صباح الخير
تسجيل دخول للموضوع
صباح الخير
تسجيل دخول للموضوع
إبتعد عن منغصات ماضيك .. وذكر نفسك بالنعم التي وهبها الله لك ..
لتسعد وتبدع في مستقبلك الواعد الجديد ..
وتعلم لاتشتكي لحد إلا الله
اتذكر بزمان اول ، يدتي الله يرحمها بوسط الحوش وجدر الهريس عالحطب ويطبخ من الصبح لين العصر ، كنت اشوفها ماتكل ولا تمل بالرغم من كبر سنها الله يرحمها ويغفر لها يااارب ، كاني اشوفها وهي بالحوش ولافة جدر الهريس بذيك الخيشة ، تبيه يسكر عدل ، وعقب ماينطبخ الهريس اشوفها جابت ضرابة الهريس وتضرب بكل قوتها ماشاء الله ،وشوي ابوي رحمة الله عليه يساعدها وشوي امي الله يرحمها وشوي اخوي الله يرحمه وانا أتفرج وانتظر ابي اكل بسرعة ، وعقب هالضرب اللي يطلع الهريس ترف ولذيذ ، واللحمة طرية وذايبة ، والصحون المعدن جدامها وتتنقص لبيت فلان وبيت فلان والله يا انه قبل لا تتنقص لنا احنا اهل البيت تفكر في جاراتها ، وعن نفس احب حكوكة الهريس بالجدر العجيب ومن فوق نار الحطب مباشرة ، يااارب ترحمها وتغفرلها ويأجرها خير على كل خير سوته بدنيتها ياااارب
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد