من يذكر لي كلمات اندثرت ومعانيها؟

[معماري قطري]

دثوي

شهست

ماميش

هست هذي كلمة فارسية وصج صج اندثرت

[بصمة قطرية]

اللي عندكم كشخه عيل انا اللي أذكرهم في بيت يدي الله يرحمه بدون لون حليان.

خخخخخخخخخ
لا لا احنا مودرن

[معماري قطري]

غرتالله عليك. --> الظاهر متعقد من طفولته

بو علي 2 انا تعقدت ما شاء الله عندك كلمات وايد بس حلو لو تحط الكلمه ومعناها علشان الكل يستفيد .. شرايك؟

[(محمد)]

ههههههه دعله ذي آذكرها بس طمبحله غريبه علي .. وبعدين لازم تختلف بعض الكلمات بإختلاف القبائل القطرية إختلاف قليل .. دعله اظن معناها غبي .. وصج كلمه انقرضت من قاموسنا.

اسمع الصوت بالاول


http://www.7achy.com/wp-content/uplo.../6omba7lah.mp3




وهذا معناها

• المعنى
• لقب يطلق على الشخص السمين كنايةً عن سمنته.

• مثال
• بسك أكل يالطمبحله

• أصل الكلمة
• عربي المطبح السمين.

ويقال ان الطمبحلة هو البليد








هذا ماوجدته

[الحريّه]

غرتلله يقصد : = غارة الله عليك
الغارة معروفه , يعني يصيبك الله بغارة , يمكن غضب ولا حجارة من سجيل

سِيَمْ = سرير من الخشب مرتفع عن الأرض - حفظاً من الدواب و الهوام - كان الأولين يصنعوه للنوم في الحوش .
سمعت في أغنية بحرينية يسمونه السجم .
مِعْتَرْ , تحمل معنيان . معتر أي مائل السير . و تقال للطفل إذا كان مزاجه متغير .
زَلْغْ = كشط طفيف في الجلد
زيران = لمن ترك الجان الشقه و سكنوا فيه
فيقال = فيه زيران , أي سكنه الجان ( بسم الله )
تخ = جذر
المَدّه = فرش يوضع على الأرض مصنوع من الخوص , الحصير = فرش للأرض مصنوع من سعف النخل
إيحَله / إجحله ببعض التبيدي = وعاء يوضع فيه الماء , و الصغير يسمى حِبْ
تحياتي

[qatarshark]

صاهد :ارتفاع درجة الحرارة ( السخونة)

[سهم..]

شوف أخوك تحت الشبرية

[معماري قطري]

اسمع الصوت بالاول


http://www.7achy.com/wp-content/uplo.../6omba7lah.mp3




وهذا معناها

• المعنى
• لقب يطلق على الشخص السمين كنايةً عن سمنته.

• مثال
• بسك أكل يالطمبحله

• أصل الكلمة
• عربي المطبح السمين.

ويقال ان الطمبحلة هو البليد








هذا ماوجدته

ما قصرت إخوي محمد وبعد بالصوت .. ههههههه المشكله الحروف ما فيه تفاهم بينها.

تذكرني بكلمة خمبغه وخمبغها .. تعني خربطها أو يبي يكحلها عماها.

[معماري قطري]

شوف أخوك تحت الشبرية

أظن الشبريه لها معنى ثاني عند اليمنيين اللي هو الخنجر اللي طوله شبر، وعندنا السرير الحديد بو شبك اللي يصرصر.

[معماري قطري]

غرتلله يقصد : = غارة الله عليك
الغارة معروفه , يعني يصيبك الله بغارة , يمكن غضب ولا حجارة من سجيل

سِيَمْ = سرير من الخشب مرتفع عن الأرض - حفظاً من الدواب و الهوام - كان الأولين يصنعوه للنوم في الحوش .
سمعت في أغنية بحرينية يسمونه السجم .
مِعْتَرْ , تحمل معنيان . معتر أي مائل السير . و تقال للطفل إذا كان مزاجه متغير .
زَلْغْ = كشط طفيف في الجلد
زيران = لمن ترك الجان الشقه و سكنوا فيه
فيقال = فيه زيران , أي سكنه الجان ( بسم الله )
تخ = جذر
المَدّه = فرش يوضع على الأرض مصنوع من الخوص , الحصير = فرش للأرض مصنوع من سعف النخل
إيحَله / إجحله ببعض التبيدي = وعاء يوضع فيه الماء , و الصغير يسمى حِبْ
تحياتي

ما شاء الله صج كلمات تراثية شبه منسية

ذكرت المده والحصير ونسيت إخوهم العسو .. ما ادري من وين يجيبون هالأسامي قبل؟