-
سيارات الورة
السلام عليكم يا اخوان اطلب استشارتكم بالنسبة لشراء سيارتين او باص وتاجيره على الوره ما مدى استفادتي من هذا الموضوع وكيف استطيع استعادة قيمة السيارات بعد انتهاء عقد التاجير وهل من السهل بيع الباص بعد ذلك بدون خسارتي فيه مشورتكم بارك الله فيكم .
-
,
,
مرحبا
اقتباس من رد قديم لي بنفس الموضوع من 2011
اذا راح تشترون سياره جديده مخصوص لهذا الموضوع انا اشوف ان الموضوع مو مستاهل
لانها بتشتغل كم شهر وتوقف وما بتجيب ربع ثمنها والله اعلم
لكن اذا عندكم سياره زايده عن الحاجه وواقف بالبيت بهذي الحاله تشغلونها احسن من وقفتها
السيارات الي ياخذونها اعتقد السيارات الدبل مثل الكروزر بتكون احسن
مع انهم ياخذون كل انواع السيارات مثل الافلون والكامري والباص
والبيك اب الدبل
لكن نصيحتي ان الموضوع ما يستاهل
وما انصح اي حد ياخذ له سياره للايجار حتى لو كانت تنكر ماي او شاحنه او سطحه او سياره مجاري
هذا الموضوع ما يصلح الانسان العادي يدخل فيه بسياره وحده وبدون خبره ويتعب من السائق ومن الصيانه
ترى الباص والشاحنه ( عله ) وهو واقف يخسرك
اما بيتري مفضي او التواير تبي لها تبديل
والي يجي ( بشيك ) يروح للاقصاد
او للكراج والصيانه
من قله فرص العمل بسعر زين وفي الاخير يبيع السياره ويخسر تعبه وجهده
السيارات تصلح تكون ( شركه نقليات وفيها مجموعه سيارات )
هنا يوجد مربحه ويوجد ناس متخصصه تدير الشركه
بالتوفيق لكم
,
,
اخوك
شموخ دائم
التعديل الأخير تم بواسطة شموخ دائم ; 21-11-2013 الساعة 04:03 PM
-
عضو مؤسس
أعتقد صكروه الورة تأكد من الموضوع قبل لا تتوهق
-
اخوي شموخ دائم بارك الله فيك على سرعة تجاوبك وردك ونصائحك لاخوانك دائما في محلها جعلها
الله في ميزان حسناتك .
-
اخوي اسد الجزيرة جزاك الله خير على النصيحه وشكرا لمرورك .
-
عضو
تم اغلاق الوره ... وفي محاولات لأستعادتها
وبالنسبه شغل الوره فوق الزين
حيث ان في الآونه الأخيره تغير وضع الوره
قديماً : كانت تتأجر السياره لمدة 6 شهور على ما قال اخوي شموخ دائم فما يسوى انك تشتري سياره جديده
اما الحين : ياخذونها منك بعقد سنه .. يعني تقريبا تسترجع ثلثين من قيمة السياره (كامري . بيك اب . كورولا)
وبعد ماتطلع السياره بتبيعها بثلاث ارباع قيمتها الاصليه .. يعني مربح زين لذوي الدخل المحدود ..
لكن شقول .. الله المستعان .. عيال الحلال مب تاركين حد في حاله .. يبون يشاركون هالفقير اللي يحصله من هالوره
موفق ..
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى