عليكم السلام ورحمه الله وبركاته

الشي الجميل بالشركات عندنا بقطر .. انها تدري ان الشكاوي ماراح تأثر فيهم آبدآ
قصتي بسيطه وصغيره جدآ .. خذت جمس موديل 2009 من الوكاله وبعد مامشت السياره 3000 طلع صوت كرنك في السياره مع ان السياره جديده ومابدلت الا زيت الـ 1000 كيلو
رجعت للشركه وقلت لهم الموضوع وشيكو على المكينه قالوا لا هذا سوء استخدام .. بعد حك وضرب ولف وروحه ورجعه قالوا مالنا خص طبعآ شلت بعضي وخليت السياره عندهم وحذفت السويك على اداري بريطاني اظن .. وقلت احتفظ فيها وراح يجيك اتصال من امريكا ب اقرب فرصه .. بعدها بالضبط بساعه يوصلني اتصال من البريطاني نفسه وقال : راح نتكفل بالسياره من الصدام للصدام وبتبديل المكينه كامله .
قلت له ابي فلوسي السياره نفسي طابت منها واول واخر مره اشتري امريكي
وجيتهم بالشركه اللي في الصناعيه الكلام طبعآ ماوصل للشركه الام ولا حتى دبي ولا حتى اللي عندنا بشارع سلوى .. وقلت خلصوني شيك ولا كاش .؟
قال مكينه جديده + اكسسوارات بقيمه 21 الف + ضمان سنتين تشيك وتبديل زيوت وسفايف على الضمان يعني بس تعبي بترول .. وماتسوي لنا ( فضيحه )
يعني ب اختصار .. مالك الا تشد الكلام حبتين معهم وتوصلها لـ اكبر اداري في الشركه وتحاول تهدده على خفيف