السلام عليكم ورحمة الله وبركاته
كيف الحال اخواني الاعضاء
حاب احذركم على شان مايصير لكم مثل الي صار لي..
يوم الخميس الي فات ( قبل امس ) رحت اشتريت دراجتين حجم 50 سي سي للاطفال ( صيني )
قلت ابيهم يتعلمون عليها لين مايتمكنون وبعدين اخذ لهم سزوكي تدوم للعمر معاهم
الحاصل يا اخوان
يوم الجمعه امس طالع مع العيال ابي افرحهم وونسهم فالدراجات وقمت وقصرت على الريس على شان السرعه
وبعد ساعتين لعب وبعد ماتمكنو من الدراجه من سرعه وبريكات .
توني مسترخي بعد شدت اعصابي اخاف يصير لهم شي.
ولا تمر علي بنتي عمرها 7 سنوات من قدامي سرعتها مب طبيعيه وتدخل فالروضه وتطلع منها وتنقلب
اسعفتها لمستشفى الخور والحمد لله ماصادها اي شي
لكن يوم رجعت اشيل العفش وشغلت الدراجه اكتشفت انه الريس كان معلق

فا يا شباب انتبهوا الله يستر عليكم
وهذا خطر انه يعلق الريس على طفل مايعرف يتصرف وقت المشكله.


ما اطلب تتصدقون علي
ولا اطلب تواسوني
ولكن اطلب منكم ان تنتبهوا على عيالكم وانفسكم



اخوكم
ابومحمد