ما هي الخضروات والفواكه والأدوية التي تحرق الدهون

[حقيقه]

الله يعز النعمه من يأكل الفجل ريحته كريهه

أنزين بخصوص الأناناس يصير اللي ف العلب وألا لازم طبيعي

[ورد الدوحه]

يه أناناس

اخبر فيه قوطي في الثلاجة الحين باقوم ابطله

هههههههههههههههه مايصير لازم افرش

[بو خليفه 123]

الخضروات اغلبها مستورده لذلك فعاليتها ليست 100%
الادويه لا انصحك بها لكن المكملات الغذائيه انصح بها بشكل كبير مثل زيت كبد الحوت

استخدم الخل مع السلطه والدجاج المشوي (صدر الدجاج)

تريق بياض البيض مع خبز بني

غداء كل الي بخاطرك لكن لا تقيل مباشره بعد الغداء حاول تمشي نصف ساعه يومياً

العشاء شوربه او سلطه و ارقد خفيف


شكلك ناوي على الثانيه و تبي تضبط الجسم

[لمعة الالماس]

اقسم الصحن اربع اجزاء

جزء نشويات
جزء فاكهة
جزء بروتين
جزء خضار

هذا للوجبات الثلاث والافضل الاكل مسلوق او مشوي

اما بين الوجبات التفاح الاخضر والاناناس وزنجبيل مع ليمون والكمون والرمان والقريب فروت وابتعد عن العصاير

[شمس المغيب]

منقوع الزنجبيل والليمون والدارسين

تبشر قطعة زنجبيل بطول الصبع
مع عود دارسين وملعقه عصير ليمون
أنقعه في كوب ماء دافئ أشربه بعد الوجبة بساعة
يعني لازم ينقع فتره إذا كان الماء دافئ
وأذا الماء مغلي تكفي ربع ساعة
ممكن تحليه بعسل

[تحداني]

حبيت هالموضوع وايد .. وفيه وايد معلومات ممتعه وتجارب جميله ونصايح اجمل منها
انا مع الرياضه الدائمه .. مع استبدال المقالي بالمشاوي
مع التقليل من الحلويات قدر الامكان
مع القليل الدسم في الالبان والأجبان
مع التقليل من الرز والخبز

وتالي هي صبر واراده وعزيمه وقناعه
اذا غابوا عن الشخص مهما يسوي الا راح يمل ويستسلم



جملكم الله برضاه

[Dana’1]

معلومات قيمة فعلا

من وين تشترين الرز الكامل وملح البحر

تلاقينها بالسوبر ماركت قسم الأطعمة العضوية يكتبون علية Brown rice وفية نوعين قصير الحبة وطويل الحبة...وإلي ينصحون فية هو قصير الحبة
طباخة يفرق عن الرز العادي ياخذ لة ساعة تقريباعلى نار هادية
وهذي صورتة صورتها بالميغامارت بس موجود بغيرة من الماركت والشركات متنوعة بعد بس النتيجة وحدة بإذن الله




وفية إذا حبيتي وأنتوا من النوع إلي تروحون للأحساء تأخذين الرز الحساوي كتغير بعد فوايدة زينة وسعرة مرتفع شوي يعني كيسة السوبر ماركت معبية تطلع 400-500 ريال تقريبا...حاليا الي عندهم بالأسواق محصول العام
بعد تقريبا شهرين أو ثلاثة تقريبا ممكن تلاقين محصول هالسنة وهو أنواع أهلها يعرفونها

ملح البحر بعد في قسم الأطعمة العضوية او الملح بس مكتوب علية sea salt لأن غالبا شركات أجنبية
وممكن تلاقينة عند حقين البهارات بسوق واقف بس ماقد شريت من عندهم مرة بس شريتة من السوبر ماركت
بس تأكدي إنه ملح بحر مو ملح صخري
وملح البحر يجيك خشن ومرات تحسين فية أوساخ لكن لا بإذن الله نظيف لأنة طبيعي وعلى فكرة ملاحظة على ما قالت لي أختي لأن هي تستخدمة تقول شوي منة بطرف الأصبع يبان طعمة عكس المكرر!
بالتوفيق