السلام عليكم
خذت لي رنج روفر فوج 2013 جديد من الشركة .. ثاني اسبوع طلعت مشكلة البريك وتعطلت الجانبينات الامامية ... كلمت الشركة عطوني موعد بعد اسبوع .. المهم رحت لهم قالو هذي مشكلة من المصنع والجانبينات بنطلبها لك من الشركة الام مش متوفره عندهم فقالو انتظر 20 يوم وطبعا ماعطوني سيارة بديلة ... بعد مرور عشرين يوم قالو لي مش متوفرة بعد في الشركة الام اصبر لين مايصنعونها ... والموتر واقف في البيت
فهل يحق لي استرداد قيمة الرنج الموتر ماشي 6000 فقط .. ؟؟
نصايحكم ياشباب
السلام عليكم
كلم وكيل الشرق الأوسط اتوقع في دبي
عليك بحماية المستهلك اقعد لهم عظم في البلعوم
على الاقل طلع منهم تعويض عن الضرر الذي لحق بك من جراء التأخير
وجرب كلم الوكيل بعد منت بخسران وشوف ردهم
واحد من الاعضاء عنده نفس المشكله الحين صار له سنه ونصف عيب تصنيع
بس مع وكاله غير ( امريكي ) ونفس الشي الوكيل في دبي ولين الحين المشكله مانتهت
( حسنات عظيمة إن شاء الله فى أربع كلمات )
سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَاتِهِ
عَنْ أَبِى هُرَيْرَةَ قَالَ قَالَ رَسُولُ اللَّهِ - صلى الله عليه وسلم - « كَلِمَتَانِ خَفِيفَتَانِ عَلَى اللِّسَانِ ، ثَقِيلَتَانِ فِى الْمِيزَانِ ، حَبِيبَتَانِ إِلَى الرَّحْمَنِ سُبْحَانَ اللَّهِ وَبِحَمْدِهِ ، سُبْحَانَ اللَّهِ الْعَظِيمِ
امس ولدي يقولي يما سياره رنج موديل 2013 للبيع ماشيه بس 6000 للبيع شاريها صاحبها 7500000 وبيبيعها 500000 اقوله ليش انخسف فيها السعر قالي فيها مشكله
ليكون سيارتك
ودخلنا بموضوع اللكزس لو شاريها ارحم من الرنج فقعد يمدح بالسياره وايش فيها وايش ما فيها
الله يعينك مثل ما قال احد الاخوه كلم الشركه الام
كلامٌ للشّيخ ابن عثيمين-رحمه الله ، قال:
" إذا رأيتَ نفسكَ مُتكاسلاً عن الطّاعة ؛ فاحذر أن يكونَ الله قد كرهَ طاعتَك ، فانتبه لنفسك"!
__________________
كلم وكيل الشرق الاوسط واذا شفت في تأخير طق لك سفره للوكيل ..
واحد من الربع كانت عنده مشكله في موتره كل 10 ايام يخترب القير والوكاله ترقع له فهالموتر قام سافر دبي راح للوكيل وحشرهم وقالوا له اختار لون الموتر اللي تبيه .. عطوه موتر جديد الموتر cr8 شفرليه
عليك بس تشوف وين مكان الوكيل للشرق الاوسط .. الاغلب كلهم فدبي
لازم توصل معاهم لحل .. ويفضل الحل الاسلم بعيد عن رفع الصوت الايادي
لا تكلم موظف عادي .. كلم مديرهم وتواصل معاه على حل يرضي الطرفين .. انت شاريه بفلوس مش ببلاش !!
على فكره من قرائاتي لمواضيع المنتدى .. يمكن انت رقم واحد 4 يشتكي على الوكاله وفي منهم رفع قضيه
قال الإمام أحمد بن حنبل "تسعة أعشار حسن الخلق في التغافل"
مايحلها غير الوكيل
ارسل لهم ايميل او حاول تتواصل معاهم وراح يستبدلون السياره لك
ياخذون الموجوده حاليا ويرسلون لك الثانيه ارسل للشركه في بريطانيا راح يوقفون معاك
بالتوفيق
وضع صعب صراحة وكيل الرنج يربح أرباح خيالية وما يسوي أقل اللي عليه وجهات حماية المستهلك ما يقدرون عليه.المشاركة الأصلية كتبت بواسطة hamad_qa
يكفي إن الواحد يشوف سعر الرنج في أمريكا بكل المواصفات الموجودة عندنا والغير موجودة وبيحصله أرخص بوايد .. عن اللكزس كانت في عز ارتفاع الين أيام الدولار = 75 ين .. كانت بسعر 90 ألف شاملة كل المواصفات حتى الخاصة بالثلوج = 330 ألف تقريباً بالريال وألحين مؤكد أرخص وأتوقع أرخص بحدود 20 الى 25% بسبب نزول الين .. الدولار = تقريباً 95 ين.
يبقى السؤال وين جهات الدولة اللي السعر يزيد ولا يقل نهائياً؟
أعلى سعر للرنج في أمريكا 511 ألف ريال بكامل امواصفات والضريبة مؤكد تختلف من ولاية لولاية وهي في حدود 10% في الغالب .. والسعر للكزس كاملة المواصفات مع حماية لصبغ السيارة مع قفل للرنغات والتواير ضد السرقة 90 ألف دولار = 328000 ريال قطري .. بمواصفات عادية 75000 دولار
التعديل الأخير تم بواسطة معماري قطري ; 19-09-2013 الساعة 01:49 PM
يعطيكم العافيه على الردود
انا كلمت مدير الصيانه ونفس الكلام قالي ... فاكلمت حماية المستهلك وعطوني رقم الشكوى وقالو المفتش بيتصل فيك .. وقاعد انطر اتصاله من يومين ...
وكلمت وكيل الشرق الاوسط للرنج وسجلت عندهم شكوى وقالو فعلا عندنا مشكله في قطع الغيار وانشالله الاداره بتتواصل معك خلال يومين عمل ...
المشكله مش من الرنج ... المشكله من وزارة التجاره .. مالها اي دور في تلاعب الشركات والضحيه المستهلك ( خاصه المواطن ) .. المقيم بيخلص اموره من خلال المعرفه ....
فابشوف اخرتها معهم ... حتى السياره كرهوني فيها ..
الله المستعان
ضوابط المشاركة
رد مع اقتباس
