* تصـاميـــم مجـالـــــس مــودرن و كـلاسيـــــك *

[الجـــوديّ]

تسلمين جاكلين على الاختيارات الجميلة

أشوف اغلبها يميل للنيوكلاسيك

ومن ملاحظاتي على المجالس عموما في قطر ألاحظ عليها شغلتين :

1. الستايل في الغالب كلاسيك او نيوكلاسيك

2. الألوان مكررة وما فيها جرأة التجديد ..

بالنسبة لي في بالي عدة أفكار غير عادية للمجلس بالذات

لكن للأسف ماعرف ارسم بالا وتوكاد ولا كان صممت ونزلت

وهي كلها أفكار تعبر عن ذوقي الخاص كأشكال وتصاميم وبألوان ما شفت لحد الان من استخدمها او دمجها للمجالس

متابعة بشغف جاكلين .. واصلي

بنت حلال يا نور الحور ..

كنت أقول بخاطري وينها نور الحور .. ودي اعرف رايها


مثل ما تفضلتي ..

الالوان المفضلة اللي تعبر عن بيئتنا وحتى طبيعتنا والمتوفرة بكثرة ... البيج بدرجاته الى البني

والعنابي .. الزيتي ... واذا شذت المجالس اختاروا السماوي والرمادي والاسود


شوقتينا لتصاميمج ..... شنو الحل




اقترح ترسمين بيدج وتلونين بالخشب واحنا قابلين

أو توصفين المواد والالوان والستايل وبنكون لج من الشاكرين

اتوقع اضافة مبتكرة منج .. ونشوف راي الاعضاء

وشكراً على المشاركة الطيبة


انتظرج بششششغف

[معماري قطري]

إِختي نور الحور هذي برامج تصميمية أَغلبها ثري دي ماكس وفوتو شوب وغيرهم .. الأُوتوكاد هو البرنامج الهندسي للأَبعاد والخطوط وفيه ثري دي بس ما يطلع مثل الصور لازم بعدين يتحول على ثري دي ماكس أَو غير من البرامج .. وبعضها سهلة بسرعة تتعلمينها من كتاب وتتابعين كم مثال.

[الجـــوديّ]

عودة مع مجموعة تصاميم إن شاءالله تعجبكم


* تصاميم كلاسيكية حديثة "


من مجالس أهل قطر ... تبارك الرحمن ..











عجبني تناسق وتناغم بين الالوان والاضاءة الصناعية والطبيعية

بالاضافة الى زخارف ونقوش البراويز مع باقي وحدات الديكور ... الستائر والثريات

حبيت النوافذ الطويلة .. والممتدة مع امتداد الستائر



:

ايضاً مجلس آخر من مجالس أهل قطر .. الله يبارك

[معماري قطري]

عودة موفقة وتشكيلات حلوة .. وبديت اقتنع أَكثر بالبهرجة في مجالس الرجال كنوع من التغيير المحبوب

عندي شوية صور لتصاميم باستئذن صاحبهم في تنزيلهم .. ويسويهم محل ديكور لأَحد الأَقرباء والله يوفقه في البزنس الجديد

[الجـــوديّ]

عودة موفقة وتشكيلات حلوة .. وبديت اقتنع أَكثر بالبهرجة في مجالس الرجال كنوع من التغيير المحبوب

عندي شوية صور لتصاميم باستئذن صاحبهم في تنزيلهم .. ويسويهم محل ديكور لأَحد الأَقرباء والله يوفقه في البزنس الجديد

هلا بمهندسنا ..

مثلك أنا

أشوف صارت في المجالس معاني .. كل صاحب بيت ممكن يوصلها بالتصميم المتبع في مجلسه ..

هو بطريقته شلون يرحب ويتجمل في ضيوفه برحابة وجمال التصميم .


ننتظر صورك .. وكل من عنده تصاميم يحب يشاركنا فيها.. ،،

[الجـــوديّ]

* تصميم حديث *

لغة جديدة في التصميم الداخلي بين حديث مطرز بنقوش اسلامية و سقف مرتفع
يخلط بين الأسلوب العملي والاسلامي العريق

لا أراه موفق جداً في نوع الكراسي المختار ..
ولكن أعجبني الأبيض والأسود في انعكاس الالوان والنقوش.

[الجـــوديّ]

تصميم اسلامي حديث آخر ...

أعجبني التنفيذ والاضاءة الخافتة

[الجـــوديّ]

حبيت .. هالمجلس بالتصميم الاسلامي الحديث

فيه عناصر التصميم متكاملة نوعاً ما ... ومافيها تضارب أو نشاز .

[الجـــوديّ]

تبارك الرحمن ... شياكة ملكية وكأنه مجلس الوفود الرسمية


مجلس في السعودية





مراعاة لأدق التفاصيل حتى لون زهور التيوليب على الطاولة !

[معماري قطري]

بعض المجالس طويلة وضيقة وفي الواقع ما تكون بهالشكل الا قليل .. لأَن كمبدأَ تصميمي لمساحات المجالس لازم تكون موازنة بين الطول والعرض وفي رايي لو الطول يكون 1.5 العرض يكون زين .. يعني مجلس 6 يكون طوله 9 أَو أَقل يكون أَحلى .. والباب يكون في وسط الضلع الطويل .. وطبعاً المجلس المربع يطلع بعد شرح وقعدته شبه متساوية .. ولا ننسى هناك الدائري واللي يميزه إِنه يكون متقارب والكل مكانه تقريباً متساوي.

بالنسبة لبعض الصور صعب ويمكن مستحيل تنفيذها بنفس الدقة خصوصاً مع الأَرضيات الرخامية اللي تبين كأَنها قطعة وحدة .. عندي صديق قديم لي سنوات طويلة ما شفته والتقيت به مره طلع مسوي شركة لاستيراد أَنواع الرخام مقصوص ويتركب في الموقع حسب تصميم وترقيم لكل قطعة .. ويسوي تشكيلات غير اعتيادية .. بس شغله كثير غالي يعني 5000 وفوق للمتر المربع وطبعاً كثير مربح له.