يراودني امل منذ فترة في ان ...!!!

[لاجل QT]

اختي لاجل قطر احيج على الطموح الكبير ،،، فأمل الامة اصحاب الهمة،،

بخصوص الجامعة أبدا مب صعبة لكن اكيد راح تاخذ من وقتج وايد ،،الحين مافي تاسيسي ف اكيد خلال الاربع سنوات تكونين متخرجة ان شاءالله،،
في وايد تخصصات ماعرف شنوالتخصص اللي يناسب ميلوج وبما انج في مدرسة انصحج بالادارة تقدرين تدخلين كلية الادراة والاقتصاد تدرسين سنتين عام عقب تحددين الميجر والماينر والتخصصات الموجود محاسبة مالية ادارة نظم معلومات ادارية تسويق اقتصاد ادارة اعمال و ريادة الاعمال .
لازم تنظمين وقتج بين الدارسة والشغل . والدراسة أبدا مب صعبة ولا تكثرين في عدد الساعات اخذي كل كورس 12 -15 ساعة وتنوعين في المواد بين الإختيارية والمتطلبات ومواد التخصص بيكون وايد سهل،، وصدقيني الايام تركض في الجامعة تغمضين وتفتحين الا انتي كورس تخرج مثلي وتكونين وصلتي اخر المشوار

ولا تفكرين كم عمرج في الجامعة *بتحصلين وايد بنات بعمرج واكبر منج ولا عليج من اللي يقول الشركات مدري الوزرات ماتوظف الكبار ابدا العمر مب متطلب في هالاشغال وبتحصلين فرص كثيرة في الجامعة..

كملي دراستج اذا عندج عزم واصرار وخلي عندج همة بتحصلين الشهادة الجامعية وبعدها بتشتغلين بوظيفة مريحة وبراتب محترم وراح ترتاحين باذن الله

كملي دراستج لاجل قطر يا لاجل قطر
واسمحي لي على الاخطاء كتبت الرد بالايباد وبسرعة ،،والله يوفقج

بارك الله فيج ردج وافي جدا
مثل ماتفضلتى السنوات تركض كلها الا 4 سنوات افتح القي نفسي متخرجة وعندي الشهادة

بخصوص التوظيف ابدا ماحب اغير مكان وظيفتى في المدرسة فقط اطمح للوصول للدرجة الخامسه او الرابعة باختصار الزمن ..

بخصوص العمر .. لسة جدامى الكثير من العمر لين اوصل التقاعد
في وقت

اعتقد يفضل ان استغل هالوقت

وماشالله يوم رحت الجماعة لقيت الكثير من الامهات يكملون الدارسة الجامعية مع بناتهم كان منظر رائع..تعجبنى الشخصية المتحدية الطموحة المصرة ان ترتقي للافضل

واشكرج مرة اخرى على مشاركتج الرائعة

ويوفق الجميع انشالله

[الزعفراني]

الله يوفقج يارب .. حلو الواحد يكون عنده امل واصرار على اكمال الدراسه

[نور الحور]

ما شاء الله عليج أجل .. صدقيني عزمي وتوكلي على الله بتلقين نفسج في معمعة الدراسة وبسرعة بتنقضي السنين ..
أنا ودي أكمل الماستر من زمان ، وإن شاء الدكتوراه والله يسهلها لأن شغلي رافضين
بس الله بيسهلها وبلقى لي مخرج إن شاء الله وبجيكم بالشهادة الكبيرة قد الدووونيا

[ANONYMOUS]

ما ابي احطمج

بس مع الدوام والعيال والارتباطات انسي تخلصين في ظ¤ سنين

إلا اذا كان دوامج يخلونج تحضرين المحاضرات الصبح اوالظهر ويا الامتحانات

او الجامعه يسمحون لج بالغياب المستمر وهذا ضد القانون

اسهل واضمن و انجح طريقه شوفي لج بند مركزي سريع ولا تفرغ

[Dmy Enabi]

أكيد تكملين إختي ولحد يحبطج

ادخلي الجامعة الهولندية تخصصاتهم زينه ومطلوبة ،عندهم إدارة أعمال ، وضيافة

بس تاكدي إذا عندج آيلز ،لأن أغلب الجامعات تطلبه

أما إلي يقولج مافي وظايف مب صحيح ، آنا سجلت ماستر ،وتوظفت واحين قاعده أكمل ماستر ، وعندي عيال ووظيفة ، وشغلي الخاص فيني

ترى المسألة مسألة تنظيم وقت ،وأولويات ،وإنجاز أول بأول

الله يوفقج

[لاجل QT]

الله يوفقج يارب .. حلو الواحد يكون عنده امل واصرار على اكمال الدراسه

مرسي على مرورك وتشجيعك

ما شاء الله عليج أجل .. صدقيني عزمي وتوكلي على الله بتلقين نفسج في معمعة الدراسة وبسرعة بتنقضي السنين ..
أنا ودي أكمل الماستر من زمان ، وإن شاء الدكتوراه والله يسهلها لأن شغلي رافضين
بس الله بيسهلها وبلقى لي مخرج إن شاء الله وبجيكم بالشهادة الكبيرة قد الدووونيا

الله يوفقج انشالله وتاخذين الاستاذية ..عاد مدري من اللى اعلى الدكتوراة والا الاستاذية

انا مابي شهادة ادت الدونيا ابي درجة ادت الدونيا

الله كريم

ما ابي احطمج

بس مع الدوام والعيال والارتباطات انسي تخلصين في ظ¤ سنين

إلا اذا كان دوامج يخلونج تحضرين المحاضرات الصبح اوالظهر ويا الامتحانات

او الجامعه يسمحون لج بالغياب المستمر وهذا ضد القانون

اسهل واضمن و انجح طريقه شوفي لج بند مركزي سريع ولا تفرغ

أكيد تكملين إختي ولحد يحبطج

ادخلي الجامعة الهولندية تخصصاتهم زينه ومطلوبة ،عندهم إدارة أعمال ، وضيافة

بس تاكدي إذا عندج آيلز ،لأن أغلب الجامعات تطلبه

أما إلي يقولج مافي وظايف مب صحيح ، آنا سجلت ماستر ،وتوظفت واحين قاعده أكمل ماستر ، وعندي عيال ووظيفة ، وشغلي الخاص فيني

ترى المسألة مسألة تنظيم وقت ،وأولويات ،وإنجاز أول بأول

الله يوفقج

مثل ماذكرتي اهم شي تنظيم الوقت واستغلالة افضل استغلال واعطاء كل ذي حق حقة

في هذي انا اعجبج

الله لما هو خير لنا

شاكرة لج مرورج اختى الفاضلة