استفسار من مهندس سعودي لاهل قطر الكرام

[تغلبية]

عفواً أخوي ابو سارة ..

اعتقد لو تشرفنا في قطر .. وتجي بنفسك تزور الجهات اللي فيها تقديم
هو افضل علشان تكون على بينة
اقلها خذت فكرة لو جاتك فرصة كيف بتكون الحياة في قطر...
وكلام المنتديات ماهو بالقول الفصل الله يسلمك


عندنا في قطر فاونديشن في واحة العلوم تحديداً
شركة فرنسية لها علاقة بعمل الطائرات وماسكين مشروع كبير
بس اللي اعرفه ان في واحد مثل تخصصك كان في شغال سلاح الجو
وطلع من عندهم وراح لهذي الشركة

والله يحييك فــ قطــــر ..

[خزامئ]

الله يرزقك من واسع
والله ماعرفت وش قلت عشان بعض الاعضاء يقومون عليك
الرازق في السماء والحاسد في الارض
مثل حالتك لازم تجي وتشوف الاماكن الي ممكن تقبلك

[سارآ]

الله يوفقك ويرزقك من حيث لا تحتسب

[رهج السنابك]

ابو سارا

ماعليك من كل الكلام وماعليك من جارح هو انفعل عشان موضوع سياسي

ابي افهم اشدخل تصريحات بندر بعلاقتنا ببعض كشعوب
ولا احنا مثل القطيع؟؟؟ اي حزازيات في السياسه سرنا وراها؟؟


احنا كشعب قطري نحب الشعب الخليجي كله وماعندنا مشاكل مع حد

واذا ياخوي شفت مهندس قطري مب لاقي عمل لا تحكم وتفقد الامل

تدري ليش؟

لان الرزق عند الله وحده ويقسمه على من يشاء

هالمهندس القطري مالقى وظيفه بس تعرف كم مهندس من اقصى بقاع الارض وحصل عندنا شغل؟؟؟
المسإله توافيق وارزاق


ودام تخصصك قوي انصحك في اقرب اجازه لك تعال بنفسك وقدم
مب شرط تروح للجهات العسكريه


عندنا وايد اماكن تحتاج تخصصك

المطار الجديد مثلا

قطر فاونديشن

شركة الخليج للهليكوبتر

امممم


الطيران المدني


كلية الطيران


بعض الشركات الاجنبيه

لا تفقد الامل وخذها قاعده في حياتك ماخاب من سعى

[بنت مريخ]

الله يوفقك
و يرزقك من أوسع أبوابه
الكلمه الطيبة صدقه

[أنا أحبكم]

الله يوفقك اخوي
وتخصصك مطلوب ونادر ماشاء الله
وعلى حد علمي سلاح الجو السعودي رواتبهم ممتازة واللي مثل تخصصك مستحيل يفرطون فيه
وخلك قريب من اهلك ابرك ما دام امورك طيبة
ترا ساعات حتى لو كان الراتب اعلى ما يحصل توفيق وبركة

[العربية نت]

بالتوفيق لنا ولك إن شاء الله

[: بوحمود :]

احتمال كبييييييير جداً انك تلاقي في الخطوط القطريه

[وثاب]

ردود تثلج الصدر

قلوبكم كبيره يا أهلنا يا اهل قطر

الله يحفظ قطر واهل قطر ويزيدكم من واسع فضله ونعيمه

الله يكفيكم كل شر

الله يديم المحبه