مؤسسة داس للتجارة والمقاولات ( تحذير تحذير )

[آخر الفرسان]

السلام عليكم ورحمة الله وبركاتة

بأختصار .. تعاقدت مع مقاول تابع للمؤسسة المذكورة بالعنوان
والمقاول اسمه ماجد / أردني الجنسية .. ياجماعة عن تجربة شخصية
تعاقدت معه لبناء منزل العمر عن طريق بنك التنمية .. اخذ اول دفعة
وبعد ثلاث شهور انجز المرحلة الأولى !! وبعدها تم انزال الدفعة الثانية
واعطيتة 100 ألف .. وراح وقال عدوا لي .. وكل يوم يقول بكرة او بعده ..
وهكذا .. وحاولت أحل الموضوع ودي لأني مابي المحاكم .. وللأسف كل المحاولات فشلت .. ومبرراته بأنه استخدم المال لتغطية عجز في موقع اخر ..
وانه سيأخذ دفعة الشخص الاخر ويكمل بناء منزلي !!
عموماً ماقدرت اصبر بعد امهالة عدة شهور .. رفعت قضية العام الماضي
والحمد لله بعد جلسات طويلة حكمت المحكمة لصالحي .. وامرت بفسخ عقدي
منه .. وتضررت كثير من وقوف حال منزلي لأكثر من سنة !!

وعلى فكرة .. المقاول هذا على كفالة شركة اسمها (( سوهاج ))
وهو لنفس الكفيل لمؤسسة داس .. وحبيت أحذركم منه لوجه الله
ويشهد عليّ رب العالمين بأني لم أفتري عليه بكلمة مما ذكرته لكم الان ..
والله على ما أقول شهيد .

ملحوظة :-
حكم المحكمة موجودة بالطبع للي حاب يطلع عليها ويتأكد من كلامي


تحياتي

[المليونير الفقير]

طيب المحكمة رجعت فلوسك والا لا

[Umsultan]

تعامل مع هنود ونيباليين ولا تتعامل مع جنسيات عربيه

عن تجربه

مصدقينك دام في الموضوع جنسيات عربيه

هل رجعوا لك فلوسك ؟

الله المستعان

[MAZEN37]

اخوي اسمه ماجد ومتين وشيبه ويدخن غليون

[آخر الفرسان]

طيب المحكمة رجعت فلوسك والا لا

أيه الحمد لله رب العالمين
الحكم ولله المنّه .. إعادة مبلغي
بالأضافة إلى 60 ألف ريال كتعويضات ..
التعويضات تشمل مدة التأخير + أتعاب المحامي + رسوم المحاكم
بالأضافة إلى أمر المحكمة بفسخ العقد معهم

[آخر الفرسان]

تعامل مع هنود ونيباليين ولا تتعامل مع جنسيات عربيه

عن تجربه

مصدقينك دام في الموضوع جنسيات عربيه

هل رجعوا لك فلوسك ؟

الله المستعان

لا الحكم توه صادر
وعادني بحولها الى قسم التنفيذ لمباشرة الاجراءات
بالنسبة لي من المؤكد أبي حقوقي .. بس الأهم فسخ العقد
لأباشر تكملة بناء منزلي مع مقاول اخر

[آخر الفرسان]

اخوي اسمه ماجد ومتين وشيبه ويدخن غليون

لا ماهو شيبة ولا يدخن
وهو له شنب بدون لحية ومو متين بس مليان وله بطن كبير شوي

[almaf1a]

أيه الحمد لله رب العالمين
الحكم ولله المنّه .. إعادة مبلغي
بالأضافة إلى 60 ألف ريال كتعويضات ..
التعويضات تشمل مدة التأخير + أتعاب المحامي + رسوم المحاكم
بالأضافة إلى أمر المحكمة بفسخ العقد معهم

كيف طريقة السداد
وهل رجع لك مبلغ
ومن الي قيل العمل الي انجزه

الله يوفقك وتخلص من البنيان
انا اللحين مع مقاولي بسحبه للمحاكم

[آخر الفرسان]

كيف طريقة السداد
وهل رجع لك مبلغ
ومن الي قيل العمل الي انجزه

الله يوفقك وتخلص من البنيان
انا اللحين مع مقاولي بسحبه للمحاكم

حسبي الله ونعم الوكيل
اللي كمل لي شغل مقاول بشوفة عيني
وهو مسوي كذا بيت حولي وحوالي .. سألتهم وقالوا ماشاء الله
وفوق هذا انا اشوف شغله بعيوني .. ممتاز
وفلوسي لازم الحين ارفع الموضوع بعد الحكم الى التنفيذ
عشان يتفذون الحكم .. سألت شلون قالوا منع سفر صاحب المؤسسة أولا
عقب جلسات عشان يدفع .. واذا مادفع بيحجزون ع المؤسسة .. عقب أمر حبس
وهكذا الا ان يسدد بطريقة او بأخرى .. وانا الحين اهم شي فسخت العقد
وبخليه الين يدفع .. المحامي شغال وياه ...

ونصيحة .. حط محامي وريح نفسك من الجلسات
ولد عمي كل مرة يروح والقاضي يأجل بسبب عدم حضور المقاول !
المحامي ع طول هناك .. ويتواصل وياك .. وتكلفته معقولة
تحياتي وتمنايتي بالتوفيق

[almaf1a]

حسبي الله ونعم الوكيل
اللي كمل لي شغل مقاول بشوفة عيني
وهو مسوي كذا بيت حولي وحوالي .. سألتهم وقالوا ماشاء الله
وفوق هذا انا اشوف شغله بعيوني .. ممتاز
وفلوسي لازم الحين ارفع الموضوع بعد الحكم الى التنفيذ
عشان يتفذون الحكم .. سألت شلون قالوا منع سفر صاحب المؤسسة أولا
عقب جلسات عشان يدفع .. واذا مادفع بيحجزون ع المؤسسة .. عقب أمر حبس
وهكذا الا ان يسدد بطريقة او بأخرى .. وانا الحين اهم شي فسخت العقد
وبخليه الين يدفع .. المحامي شغال وياه ...

ونصيحة .. حط محامي وريح نفسك من الجلسات
ولد عمي كل مرة يروح والقاضي يأجل بسبب عدم حضور المقاول !
المحامي ع طول هناك .. ويتواصل وياك .. وتكلفته معقولة
تحياتي وتمنايتي بالتوفيق

الله يوفقك
الاجرائات كم خذت لين وصلت للمحكمه؟
او بالمعنى الادق لين ما تطرده من الموقع؟
المشكلة ان الواحد مايقدر يحرك طابوقه دام المقاول مستلم الموقع لين ما تجي لجنة او استشاريين يقيمون العمل المنجز بالموقع
علشان تعرف الي لك والي عليك
وحبيت اعرف شكثر نطرت لين ما طردته