مطعم ابو نواس ،، واستغفال الناس

[طرف محايد]

مكانه في السد بجوار الخيمة وفينيسيا


المشكلة يا جماعة ان الاسعار المتعارف عليها حالياً غالية



شلون لو جا واحد ورفع السعر دبل



ليش تفكيرهم ان الزبون بيدفع اي مبلغ


من اوصل لهم هالفكرة؟

[صوت الضمير]

ضحكوني من وين يجيبون زجاجهم ولحمهم

اكيد موب مهجن وأصيل ههههههه


ذكرتني بمطعم الكيف العربي وقفت اطلب منه اول مره

سىلت وش عندك وكم الأسعار الشاورمات الدجاج ب15

والفلافل ب6


المهم قلت ليش قال إحنا الشاورما بيعتنا غير ما تحصل مثلها

قلت أقول بااااااااااي


أخوي ليكون شريت

[aboumajd]

المطلوب من كل شخص يريد أن ياكل في أي مطعم أن يشوف أسعاره أولا. ثانيا المحل أجاره غالي كثير ومنطقه النصر على علمي الإيجارات غاليه والخلوهفوق 300000الف ريال قطري

[رجل الجزيرة]

تووووووووو متش


ولا افكررر ادخله

توني أسمع بإسمعه، ولا حتى فكرت أمر عليه.

[بو علاوي]

اذا كان اللحم فريش سوري او سعودي او اردني فسعره مقبول نوعا ما أما اذا كان لحم استرالي او مجمد مثل باقي المطاعم فسعره غالي جدا لأن كل مطاعم قطر يجيبون استرالي أو مجمد وانا وصلت لمرحلة اني استحالة آكل دجاج او لحم بمطعم لاني اعرف لحمهم شنو/ واذا اضطريت أطلب سمك بس

[Aaziz]

الاستغلال في كل مكان للاسف و صعب تسيطر على اعذار صاحب المطعم المسببه لارتفاع الاكل .


تذكرت قصة رواها علي احد كبار السن من السعوديه وهي حدثت قريب من كم سنه .

يقول اخينا كنت في احد شوارع الرياض و لفت نظري مطعم جديد في هذا الشارع يحمل اسم (حاتم الطائي)
يقول رحت لين اخر الشارع و رجعت للمطعم ،، قلت له تقدمون اكل في هذا المطعم قالو نعم ،، قال جب لي غدا (ولم يحدد الشايب نوع الاكل او غيره) المهم جابوله الاكل و تغدا و خلص و شكر الله على النعمه و شكر الجرسون و طلع من المطعم بدون لايدفع الحساب ،، ولا اثنين وراه الجرسون و المحاسب الي كان جالس على طاوله عند باب الخروم ... وين يا عم ،، ادفع الحساب ... قال ادفع فلوس على اكلي في مطعم حاتم الطائي ،،، يقول حاتم ذبح فرسة ليطعم ضيوفة و انت تطلب مني المال .

امامك امرين ياهذا ،،، اما تسمح بتقديم الاكل بالمجان لكل من يدخل المطعم
اما تقوم بتغيير اسم المطعم في اقرب وقت، انت تسيء لتاريخنا .
اجبر اخيانا على دفع المبلغ و صاحب المطعم لم يغير الاسم لايام و اخيانا قام برفع دعوى قضائية و سيتم تغيير اسم المطعم ان لم يكن فعلا تغير
وسلامتكم

[وحيد-الشوق]

احنا في قطر مب باريس صوب الشانز هههههههههه مسحب ٧٠ ريال الله اكبر

انا ما اعرف المطعم ولا ابي اعرفه ماراح نموت لو ماكلنا منه

[abo0o0od QtR]

ابو نواس جدام دوامي ولا مره فكرت اطلب منه زين دريت بالاسعار

يمدحون برياني كورنر

[اشراقة الشمس]

كيلو المشاوي ب تركيا المركزي ب 100 ريال و لذيذة

[.. الكاش ..]

اضم صوتي لصوت بوعلاوي كفايه انه فرش طبعن اذا ثبت انه فرش