محتاره في ارضية الغرفه ؟؟ سيراميك ولا باركيه ولا سجاده

[♫ احسـاسـ طفلـهـ ♫]

في فمحل العمودي بدوار الساعة نوع اسمه فينيل نفس شكل الباركيه بس ماهو باركيه ولا يمكن حد يفرقه عن الباركيه وعملي ومريح أنا ركبته صار له ظ£ سنين ولا في مشكلة واقل من نص سعر الباركيه وعملي لان الباركيه مشكلته إذا حركت عليه أي شئ يعلم فيه

جزااااااك الله خير اخوي ماتقصرررررر اليوم شفت كم قطعه تشبه الباركيه كلش ما عجبوني لان اكره اللون البني اصلا كره العمى

بالنسبة لي السراميك او البورسلان افضل مع وجود قطع سجاد صغيرة
في اماكن متفرقه بجانب السرير وفي طريق الخروج والدخول للغرفة وبيكون
اسهل للتنظيف ولغسيل قطع السجاد وانظف من الموكيت الي يجمع الغبار
ويسبب الربو انا مجرب ومرتاح من غير السجاد والسراميك يعيش
عمر اطول بدون ما نحتاج للتغيير نفس ما يصير في الموكيت
وفي الاخير هي اهواء واذواق وانتي حددي

بصراحه من سنين وانا بخاطري اركب سيراميك او بورسلان اللي توني اليوم اسمع عنه بصراحه من ناس لان صج السجاد كلش ما يصلح لي دايما اخربه باقل من سنه جي اشوف السيراميك احسن خيار لي بسبة سوالفي وعاجبتني سالفه انه ما يجمع غبار اشوفه صحي اكثر لكن المشكله ماعرف من وين اختار السيراميك

يا حليل صاحبة الموضوع

حركية وتخرب السجاد .. يعني نستبعد السجاد وهو الخيار الأفضل عندي للغرف.

بروحها مب مقتنعة بالباركيه وانا كلش مب مقتنع به بعد.

شيبقى لنا غير السيراميك - البورسلان - الحجر - الرخام - الغرانايت؟؟

طبي وتخيري من السطر السابق.. ولا إرجعي للأول مع نوعية أندرلي جيدة ومقاومة للفطريات والرطوبة .. وأول ما ينصب شيء عليها يبي لها غسيل سريع وتجفيف بالسشوار

الحمد لله عندي من فترة 7 سنين وللحين السجاد يبين جديد، والأندرلي نوع انجليزي زين ما ادري إذا موجود ألحين أو لا.

هههههه المشكله اخوي معماري سالفه اني حركيه بالغرفه هاي صج معاناة لان صج والله السجاد يخترب بسرعه رهيبه عندي وبعدين يكون صعب جدا علي تغيير السجاد بسبة الاثاث الكثير داخل الغرفه فهالشي مضايقني نفسيا والكل يحن علي غيري سجادج لان صج بعد سنه اخليه في حالة يرثى لها فالحين صج الاحظ ان الخيار الاقوى بالنسبه لي هو السيراميك او البورسلان







افيدونا اخواني وخواتي في موضوع السيراميك والبورسلان شالاحسن وشالفرق بينهم و وين تنصحوني بمحلات موثوق فيها


لان اليوم مريت على محل و راواني كتالوج وقال لي هاي بورسلان الشكل الرخامي الرمادي عجبني حيل و راكب على الطقم مالي بس يقول لي انه مو موجود بالمخزن ويبيله وقت لين يجي وهالشي طبعا ما يصلح لي لان ابي هالموضوع يتم خلال كم يوم فقط وثاني شي التكلفه جدا عاليه حق غرفه 5 *6 يقول لي تقريبا 10 الاف ؟؟ هل هالمبلغ مبالغ فيه ولا بس انا اللي احس جي ؟؟