المعلومات المؤكده للحين لتلفون z10 : (السموحه بقارنه شوي مع الاس ثري لاني استخدمه مع بولد 9900)
وكنت اتمنى انه مواصفات بلاكبيري الجديد تكون قريبه او منافسه للجلاكسي اس ثري عشان استغنى عن حمل تلفونين,,
1- المعالج "ثنائي النواه" !! يعني اضعف من الاس ثري الي هو رباعي"اسرع من 9900 ان شاءالله ما نشوف الساعه الصغيره مره ثانيه ,,
2- الكيمرا 8 ميجا بيكسل (زينه)
3- فيه NFC حتى ال 9900 فيه
4- البطاريه بتكون 1.8 (الاس ثري بطاريته 2.1 ) والبولد 9900 1.23 يعني اقوى من البولد بس بيتعبنا الشحن
5- حسب الفيديو الديمو شفت ان الكتابه "بالانجليزي" سهله في التتش السكرين الجديد, بس (بالعربي) شلون ! انا اكره الكتابه في التتش "مع ان في بعض الشباب يقولون ان الواحد يتعود" بس الكتابه بالكيبورد تشجعك انك تكتب على راحتك,
6- بخصوص برامج التواصل الاجتماعي مثل "تويتر, فيس بوك, واتس اب, انستجرام" المعلومات عن سلاسه تشغيلها مب موثوقه " (بالنسبه لي لو التلفون مب سهل في استعمال هال البرامج اشوف ان سوق التلفون بينزل تحت تحت تحت)
7- البلاكبيري اب ستور (لااازم يطورون الستور ! حتى لو شوي ! مب معقوله لين تسوي اب ديت لبرنامج او تنزل برنامج جديد لازم تطلع لك الساعه الكئيبه طول الوقت وما تقدر تسوي شيء لين ما يخلص التحميل !
8- التلفون في مميزات جديد وخصائص مبتكره, الحركه الي عجبتني في الكيمرا الجديده تقدر تقدم او تأخر ثانيه او ثانيتين من الصوره "يمكن حد غمض عينه او رمش" فتقدر تعدل الوجه لكل شيء على حده ,,
اخر شيء السعر, البولد 9900 اول ما نزل كان 2700 , والحين بعد سنتين شوفوا كم سعره صار نزل لين 1800 ,, اتوقع بينزل z10 بسعر مقارب لل 2500 او يمكن يوصل ل 3000 بس مب اكثر ولا اقل,
|
رد مع اقتباس
المشاركة الأصلية كتبت بواسطة aigner
