خزانات الماء

[..er..]

مساكم الله بالخير

حبيت استفسر منكم ،،، من اللي نظف خزانات الماي بالبيت
وين راح او هل فيه شركه مختصه لاني ابي انظفها
تنظيف عدل مب عامل يطمر فيها ويغسل ويتسبح
كلمت كهرماء وماقصر الاخ اللي رد اللي قدر يساعدني فيه
انه يوقف الماي من البيت لحين تنظيف الخزانات

فـ اتمنى من الاخوه اللي نظف خزانات بيته من قبل يدلنا

وجزاكم الله خير

[حسن]

في عضو في المنتدى اسمه خليفه

عنده خبره في تنظيف الادرامات ونزل موضوع بالصور

مادري وينه

بانسبه لي مافي الى تسكر الماي وانزل الصبي وينظف


وهذه الطريقه اللي اسويها

[..er..]

ياليت خليفه يشرف موضوعنا وينورنا

بالنسبه ينزل داخل مافيها اشكال بس ماجازت لي وشكلها الحل الوحيد
بيض الله وجهك ياحسن والله لا يهينك

وان شاء الله يفيدونا الاخوان

[شمس المغيب]

مرحبا

شركات تنظيف المنازل
عندهم خدمة تنظيف خزانات الماي
بس شوف شركة جيدة مب أي كلام

موفق إن شاء الله

[alsoq]

اشتر لك مكينه ضغط ونظفه بنفسك امن لك واحسن ومنها تسليه والجو الحين زين اعتدل
اتجيب لك ناس ما تدري بصحتهم

[النهار]

جميع شركات النظافه عندهم خدمة التنظيف

[مـراحـب]

انا بعد ااابغي

[بوNasser]

اشتر لك مكينه ضغط ونظفه بنفسك امن لك واحسن ومنها تسليه والجو الحين زين اعتدل
اتجيب لك ناس ما تدري بصحتهم

لا والله مب تسلية الا بلشة تدري ليش؟؟

1- لازم تفضي الخزان كامل. وتفك وصلة البيبات حتى ما يروح الماي الحلي داخلها.

2- لازم تتعلق لين توصل فتحة الخزان، وتدخل داخل واذا انت دب يمكن تتقلقص.



3- مشكلة الخزانات ان فتحة تصريف الماي (الولف او مكان البيبات) مرتفعة حوالي (5-10سم) عن قاع الخزان وهذا شي جيد بحيث لا يتم تمرير الاوساخ المترسبة والصدأ من خلال مواسير المياه. لكن الشي اللي مب جيد ان الماي الوسخ المتبقي والحلى المترسب ماله منفذ الا برفعه في سطل الى فتحة الخزان أو شفطه بمضخة وتصريفه خارج الخزان.

4- لو استخدمت اي مواد منظفة/معقمة تحتاج تغسل الخزان من الداخل اكثر من مرة لين تتأكد من عدم وجود بقايا أو روائح.

5- اخيرا اذا الخزان كبير، الله يعينك على الخروج، فدخول الخزان مب مثل الخروج منه. ((انا مرة توهقت مع الخزان الأرضي 2000 لتر، استخدمت سلم المنيوم للنزول والصعود غطى فتحة الخزان، استعملت كرسي بلاستيك طلع صغير ما ينطال، ما ادري شاستخدمت بعد بغى يبط قاع الدرام، مع اني ما دخلت اغسل الدرام، كنت ابدل العوامة اللي داخله)).

الأسهل والأسلم، خل الشغل على شركات التنظيف المعروفة والمحترمة، خاصة ان عندهم معدات ودينمات شفط وبيبات بلاستيك طوال نفس مال مكانس التنظيف الكهربائية، حتى بعضهم ما يحتاج ينزلون في الخزان،



وبعض الشركات تعقم لك الخزان بالكلور "" وهذا تنصح به كهرماء مرة كل 6 شهور او كل سنة ما اذكر بالظبط""

بالتوفيق وتحياتي لك وللجميع

[ولد العلي]

جزاكم الله خيرا

[Charisma]

رد خارج الموضوع ..

{ افتقدنا مشاركاتك يا

.. er ..

وبالتوفيق }