هل يوجد قانوني في المنتدى

[كشافات بيجو]

السلام عليكم ورحمه الله وبركاته

هل يوجد رجل قانوني في المنتدى اي درس القانون لان عندي استفسار بخصوص مشكله ويعرف بقوانين دوله قطر

[بو خليفه 123]

اذكر فيه عضوة اسمها "الحياة الخالدة" كانت قانونيه في تخصص الاتجار بالبشر و تهريب الاسلحه والتبغ .

الله يوفقك اخوي و نتمنى احد الاعضاء يفيدك

[نور الحور]

أعتقد اختنا المحامية

[غايه الطواش]

الفيصل وبو عبدالعزيز

[شبح الصمت]

اطرح لنا موضوعك يمكن نقدر نحلل لك

ترى نص المنتدى محللين ومبدعين واقل واحد فينا مخ يوزن بلد ..

تفضل قول لنا ياخوي

وان بغيت احد عندك الفيصل بس تواجده قل

والمحامية موجوده بس طلتها خفيف خيف

[كشافات بيجو]

تم اجراء اللازم وبعث رساله الى المذكورين اعلاه ,شكرا لكم ودمتم بود .

[كشافات بيجو]

بما ان محد رد علي من الاعضاء راح اذكر اللي صار كنت جايه من سوق واقف من الديوان الاميري ووقفت لان في لفه من اليمين من صوب باركنات سوق واقف وحركت سيده بما ان الطريق لي واذا بالشخص اللي جاي من الصوب الثاني يقرب سيارته باتجاه سيارتي ويحط سيارته في باب سيارتي مع العلم ان الوالده جالسه وانا بطبعي افتح الشبابيك عاد انا لفيت عليه واشرت له شوي شوي المهم الحبيب الظاهر ماعجبه وقام يهرن ويهرن وبعدين جا بسيارته من خلفي وخذ الشارع اللي على اليسار ولف علي يمين وسوى بلوك بسيارته جدام سيارتي ونزل ونزلت قام يقولي انتي تعرفين انا من ,انتي تعرفيني ,انا سويت لك اشي ,قلت له ماقاعد تعطيني طريج وقال عيب عليكي انا معاي الاهل قلت له انا بعد معاي الاهل (معاي الاطفال والخدم والوالده الله يحفظها)المهم قام يسب يابنت....وبعد وبعد (الفاظ جارحه) والوالد متوفي في ذمه الله وهاي السبات والله ان اليهال مايعرفونها وحرك راح من غير ماتلفظ باي كلمه بس عندي رقم سيارته وشرد باسرع مايكون .
ابي حقي القانوني اش اسوي له.

[لاجئ عاطفي]

بسيطه روحي النيابه العامه وقدمي بلاغ فيه وراح يتحول للمحاكمه بتهمة السب والقذف ولاتتنازلين مهما كان حتى يتعلم ان الناس مهب حشرات جدامه

[كشافات بيجو]

تسلم اخوي لاجيء وانشوف رد باقي الاعضاء

[شبح الصمت]

حقك القانوني اختي كان مفروض انج ترفعين السماعة وتتصلين تبلغين عنه ، ويا يطرشون لج دورية او انهم يقولون لج تفضلي عندنا المركز ياخذون اقوالج ورقم السيارة لانه فيها تهجم وتلفظ بالفاظ بذئية اذا تكلم والا حركة مخله بالشرف عليها 6 شهور ..

او اذا عندج رقم السيارة الحين تتوجهين لاقرب مركز وتقديم بلاغ فيه .

اذا اهو مهب محترم في قانون بيخليه يحترم خلق الله ويحترم نفسه واذا اهو ما تعرفينه بتعرفينه ان شاء الله في المركز وبتعرفين لين وين بيتمادى ..

او عندج حل انج توكلين أمرك لله وحقك اذا ما خذتيه في الدنيا فالاخرة مااااافي احد راح يفرط من عمل ولا فعل والا كلمة ولا شيء قاله ..

الامر متروك لج اختي بس حقك قانوني اعرفي تماماً انه لج حق وراح تاخذينه منه عاجلاً غير آجل