++|| تبـي تشـتري أيفـون 5 ||++

[Charisma]

السلام عليكم ورحمه الله وبركاته

تبي تشتري ايفون 5 ؟

طيب ركز عالمواصفات .. الايفون 5 مسوي ضجه عشان الـ 4G اللي هي شبكه الجيل الرابع
انترنت طياره + هوت سبوت يعني في مخباك وايرلس وين ما رحت مع سرعه انترنت اقلاع ..

شكل الايفون احلى وشاشه اكبر من الـ 4S

الكاميرا نفس الـ 4S

حلو الكلام .. !

احنا كمستخدمين عرب ماراح نستفيد من امكانيات الايفون 5 ولسبب بسيط .. انسى شي اسمه الجيل الرابع لان الايفون 5 تردداته متوافقه مع امريكا والدول الاوروبيه اما بالنسبه للشرق الاوسط وخصوصا قطر ماراح يشتغل .. شبكه الجيل الرابع حاليا في قطر تحت الاختبار وترددات الجيل الرابع في قطر 800/2600 يعني لا الايفون الاوروبي ولا الامريكي بيشتغل على هالترددات من ناحيه الجيل الرابع.. بيشتغل على الـ 3G فقط الجيل الثالث .

اذا انت مب مهتم في الجيل الرابع ؟ مب مهتم من ناحيه الشاحن الجديد للايفون 5؟
مب مهتم من ناحيه النانو سيم وهي الشريحه المصغره ( اصغر من شريحه الايفون 4 )؟
وبس تبي الايفون 5 عشان الشكل .. فتوكل على الله ..

اما اللي يدورون المواصفات والاستخدام العملي والفايده.. وعندهم 4S برايي الشخصي ؟

ماتحتاج تشتري الايفون 5 لان الفرق الوحيد هو المعالج والشكل وشبكه الجيل الرابع اللي ماراح تستخدمها .. بس بنفس الوقت عندك شريحه المايكرو وعندك اكسسوارات الشاحن القديم ( ماراح تتعذب بشحن الايفون في اي مكان ) واذا عندك المايكرو سيم اللي تشتغل على الايفون 4 والايفون 4S ماراح تتعذب بنقل الشريحه من ايفون 4 لايفون 4s او حتى 4
بعكس الايفون 5 .. ملزوم بشاحن خاص .. ملزوم بشريحه خاصه بالايفون 5 .

اللي بيدقق بالمواصفات بيلقى ان الايفون 4S حاله حال الايفون 5 اهني في قطر .. كل اللي عليك تسوي تحديث للسوفت وير 6 فقط بلا جيل رابع مب شغال بلا شكل

انا كتبت هالموضوع لان الاغلبيه مستخفين عالايفون 5 ويبون ياخذونه بأي سعر وهو في الحقيقه ايفون 4s مع شاشه اكبر بـ 0.5 انش ومعالج جديد اسرع بطريقه مب ملحوظه


قارن

http://www.apple.com/iphone/compare-iphones/


والقرار عندكم

[رجل الجزيرة]

جزاك الله خير.

[Charisma]

جزاك الله خير.

ويجزيك بالمثل ..

ماحترامي لك


ترا ماتعرف شي عن الايفون 5

وفرق كبيييييير بينه وبين الايفون 4 س

ترا الجهاز اسرع من جالكسي س 3


يعني بالعربي اقوة جهاز موجود في الوقت الحالي وللعلم خصوصا للاجهزة الاندرويد الارقام ماتسوي اي شي في الواقع

لا سلامتك يالغالي اعرف كل صغيره وكبيره فيه .. وماني مبتدأ بعالم الايفون
النقله من ايفون 4 لـ ايفون 4S كانت نقله كبيره .. اكبر من 4S لـ 5 في اعتقادي انا !

خلنا نذكر الفروق انت تقول اسرع .. وانا ذكرت ان الجهاز بمعالج جديد a6 شي طيب انه يكون اسرع شاشه اكبر بـ0.5؟ اغلب المستخدمين مايهتمون لكبر الشاشه .. اخف؟ نعم نقطه تحسب لصالح الايفون الجديد .. ريتينا دسبلي؟ ماشوف لها داعي كلش كلش .. اذا في الايباد صعب انك تشوف الفرق بين الايباد 2 والايباد الجديد فمابالك بشاشه جوال .. الريتينا دسبلي وضوحها يبين عالشاشات الكبيره ومن ناحيه الزوم وحواف الكلمات ..الخ لكن كجوال ماراح تفيدني ابدا
نجي لاهم نقطه الجيل الرابع ؟؟؟؟ انسى يشتغل في قطر وتذكر كلامي .. يعني لو بقولك ان الايفون 5 وبشبكه الجيل الرابع بيشتغل في قطر .. بقولك نعم الجوال يستاهل لكن بدون جيل رابع حاله حال ايفون فور اس العالم اهناك هابين بالايفون 5 عشان الجيل الرابع واحنا اهني مستانسين لان شاشه اكبر واخف واسرع بشوي

انا مستخدم لاجهزه ايفون وسبق واستخدمت اجهزه سامسونج .. ايفون كمنظومه هاردوير وسوفت وير نعم ممتاز لكن اجهزه سامسونغ؟ في الهاردوير تفوقت وبشكل كبير عالايفون يكفي ان اجهزه سامسونج وصلت لمعالجات رباعيه النواه وانت تقولي الايفون 5 بو نواتين اسرع من الجالكسي بو اربع ؟ هذا والاس 3 نازل قبل الايفون فايف لكن شوف المقارنه



شوف الفرق .. بطاريه اقوى.. معالج اقوى .. كامرا اماميه اقوى .. مايكرو يو اس بي .. ان اف سي تخيل هالمواصفات كلها في الايفون فايف؟ ساعتها بقولك اي افضل هاتف في السوق

كهاردوير انسى اجهزه ابل توقف قدام سامسونج لكن اللي يميز ابل اهو السوفت وير وانا ليومك مستخدم للايفون .. لجل السوفت وير والجلبريك فقط .

[airbus]

ماحترامي لك


ترا ماتعرف شي عن الايفون 5

وفرق كبيييييير بينه وبين الايفون 4 س

ترا الجهاز اسرع من جالكسي س 3


يعني بالعربي اقوة جهاز موجود في الوقت الحالي وللعلم خصوصا للاجهزة الاندرويد الارقام ماتسوي اي شي في الواقع

[حميداني]

ماحترامي لك


ترا ماتعرف شي عن الايفون 5

وفرق كبيييييير بينه وبين الايفون 4 س

ترا الجهاز اسرع من جالكسي س 3


يعني بالعربي اقوة جهاز موجود في الوقت الحالي وللعلم خصوصا للاجهزة الاندرويد الارقام ماتسوي اي شي في الواقع

ههههههههههههه .. يا حبي لهالقسم
صرت ادخله علشان ردودك ههههههه

[airbus]

ههههههههههههه .. يا حبي لهالقسم
صرت ادخله علشان ردودك ههههههه

ياكرهي لهالقسم صرت اطلع علشان ردودك

[Charisma]

ياكرهي لهالقسم صرت اطلع علشان ردودك

يا اخ ايرباص في علم الطيران يقولك L = (1/2) d v2 s CL

يعني الموضوع اخذ وعطى

[حميداني]

ياكرهي لهالقسم صرت اطلع علشان ردودك

ادري مو من قلبك

موجودين Pilot ما شاءالله عليك ردودك ولا أروع

[محمد]

اخوي الطيار .. انت ليش تبني سناريو خاص لك وترد عليه ؟
انا اتهمتك في اول رد ههههه وانت رديت علي .. ليش مصر تكرر نقطة انك مب من ماكلين سامسونج !!

انا اول جهاز باللمس استخدمته كان الجالكسي اس 1 مب الايفون .. ولا انا من انصار روابط مشجعين الجوالات لان التقنية حلاوتها بتجربة كل شي .. لكن اسمحلي اعقب على النقاط الي اتقولها

اول شي بخصوص الجلبريك والله انا وناس وايد مثلي ضد الجلبريك .. وانا اقولها لك بصراحة .. لو بفكر اني اعتمد على الجلبريك بتجه للاندرويد لانه الجلبريك فيه منه وفيه .. اشحادني اخذ جهاز اصلا ميزته انه مقيد حاله حال الانظمة الاخرى مثل ويندوز وغيرها .. واروح اسوي له جيلبريك .. مع احترامي الي يسوي هالشي .. فاهم الدنيا غلط .. او انه ما يدري انه قاعد يستخدم الجهاز الغلط !!

ثاني شي بخصوص ان الجلبريك ما يعطيني كمستخدم حماية .. فانت هنا تخلط مع احترامي لك للرسك الي اقصده .. الجلبريك شي راعي الجهاز بنفسه و بارادته يسويه .. نعم هو استغلال لسلبية بالنظام لعمله .. لكن بالاخير لو انا ما سويت جلبريك .. ما راح يدخل العفريت الازرق جهازي ويسويله جلبريك من نفسه !!

انا اتكلم اهني عن مشاكل الامن من التطبيقااااات .. وكان كلامي واضح بهالخصوص .. اهم ميزه في الايفون الاب ستور .. وانا بنفسي والله جربت ادراج برامج من حساب دفلوبر على الماركت و على الاب ستور .. الاب ستور اسبوع الى اسبوعين الى ان يتم الموافقه على البرنامج و يدخل البرنامج باختبارات تفصفص الكود تفصفص و تتأكد انه ما يتم نشره للمستخدم فعلاً آمن 100% .. الماركت يتم التصديق على البرنامج احيانا بعد ساعتين او في نفس اليوم !! ولا فيه اهتمام مثل ما هو حاصل في الاب ستور .. علاوة على ذلك اتفاقية الدفلوبر ياريت تتطلع عليها في الابل .. مب مجرد انك تسوي ابلكيشن معناها راح ينزل وهالتغييرات سووها مؤخرا يسألونك اسألة قبل بدأ البروجكت و يتأكدون ان الفكرة مب مسروقه و مكرره بكوبي بيست و امور اخرى .. انا هذا الي ادور عليه الكيف مب الكم .. والكوالتي .. اما ماركت الاندرويد حدث ولا حرج من الباتشات الصينية وانا هنا كنت اقصد هالنقطة لا قصدت رومات ولا غيره .. واذا انت كنت تقول ان الجلبريك مخلي الناس تتصبر على الايفون فانا اقولك الاب ستور يكفي بانه يخلي اي شخص يشوف جهاز ثاني يلغي الفكرة .. ويكفيك ان اي شركة او قناة او جهة تتسابق لدعم الايفون والايباد في الاب ستور لمنتجاتها ..

قبل فترة بسيطة كنت في ترينينج على بروجكت يستخدم Oracle BI الشهير .. وهم يقدمون لنا البرزنتيشن .. جزء كبير منه كان يتكلم على انك تستخدم الاوراكل بي آي بالايفون عبر تطبيقات برمجتها خصيصا شركة اوراكل لمستخدمين الايفون .. من هنا انا احتاج الهاتف .. من هنا احدد احتياجي لشي الناس تركض وراه عشان تدعمه !!


نقطة اخرى .. الواحد ممكن يهوى شي ويحب يسويه .. لكن في الاخير لين دخل مجال العمل و الاعتماد على جهاز انا ادور جهاز هو يخمدني و يحقق متطلباتي .. مب انا اخدمه و انزل له رومات عشان يرجع يخدمني في متطلباتي .. والمقارنة العادلة بين هالاجهزة في وضعها الاساسي بعيد عن الرومات و التعديلات .. نعم فيه ناس تهوى هالشي ولا الومهم فعلا شي جميل لكن انا اتكلم لأي end user له امور في حياته اليومية يبي يسويها ويبي جهاز ينفذها .. مب مستعد يهيء و يعد جهاز عشان يخدمه .. ولكل جانب مميزات وسلبيات انا ماقولك هذا احسن و هذا اخس .. وقلت في ردي السابق اولويات الشخص نفسه هي الي تحدد شنو الي يبيه بالضبط ..


اخيراً .. هذا النقاش ماله نهاية لانه اراء و اهواء .. انت تشوف نفسك صح فيها .. وانا اشوف نفسي صح فيها .. ما تقدر تقول حق واحد يحب العيش الهميج ليش ما تاكل نثري هههههههههه

وصراع الشركات ما بين المقيد و الاوبن سورس راح يستمر على طول بما ان فيه مستخدمين يفضلون الاول و اخرين يفضلون الثاني .. وهذا ما يعني افضلية جانب على اخر .. انما خيارات يختارها المستخدم وفق حياته اليومية .. ولا ما شفنا عملاق البرمجيات مايكروسوفت يتجه لاطلاق ويندوز 8 للجوالات والتابلتس خلاص المفروض يستسلمون للاندرويد على كلامك لان الانظمة المقيده لو بنقيسها على كلامك كلها فاشلة !!

محمد عجبني ردك وسلاستك بالكلمات

ردك اقنعني

يعطيك الف عافيه وبانتظار مشاركاتك الطيبه

شهادة اعتز فيها يابوعلي

[Al-Kuwari]

انا عندي الجهاز

شريته امس من الابل ستور في نيوكاسل بريطانيا

الجهاز خفيييييييف بشكل ماتتصورونه

مسكت الايفون ٤ بيد والايفون ٥ بيد حسيت ان الايفون ٤ طابوقة من فرق الوزن

بالنسبة للشاشة الوضوح عالي جدا وحجم الشاشة حلو والجهاز نحيف وايد

الجهاز سررريع جدا مايمديك تضغط عالزر تلقى الشاشة اللي بعدها

ماجربته فالالعاب للحين فماعندي فكرة

بخصوص ال٤ اس بصراحة ماعندي اياه فماقدر اقارن بينه وبين ٥

لكن كمقارنة بين ٤ و ٥

الجديد افضل بكثييييييييييييير