السلام عليكم
إخواني بغيت ابرمج ريموت الجمس مع باب الحوش اتوماتيك
يعني بستغني عن ريموت باب الحوش وبستخدم الريموت في الجمس
حد يعرف الطريقه
لان قريت في المانوال حق السياره بس قصه طويله ومالي بارض
او حد يعرف حد يبرمج
مع العلم باب الحوش من البيت الأزرق
وشكرا لكم
*
لو عرفت شلون لا تبخل علينا يالشيخ
اي والله اذا حد يعرف يشرح لنا ويستفيد الكل
لا اله الا الله
داوم على الاستغفار والصلاة على النبي صلى الله عليه وسلم
ودعاء ذا النون لااله الا انت سبحانك اني كنت من الظالمين
وتاج الادعية اللهم اتنا في الدنيا حسنه وفي الاخرة حسنه وقنا عذاب النار
والحمدلله رب العالمين
بعيد النظر
بوحمد
الله يعطيكم العافيه مازال تساؤلي قائم
وانتظر الرد
للي ما استوعب الموضوع انا اتكلم عن الازره الثلاثه السود اللي فوق جمب ليت السقف الداخلي
اخوي اسمها
Homelink
ثلاث ازرار صوب المنظرة
توقف الموتر قريب باب الحوش
وتجيب معك ريموت الباب
تضغط على الزر اليمين واليسار اللي صوب المنظرة في نفس الوقت لمدة 20 ثانية
تنطر لين الليت يرامق بسرعة
الحين انت سويت فورمات لاي برمجة سابقة
وبعدها مثلا تبي الزر اليسار لفتح الباب
تقرب ريموت الباب من الازرة وتضغط زر فتح الباب اللي بريموت و بنفس الوقت تضغط على الزر اليسار اللي في السيارة
بتشوف الليت بدا يرامق ببطى ثم يبدا يرامق بسرعة وهني خلاص تمت برمجة الفتح
الحين لازم تروح على باب الكراج وتشوف الجهاز العود الموصول بدينمو الفتح والاغلاق
في زر للبرمجة
اضغط عليه وبعدها فورا ( عندك 30 ثانية فقط ) ارجع للموتر واضغط الزر اليسار اللي برمجته قبل
هني تكون اكدت البرمجة واتمنى كل ما تفتح الباب تدعيلي ههههههههههه
اتمنى اكون افدتك
بشوف لو في صور او فيديو يفيدك
تقبل تحياتي
التعديل الأخير تم بواسطة يراعٌ فراتي ; 11-09-2012 الساعة 01:20 AM
http://www.********.com/watch?v=TNah...eature=related
استبدل النجوم اللي بالرابط بكلمة
youtube
عجيبه الحركه !!
::
يارب إن أصبحتُ ب حزن ..فأمسيني بفرح::
وإن نمت على ضيق ..فأيقظني على فرج
وإن كُنت بحآجه .. فلآ تكلني لأحد سوآك ..
المشاركة الأصلية كتبت بواسطة يراعٌ فراتي
الله لا يهينك ماقصرت
بس ترا ماحصلت زر البرمجه مال المكينه حقت الباب
حد يعرف وين زر البرمجه في مكينة البيت الازرق
ضوابط المشاركة
رد مع اقتباس