السلام عليكم ورحمة الله وبركاته..
أخواني حبيت اطرح لكم تجربتي وممكن تفيدوني بالحل جزاكم الله خير،
تعاقدت مع شركة الدرويش لمصاعد اوتيس عشان سمعة المصعد كمصعد مش عشان الشركه لكن قدر الله وما شاء فعل
تم توقيع العقد في شهر ديسمبر وتم دفع مبلغ 55 الف دفعه اولى على ان تصل رسومات المصعد والخرائط للكهرباء والخرائط الأنشائيه خلال أسبوع من بعد توقيع العقد، مر شهر وشهرين وثلاثه وهم عذرهم في تأخير الخرائط هو الكريسماس في أسبانيا وعقبه راس السنه لين وصلنا فبراير ماعاد به اعذار رحتلهم وانا صامل لازم اخلص الموضوع ولا افصخ العقد، صارحوني بالمشكله الي عندهم الا وهي: ان الشركة الأم عينت مدير أقليمي جديد في دبي مطلع عيونهم ودخلو معاه في مشاكل بسبب أدارته الي هم يشوفون انها مبالغ فيها ومسببتلهم مشاكل لان المدير يتدخل في شؤونهم ويتواصل مع العملاء من وراهم ويقيس مدى رضى العميل وهالشي مب عاجبهم غير عن المشاكل الثانيه.
المهم انا الحين وصلت مرحله متقدمه في البنيان ومش من الممكن اني اتم انتظر رسوماتهم لازم اصب غرفة المصعد من فوق لاني تاركها وماصبيتها بانتظار رسوماتهم ومتطلباتهم.
جبت شركه متسوبيشي وابغي اتعاقد معاها لكن متخوف بين يوم وليله يقولونلي خلاص المشكله انحلت او بنوفرلك اللفت وتروح علي الدفعه الاولى سواء من شركة متسوبيشي او شركة اوتيس.
يعني لازم افصخ العقد معاهم قبل لا اتعاقد مع شركة ثانيه
واحاول بالطيب اني افسخ العقد كل واحد يغلني على الثاني لين ماوصلت لصاحب الشركة وكلمته ورد علي بوعود ولا شفت شي والحين مايرد علي.
الحل برايكم اخواني ؟..