كراجات الصناعيه وجشعهم واستغلالهم

[partyQtr]

اول شئ ماادري لومكان الموضوع صح او غلط لوغلط اتمنى ينقلونه المشرفين

واسمحولي


بدش في الموضوع اخوي عنده سياره افالون المهم سيارته طلع فيها صوت في المكينه

بس عادي كانت السياره تشتغل وعادي يسوقها وفي يوم قرر انه يصلحها وداها

كراج في الصناعيه وطلبوا منه كذا شغله وراح يابهم من السعوديه وبعض الاشياء

من الدوحه وركبوهم عقبها اطلعوله بسالفة انه كراسي المكينه بعد يبي لهم تبديل

وراح شراهم ، وبس قالوله عقب فتره تعال استلم سيارتك ودفع لهم

3000 ريال شغل يدهم بس وعلى فكره كل شئ شراه من برى ، المهم خذ السياره

وحرك قبل لايوصل البيت السياره حرارتها ارتفعت مع العلم انه هالمشكله ماكانت فيها

قبل ووقفت السياره ورجعها مره ثانيه وعدلوها اي كلام وخذاها وردت نفس المشكله

الحرارة ترتفع والماي مايندرى وين يروح عاد يوم رجعها في فلبيني في الكراج قاله

هاي غلطتنا وفي شئ نسيت وشو المهم انهم ماسووه وقاله روح فوق وكلم المدير

والمدير طبعا انواع الصراخ والالفاظ وحلف انهم مايصلحون السياره قبل لايدفع

لهم فلوس مع انه الفلبيني معترف انه غلطتهم والمدير يقول لاخوي انت جذاب وماادري

وشو المهم الحين نزلوا المكينة مره ثانيه تحت واحلفوا مايركبونها قبل لايدفع لهم

وهو حالف مايدفع في هالحاله شاللي ممكن يسويه والغلط من اللي مفروض يتحمله

[بريق الحق]

خله يشتكي بس مادري رين

[احمـد]

انا صارلي نفس الموضوع .. ياريت حد يفيدنا غير الشرطه هل نتصل في حماية المستهلك بعد ولا شلموضوع اصحاب الكراجات بوق عيني عينك موب الكل طبعا ..

[أبوهيا]

جره المركز مافي فايده روح وخم فيه الكراج كامل وكل يوم مر عليه وخرب عليه زباينه

[بوعجيل]

له درب واحد لاغير يرفع يده ويدعي عليهم (السالفة ضايعة ماتدري من رفيجك )

[المزروعي دبي]

الله يعينكم في قطر بصراحة قطع الغيار غالية جدا وغير كذا شغل الايد غالي

الله يعينكم يارب بحسب علمي عندنا في الامارات تروح حماية المستهلك

والله يعينك ياخوي.

[IT Engineer]

اول شئ ماادري لومكان الموضوع صح او غلط لوغلط اتمنى ينقلونه المشرفين

واسمحولي


بدش في الموضوع اخوي عنده سياره افالون المهم سيارته طلع فيها صوت في المكينه

بس عادي كانت السياره تشتغل وعادي يسوقها وفي يوم قرر انه يصلحها وداها

كراج في الصناعيه وطلبوا منه كذا شغله وراح يابهم من السعوديه وبعض الاشياء

من الدوحه وركبوهم عقبها اطلعوله بسالفة انه كراسي المكينه بعد يبي لهم تبديل

وراح شراهم ، وبس قالوله عقب فتره تعال استلم سيارتك ودفع لهم

3000 ريال شغل يدهم بس وعلى فكره كل شئ شراه من برى ، المهم خذ السياره

وحرك قبل لايوصل البيت السياره حرارتها ارتفعت مع العلم انه هالمشكله ماكانت فيها

قبل ووقفت السياره ورجعها مره ثانيه وعدلوها اي كلام وخذاها وردت نفس المشكله

الحرارة ترتفع والماي مايندرى وين يروح عاد يوم رجعها في فلبيني في الكراج قاله

هاي غلطتنا وفي شئ نسيت وشو المهم انهم ماسووه وقاله روح فوق وكلم المدير

والمدير طبعا انواع الصراخ والالفاظ وحلف انهم مايصلحون السياره قبل لايدفع

لهم فلوس مع انه الفلبيني معترف انه غلطتهم والمدير يقول لاخوي انت جذاب وماادري

وشو المهم الحين نزلوا المكينة مره ثانيه تحت واحلفوا مايركبونها قبل لايدفع لهم

وهو حالف مايدفع في هالحاله شاللي ممكن يسويه والغلط من اللي مفروض يتحمله

مرحبا يالغالي والله يعينك على مشكلتك بس تقدر تشتكي عليهم هو ان الفلبيني معترف انت حاول بطريقة ان الفليبيني يشتكي جدام الشرطة ان الخطأ من عندهم مب من عندك وان شاء الله فالك طيب واذا ماصار بعد روح جدام راعي الكراج وادعي عليه جدام الخلق كله خلها تكون عبرة لغيره وان شاء الله الله يسر امورك

[النهار]

كراج ولاوكاله
لوكراج عادي الله يخلف عليكم في الموتر

[الكواري 1972]

روح حماية المستهلك عند دوار التلفزيون وان شاءالله بياخذون حقك

وود معاك الفواتير وهذا اهم شئ

والله يوفقك

[gprs]

ارتفاع اسعار الكراجات صارت بشكل مو طبيعي
معقولة ياجماعة ييت بصبغ سيارتي صبغ تجميلي للبانه والرفرف والباب والصدام الامامي
اقل واحد فيهم ب 3500 ريال يعني ما راح يسوي شي غير انه بيقشر الصبغ وبيحط مادة الاساس وبعدها بيصبغ سألتهم عن السبب قالو ارتفاع الاجار على كلام واحد منهم يقول قبل كان اجار كراجي 2500 وحاليا 30 الف وييت برش السياره قار من تحت ب 1200 ريال
ودقيت سلف للسياره ورحت لدولة مجاوره لنا وصبغت السياره البناة + الباب + الرفرف + الصدام الامامي + رشيت السياره قار من تحت + شيك لي السياره كامل وكان فيها بعض الشغلات الميكانيكه وصلحها لي

وهذا بأجمالي 900 ريال وعندنا ب 3500 + 1200 = 4700