حساب بنك/مصرف للشركه - شاركنا برايك

[LiL iNVe$ToR]

السلام عليكم ورحمة الله وبركاته

حبيت اعرف البنوك اللي تقدم خدمات جيده للشركات من ناحية التسهيلات/التمويل. بغض النظر عن اذا بنك اسلامي او لا.

حاليا حساب الشركه في بنك التجاري لكن حاب اغيره.


مشكورين

[شموخ دائم]

,

,


مرحبا


اخوي الكريم

اذا تبحث عن من يقدم تسهيلات ومايهمك ربوي او لا
فاحسنهم ( التجاري ) وبعده بنك الدوحه

ولو انتقلت لبنك جديد بيعتبرونك عميل جديد وما يعطونك تسهيلات الا بعد مرور وقت

اما نصيحتي لك تفتح حساب في ( المصرف الاسلامي )
وشوي شوي تسحب نفسك من التجاري الى الاسلامي
باذن الله راح تحصل تسهيلات واهم شي انها ( حلال )
حتى لو كان فيها شوي صعوبه في البدايه
وتاخذ التسهيلات ( بضمان المشروع )

التسهيلات يعني ( ديون ) ولها مخاطرها ولو تقدر تقلل منها يكون افضل لك

اولا واخيرا ( البركه ) في الحلال ولو كان قليل

والتجاره بدون بركه ما منها فايده ولو كانت كثير
الي تاخذه بيدك اليمين تصرفه بيدك الشمال
وهكذا تضل في دائره ما تنتهي
لانها مافيها بركه


,

,

اخوك

شموخ دائم

[ابن الخربة]

يمكنك تراجع بنك التنمية قسم تمويل المشاريع يخدموك

[biz-qtr]

الاسلامي طبعا فيه بركه لكن على حسب نشاطك اخوي يعني اذا تبي مكينه pos ما تلقى فالبنوك الاسلاميه
لكن اذا على التسهيلات ابعد عن الربوي لكن بقولك مثلا بنك qnb يمولونك مبالغ تسهيلات لكن لين صار عندك اي مشكله فالسداد يتحول قرض شخصي وطبعا يسون لك اعاده جدوله وتزيد الفوائد وتدخل في معمه الديون اللي ما راح تنتهي الا مع 2022

ابعد عن الديون في البزنس خاصه حاول تجمع تقتصد تتدين من صديق او حد بدون فوايد احسن لك

هاي نصيحتي والله يوفقكك