مارأيكم في هذه الفيلا

[سهم طايش]

مبروك مقدما اخوي سهم طايش وان شاء الله تتهنى فيه

بالنسبة لموضوع الجمارك اذا بتاخذ من اي دولة خليجية بشرط احضار شهادة الجمارك من المحل نفسة وانه تم الترسيم عليها في السعوديه اول مادخلت ماراح يكون عليها جمارك وهي اغلب شي تكون عن طريق الميناء هالمواد يعني اسمه ( المنافيست )

واذا كانت المواد صناعه سعوديه فوق ال 45% تاخذ شهاده من المصنع نفسه وايضا هذي تكون معفاه من الجمارك

واذا في اي استفسار اخر حاضرين

مشكور اخوي

شكلها سالفه طويله و حوسه

[الرميحي]

بصراحة خوش شغل بس احس انة وايد الجي ار سي

[المستثمر22]

افااااااااااااااااااا هذى آخرتها

[فزعـــــ قطر ـــــة]

الله يهنيك أخوي سهم طايش وتسكنه بالصحة والعافية
والله يعينك ع البنيان عوار راس ..خل المقاول يشطب لك الفيلا واشتري راحتك أبرك لك
باالتوفيق أخوي

[qattttttttar]

مـأشاء الله فيلـة حلـوه الله يبارك لك فيهـا ويعمـرها بالطاعـة والسعادة

[المخلب]

مبروك مقدما يااا خوي ..

بس مثل ماقالوا الشباب غير بدل الجي ار سي خله حجر ! ..

الا بسالك .. وين الفله ؟؟ لان لكل منطقه في مقاول يصلح لها !! ..

مثال : الوكره والمطار القديم (( صوب الثمامه الى حدود الفاميلي فود سنتر )) هذي افضل مقاول هو " الجنوب " ..

عندك صوب الدفنه " الصخره " ..

عندك صوب معيذر ودحيل " الفهد " ..

طبعا هذا ليس انتقاسا في حق باقي الشركات .. لكن هذوله الشركات متواجدين بكثافه هناك يعني متى ماطلبت منه يبني بيوافق لان عماله بنفس المكان فبيقلل من تكلفه النقل و توريد البضايع ( حديد وطابوق وغيره .. ) لان البيوت جنب بعض ..

والله يهنيك .. فيه يارب ..



فلا توهق روحك بمقاول تعبان ..