جيد يدك فيها بركة ومخك تجاري ساعدني ولايهونون الباقي

[q6ryah]

موضوعي باين من عنوانه ابي حد يشور علي كلمت البنك قال يعطيني 900 الف كاش كسلفة من مصرف قطر الأسلامي
ابي استثمرها للعمر الصراحة سويت مشاريع بس ماحس اني كونت مستقبلي حطيت سيارة في الورة لكن مش دايما تتسجل بسهولة والعقد سنة وعقب تنتظر
المهم زلموكتي عندي .سويت مشروع ملابس نسائية لكن البنات الظاهر ماعندهم نظر مالقيت اقبال كبير مع ان موديلاتي حلوة .
قلت بشتري ارض طبعا مافي ب900
قلت اخذ صغيرة في الشمال او الصخامة؟تتوقعون اوكي هذا المشروع ابي اعرف مكان زين وأراضي سعرها زين وناس قالوا لي هالمبلغ يجيب شقة في لوسيل.واختي تقولي اخذي اسهم.
8 سنين اشتغل ولحد الحين ماكونت نفسي
عطوني شوركم يا أهل الشور السديد.

[qatar.syria]

اخي نصيحة من اخ لاخوه
اعمل مشروع يكون جديد وفريد ولم يسبقك أحد إليه في قطر، بذلك لو لم يربح مشروعك كثيرا على الاقل ينباع معك بعد فترة بسعر عالي.
ابتعد عن المشاريع الكلاسيكية : سيارة - ارض - مغسلة - سوبرماركت - ميكانيك سيارات - ملابس نسائية ......
فكر بشيء جديد ومشاريع ما تكون موجودة بالدوحة

[معماري قطري]

لو تسمعين نصيحتي .. 900 الف بتشتري لج 1000سهم وقود زاد سعره الحين كان من أيام ب 240 .. والزيادة في هذي الأيام البسيطة بس حول 20 ريال على 240 = 8.3% .. وباقي المبلغ توزعينه على 2000 سهم للخليج الدولية وسهم ثاني أَو تخلين باقي المبلغ كاش لفرص مضاربية.

بتفتكين من أَجارات وصرف على موظفين ومشاكل ووجع راس وتعب .. الدولية ووقود مرشحين لربح حول 50% من ارتفاع السعر السوقي ومن الأَرباح المجزية آخر السنة.

الخليج الدولية ارتفعت في الفترة الأَخيرة من السبعينات بداياتها على ما اذكر .. لبداية التسعينات وفيها نفس للارتفاع قريب من الاسمنت واوريدو .. يعني ارتفاعها السريع حول 25% وجدامها ارتفاع كبير باذن الله قادم.

العقار محدود وغالي وايد ومغامرة كبيرة .. والمنافسة شديدة من الملاك الكبار والشركات العقارية الكبرى لهدف 2022 .. والخدمات مثل ما ذكرتي تشترين سيارة وغيرج مؤجر اسطول سيارات والأَولوية له .. وما ننسى الشركات الكبرى المنافسة وما ننسى القيمة السوقية اللي تنزل بسرعة للاستثمار وما ننسى تكاليف التشغيل والصيانة .. ولتنسين سوقنا هالسنة غيررررر والدوحة غيرر.

[q6ryah]

اخي نصيحة من اخ لاخوه
اعمل مشروع يكون جديد وفريد ولم يسبقك أحد إليه في قطر، بذلك لو لم يربح مشروعك كثيرا على الاقل ينباع معك بعد فترة بسعر عالي.
ابتعد عن المشاريع الكلاسيكية : سيارة - ارض - مغسلة - سوبرماركت - ميكانيك سيارات - ملابس نسائية ......
فكر بشيء جديد ومشاريع ما تكون موجودة بالدوحة

أخوي ماقصرت صادق انت ان المشروع الجديد مربح لكن مادري بعد المشاريع الكلاسيكية تعتبر أساسية ورابحة

[q6ryah]

لو تسمعين نصيحتي .. 900 الف بتشتري لج 1000سهم وقود زاد سعره الحين كان من أيام ب 240 .. والزيادة في هذي الأيام البسيطة بس حول 20 ريال على 240 = 8.3% .. وباقي المبلغ توزعينه على 2000 سهم للخليج الدولية وسهم ثاني أَو تخلين باقي المبلغ كاش لفرص مضاربية.

بتفتكين من أَجارات وصرف على موظفين ومشاكل ووجع راس وتعب .. الدولية ووقود مرشحين لربح حول 50% من ارتفاع السعر السوقي ومن الأَرباح المجزية آخر السنة.

الخليج الدولية ارتفعت في الفترة الأَخيرة من السبعينات بداياتها على ما اذكر .. لبداية التسعينات وفيها نفس للارتفاع قريب من الاسمنت واوريدو .. يعني ارتفاعها السريع حول 25% وجدامها ارتفاع كبير باذن الله قادم.

العقار محدود وغالي وايد ومغامرة كبيرة .. والمنافسة شديدة من الملاك الكبار والشركات العقارية الكبرى لهدف 2022 .. والخدمات مثل ما ذكرتي تشترين سيارة وغيرج مؤجر اسطول سيارات والأَولوية له .. وما ننسى الشركات الكبرى المنافسة وما ننسى القيمة السوقية اللي تنزل بسرعة للاستثمار وما ننسى تكاليف التشغيل والصيانة .. ولتنسين سوقنا هالسنة غيررررر والدوحة غيرر.

الأسهم تخرع بس يعني لو شريتها الحين هم متى الجمعيات العمومية لهم ومتى بيوزعون الأرباح وهل بيكون لي نصيب من الارباح لو فرضنا اني شريت الأسهم بعد عشر أيام .

[معماري قطري]

الأرباح لبعض الشركات تتوزع في شهر 2 لين شهر 4 من كل سنة .. والأسهم ترتفع كقيمة سوقية وممكن تنزل شوي وترتفع مرة ثانية بس شركات معينة مثل وقود متوقع لها من تاريخها ترتفع هذي السنة لفوق 300 ريال .. ومع ترقية السوق ودخول سيولة كبيرة ما تدرين شكثر ممكن ترتفع .. بالأَمس شفنا مزايا تعطي ملاكها في أيام بسيطة ارتفاع يفوق 50% في أَيام قليلة.

يعني لو كنتي شاريه ب 900 الف بتطلعين بربح 450 الف وراس المال موجود.

هذي نصيحتي كمستثمر لعدة سنوات .. ونصايح اخواني المحللين لكل سهم متجددة للمضاربين وما يضر لو دخلتي مضاربة لفترات طويلة خصوصاً رأَس المال ممكن يتجمد في مشروع وممكن يكون المشروع خسارة.

[الثرمدي]

مشروع ملعب كرة قدم صناعي مشروع مربح وانتشر بشكل كبير في السعودية واتوقع
ان المشروع جديد في قطر بس فيه مخاطرة اذا محتاجة معلومات اكثر انشاالله اقدر افيد

[معماري قطري]

مشروع ملعب كرة قدم صناعي مشروع مربح وانتشر بشكل كبير في السعودية واتوقع
ان المشروع جديد في قطر بس فيه مخاطرة اذا محتاجة معلومات اكثر انشاالله اقدر افيد

ما شاء الله .. ويتأَجر على الحكومة .. الحكومة يا اخوي تسوي ملاعب صناعية وزراعية وطبيعية وملاعب تتفكك .. و900 الف بتسوي ملعب؟

[الفني]

موضوعي باين من عنوانه ابي حد يشور علي كلمت البنك قال يعطيني 900 الف كاش كسلفة من مصرف قطر الأسلامي
ابي استثمرها للعمر الصراحة سويت مشاريع بس ماحس اني كونت مستقبلي حطيت سيارة في الورة لكن مش دايما تتسجل بسهولة والعقد سنة وعقب تنتظر
المهم زلموكتي عندي .سويت مشروع ملابس نسائية لكن البنات الظاهر ماعندهم نظر مالقيت اقبال كبير مع ان موديلاتي حلوة .
قلت بشتري ارض طبعا مافي ب900
قلت اخذ صغيرة في الشمال او الصخامة؟تتوقعون اوكي هذا المشروع ابي اعرف مكان زين وأراضي سعرها زين وناس قالوا لي هالمبلغ يجيب شقة في لوسيل.واختي تقولي اخذي اسهم.
8 سنين اشتغل ولحد الحين ماكونت نفسي
عطوني شوركم يا أهل الشور السديد.

مرحبا الصراحة في مشروع هو نسائي مب موجود عندنا في قطر المشروع عبارة عن مركز تعليم النساء و البنات فيها كذا أقسام داخل المركز .
1- قسم لتحفيظ والتجويد القران الكريم .
2- قسم لتعليم الخياطه والتطريز والتفصيل .
3- قسم لتعليم التصميمات والموديلات للملابس والعبايات .
4- قسم لتعليم الطبخ بجميع اشكاله . من اكلات الشعبية والحديثه .
5- قسم لتعليم التسريحات والمكياج والحنا .
6- قسم لتعليم ابتكارات واختراعات يعني وحده عندها هواية تبي تنفذها او تطورها منها هي تستفيد وانتي بعد .
7- قسم لتعليم للأشغال اليدوية .
8- قسم لتعليم فن الديكور المنزلي .
9- قسم لتعليم البرامج الجرافيكس و ثري دي .

فكري في هالمشروع وانا متأكد انه مشروع ناجح لعدم توفر والشي الثاني وايد من العنصر النسائي يرغب بتعلم شي من المذكور أعلاه .

وشكرا وبالتوفيق ان شاء الله

[مضارب دوسري]

مرحبا الصراحة في مشروع هو نسائي مب موجود عندنا في قطر المشروع عبارة عن مركز تعليم النساء و البنات فيها كذا أقسام داخل المركز .
1- قسم لتحفيظ والتجويد القران الكريم .
2- قسم لتعليم الخياطه والتطريز والتفصيل .
3- قسم لتعليم التصميمات والموديلات للملابس والعبايات .
4- قسم لتعليم الطبخ بجميع اشكاله . من اكلات الشعبية والحديثه .
5- قسم لتعليم التسريحات والمكياج والحنا .
6- قسم لتعليم ابتكارات واختراعات يعني وحده عندها هواية تبي تنفذها او تطورها منها هي تستفيد وانتي بعد .
7- قسم لتعليم للأشغال اليدوية .
8- قسم لتعليم فن الديكور المنزلي .
9- قسم لتعليم البرامج الجرافيكس و ثري دي .

فكري في هالمشروع وانا متأكد انه مشروع ناجح لعدم توفر والشي الثاني وايد من العنصر النسائي يرغب بتعلم شي من المذكور أعلاه .

وشكرا وبالتوفيق ان شاء الله

اليهال يرجعون من المدرسه الساعه 2 و 3
ياكلون لقمه وينامون لين 5
يصحون يذاكرون لليوم اللي بعده
ماعاد فيه وقت يسمح للاطفال بانهم يروحون مراكز بعد الظهر