عندي افكار لمشاريع ولكني احيانا افتقد الحماس في من حولي او افتقد المشاركة سواء ماديا او معنويا فالاحلام كثيرة والامكانيات قد تبقى محدودة .. هل هناك من يعاني مثلي ؟
في انتظار تجاربكم
عندي افكار لمشاريع ولكني احيانا افتقد الحماس في من حولي او افتقد المشاركة سواء ماديا او معنويا فالاحلام كثيرة والامكانيات قد تبقى محدودة .. هل هناك من يعاني مثلي ؟
في انتظار تجاربكم
السلام عليكم ..ولكني احيانا افتقد الحماس في من حولي
أخي ابو يوسف
تأمل في توقيعك
هل تعرف من قائل هذة الحكمة ؟ان تشعل شمعة خير من أن تلعن الظلام
إنه الشاعر والفيلسوف الهندي .. طاغور
هل سمعت عن قصته ؟
هل قرأت عن حياته ؟
إليك نبذه بسيطة مما أذكره عن شخصية هذا الإنسان
انتحرت شقيقته .. مما سبب له صدمه كبيرة ..
انتزع منه الموت زوجته وثلاثة من أطفاله ووالده
ولكنه لم يفقد الأمل بالحياة .. بل ظل متمسكا بها
كان يتمتع بموهبة تحويل الألم إلى فرح
اخي ابو يوسف .. لا تفتقد لحس الحماس
فقط اوقد الشمووووووع ولا تلعن الظلام
والسلام عليكم
واحد في حاله صح الله لسانك
فعلا كما قلت .. ولكننا نفتقد المشاركات الجماعية في مجتمعنا مادري هل انا وحدي اللي اعاني او هذا الشي موجود في مجتمعنا.. اليد الواحدة لاتصفق.
نفتقد الجمعيات المهنية نفتقد التجمع المشروع نفتقد التعاون لا اعلم لماذا
نفتقد الكثير والكثير ..
فقط تذكر المثل الصيني القائل
(( مشوار الألف ميل يبدأ بخطوة ))
ابدأ بنفسك .. كوّن تجارتك بنفسك .. أنت غير ملزم بمشاركة الآخرين معك
ابدأ بمشاريع تتناسب مع طاقتك ومع حجم إمكانياتك
فقط خطوة بخطوة
المرحلة الأهم هي .... الخطوة الأولى
والسلام عليكم
السلام عليكم ورحمه الله وبركاته
أخوي بويوسف بصراحه حالي مثل حالك وفعلا كم مره أفكر في أفكار تجاريه بس ماودي أسويها بروحي
واليد الوحده ماتصفق
أخوي واحد في حاله
كلامك درر يالغالي والله
شكرا علي طرحك لهذه الموضوع أخوي بويوسف
أنـــــــــــــــــــــــــــــــــــــــا ... !
بو يوسف تدري ايش المشكله في اعتقادي ...
هي حد الاسباب التاليه ... او جميعها مجتمعه ...
- احنا انولدنا وتربينا في مجتمع قمعي .. التفرد فيه او الاختلاف معظم الاحيان يعتبر غلط او عيب "للاسف"
بالتالي خلق منا "ما اتكلم عن الكل" شخصيات مهزوزه من الداخل و حتى لو عندنا الحلم والرغبه و الماده بعد, اتلاقينا خايفيين, لذلك نلجأ للناس اللي حولنا ناخذ رايهم في الموضوع او بمعنى اخر نبي حد يقولنا اي انتوا صح عشان ما نكون بشكل او بآخر طلعنا عن حدود العرف "على سبيل المثال" . لكن للأسف مو دايم الناس اللي حولك تبي لك الخير .. او دايم الناس اللي حولك تفهم .. ووايد من اللي حولك تحسدك و اتغار منك !
يعني انا باعطيك مثال بسيط على كلامي ... سوق الدوحه للأوراق ...موجود من سنة 1996 ... لكن مستثميرينه كانوا قلايل ... وهذا طبعا بسبب انه شئ جديد ... بعدها بدا عدد المستثمرين القطريين يكبر .. في اقباال يعني مب عيب او غلط جان يقولون يالله عليهااااا ... ومثل مانت شايف طابوا فيها هل قطر القاصي منهم و الداني ... وشووف الحاله اللي وصل لها السوق ...
طيب مو كفايه ... مثال ثاني .... ادخل شارع المطار التجاري اللي مب من كبره ولا من طوله .. و قولي ليش فيه 10 حلاليق في شارع واحد !!
انا اقولك ... لأن واحد فتح محل ..ونجح .. الناس تقبلوا نجاحه .. فهبوا عقبه الناس بنفس الفكره بالضبط لا ويمه بعد ... على امل انه تنتهي قصتهم بالنجاح مثل قصته ... بس هل هذا هو الواقع !!
اذا, اذا كانت الدراسه على المشروع موجوده وبأسس سليمه
والدافع موجود
والماده او الامكانيات موجوده
الالماام بأصول التجاره هم موجود
اذا ايش المانع؟؟!
صدقني ياخوي انك اتكون شخص creative و عندك المقدره تطلع بأفكار غريبه و جديده .. هي ليست بخاصيه موجوده عند الكل ... لذا فإن في اعتقادي انه الخوف و التردد يقتلها .
واللبيب بالإشارة يفهم ..
يمكن تتسائل و تقول ... هذي اكيد ماعندها ولا مشروع قائم و قاعده تتفلسف ... باقولك كلامك صحيح ...
بـــــس برد عليك وباقولك لو كنت رجال ... جان انا الحين عندي سلسلة مشاريع مب مشروع واحد ...
لكن الحمدلله على كل الحال ..
سوري نفخت راسكم
التوفيق للكل ..
ههههههههه ليكود مني شكرا لمشاركتج في البداية بعدين ظحكتيني بكلامج لو انا ريااال كان عندي سلسلة مطاعم
ذكرتيني ايام اول ليما انتظر الاجازة واقول بسوي وبسوي واخر شي ............
ماعتقد انج لو انتي ريال بتسوين شي هذي وجهة نظري
منو قال احنا في مجتمع يقمع الافكار الابداعية ؟ اي شخص يقدر يقدم اللي يبيه بس لازم يتعب ويناضل على فكرته.. بس في اشيا ماتكون عند اي حد مثل الصبر والمثابرة والتحدي.
بعدين مافي عيب في التقليد اذا كان لشي ناجح اش المشكلة في وجود مليون حلاق في شارع المطار اذا كان في سوق وطلب.. انا ماني شايف مشكلة
خلي الناس تترزق من السوق اذا في رزق يعني هو مو اختراع عشان الناس يحتكرونه.
وقديما قالوا ماخاب من استشار ولاخسر من استخار ..
تحياتي
وجهة نـــــــــــــــــــــــــــظـــــــــــــــــــــ ــــــــــــر ...
مع اني ضد فحواها ... ولكن
احترمها و اقدرها ..!
عموما اشكرك على الطنازه .. واذا كان هذي المستوى ...فأعتقد اني فقدت الرغبه في النقاش اساسا
واقولك اللي يده في الماي مو مثل اللي يده في النار .
التوفيق للجميع ..!
السلام عليكم ورحمه الله وبركاتهالمشاركة الأصلية كتبت بواسطة LiquidMoney
أختي ماعتقد أخوي بويوسف يتطنز محشومه والله أختي وكلنا أخوان بالمنتدي
بس هوالظاهر ماكان مقتنع بكلامج من عده نقط ورددهم لج بس توصل للطنازه لا وألف لا محشومه أختي
وأتمني منج ومن الأخ بويوسف تحطون ببالكم المثل ألي يقول النقاش لايفسد للود قضيه
وكلكم أخواني وانا ماراح أرضي حد فيكم يزعل الثاني
ياهلا بج أختي
السلام عليكم ...
شكرا للاخ العزيز عزيـــــــــــــــز على التوضيح
اختي انا لم اقصد اني اتطنز واذا كان كلامي فيه من هالشي فأنا اعتذر.. بعدين احنا نسولف ماسموه منتدى الا للنقاش والاستفادة من بعض.
وكل واحد له وجهة نظر ممكن انه اكون غلط وانتي صح او العكس انه وضحت وجهي نظري من كلامج وقلت الاسباب الي تخليني مو مقتنع فيه بس يمكن اسلوبي اشوي كان قوي
وصدقيني مثل مافي اسباب تحد من طموح المرأة في البزنس ايضا هناك اسباب للرجل تحد من طموحه وتطلعاته.
تحياتي