بخصوص سفر الشغاله معانا للسعوديه
صباح الخير
يا اخوان لدي استفسار
الشغاله " مسلمه " بتسافر معانا للسعوديه اول مره
هل لازم اطلع فيزا من مكتب ولا من الحدود اذا يصير وهل بيكون هناك زحمه !
واذا من المكتب .. من اي مكتب ؟
وهل لازم احدد فيزة عمره مثلا ولا سياحه ولا مرافقه ...الخ
شاكر لكم تعاونكم
المشاركة الأصلية كتبت بواسطة جرس الإغلاق
صباح النور والسرور
مرحبا اخوي
تطلع فيزا من مركز السعوديه
اول ماتدخل المركز تحصل على يمينك صنادق ( قبل الجوازات )
صف قدام الصندقه في باب ادخل منه وبتحصل كاونترات
روح على طول للشبك الزجاج واخذ رقم من عندهم وانتظر دورك
ان شاء الله مافي زحمه
بس يمكن ويكند يكون اشوي زحمه
في عندهم لسفره وحده وفي لعده سفرات شوف الي يناسبك
اذا بتروح السعوديه فقط ومره وحده خذ لسفره وحده
لكن بخصوص العمره اعتقد نفس الشي مافي فرق
اهم شي فيزه الدخول للمملكه
وبالتوفيق
التعديل الأخير تم بواسطة غير البشر ; 19-01-2014 الساعة 08:10 AM
100%
كفيت ووفيت
بس بخصوص فيزا العمره مادري
اتصل ياخوي على جوازات قطر واسأل
او اتصل 180 واطلب بداله مركز ابوسمره
اتطلع تأشيره للخدامه عن طريق مكتب تخليص معاملات ، وبنصحك ابمكتب عند البحار تقريبا بالغرافه نسيت اسمه والله ، والتأشيره اسمها مرافقه عائله ، وفيه مدتها اسبوع وشهر ووو ،،،
بس اصعب شيء مافي الموضوع هو ،،
هو البصمه للخدامه ههههههههههه
هنا بتتأخر وايد اذا بترجع قطر ، او بتروح لسعوديه على حسب التأخير بالمركز وعدد الناس وبتتمنى انك ماوديت الخدامه معاك ،،
مع التحيه ،،
ياخذون مئة ريال على كل يوم رسوم
واذا كان باقي على الاقامة شهرين وتنتهي بتمشي ولا بيقولون فيها شئ نتمنى التفاصيل الكاملة ممن لديهم خبرة في هالامور وايش الاوراق المطلوبة
بلشه هالخدم
نصيحه لاتروح ويكند
زحمممممه مووووت
.. ||سبحان الله وبحمده|| ..
لازم في اقامتها اكثر من ست شهور
لاهنت عالشرح الوافي
راح اتأكد بإذن الله
تسلم
عرفته الكنز
وبخصوص البصمه
لاتقلق بطوبر معاها " ينطبق على كما ينطبق عليها " وعلى الله التساهيل
الشغاله حاليا شبه ضروري تطارد لعيال وخصوصا لو صغار وعندك مجموعه هههههههه
ماقصرت
اما هذي قويه
لو بقعد شهر ب 3 الاف
اما اذا تقصد على كل دخول 100
اذا الوضع تمام يافندم
واذا كان باقي على الاقامة شهرين وتنتهي بتمشي ولا بيقولون فيها شئ نتمنى التفاصيل الكاملة ممن لديهم خبرة في هالامور وايش الاوراق المطلوبة
بلشه هالخدم
بالنسبه لي جددت اقامتها سنه
اعتقد كل الدول تطلب ان يكون في الاقامه 6 شهور على الاقل
ف جددوها
اما المطلوب فلا أعلم
بسأل المكتب الليله
بإذن الله بروح نصف الاسبوع في نصف إجازة الربيع بحيث تكون الناس ياسافرت يارجعت من السفر
شكرا لمرورك
صحيح
الله يجزاك خير على الاضافه
أغلب سفراتي للسعودية لما آخذ العيال الخدامة تكون معاي ..
أخلص لها عن طريق مكتب
تحملي تسوين لها عن طريق المركز بتتبهدلين و تتنقعين ساعات
أول مرة رحنا يمكن إنتظرنا ساعتين عشان فيزتها ..
و البصمة تأخر لازم
بس إن شاءالله ما تتأخرين ..
عموماً بشوف لج رقم الهندي مال المكتب و برسله لج
بيخلص لج كل شي وبيسلمج الجواز والفيزه و إنتي مرتاحة ..
الحاااال ،،
و الأقدار ،،
والرزق مكتوب ،،
و ما جابته الأيام ..
لا شك خيره ~
رد مع اقتباس
