" وهذا تنصح به كهرماء مرة كل 6 شهور او كل سنة ما اذكر بالظبط""

بالتوفيق وتحياتي لك وللجميع

تصدق ماطرى علي الدرج فضيت التانكي وسدحته والبزران انواع التزحلق ف الحوش
زين محد اشتكى علي بسبب الماء اللي طلع برى البيت ..
بس للاسف مافيه شركه فيها الخير وعليها الاعتماد بالتنظيف
يعطيك العافيه يالغالي ..

جزاكم الله خيرا

ويجزانا ويجزاك بمثله ..

رد خارج الموضوع ..

{ افتقدنا مشاركاتك يا

.. er ..

وبالتوفيق }

جعلك ماتفقد غالي يارب .. ابشر بالخير .. ظروف الدنيا الله يكفينا وياكم شرها

اذا كانت البيت فية صخان مركزي ما يحتاج تنظيف الخزان

لان الماء يمر على فلاتر تنظف الماء

والفلتر ينظف نفسة كل ست شهور

ويتبدل الفلتر كل سنتين

هذي البيوت الجديده بيتي ماظنتي يستحمل صخان مركزي ههههه يمكن يهج ويخليني
يعطيك العافيه يالغالي .. ع المعلومه

[ام راشد 1]

في شركة في الوكرة تنظف خزانات الفنادق الكبيرة، بس ما ادري اذا تنظف توانكي البيوت

[..er..]

ام راشد 1

ياليت اسم الشركه او رقم تلفونها ..