استفسار-كيف انقل مؤسستي لقطر

[ابو رها]

السلام عليكم ورحمة الله وبركاته

اهل الخبره افيدونا الله يجزاكم خير

ماشاءالله السوق القطري بالفتره المقبله اقوى سوق بمجال المقاولات
واتمنى ادخل فيه وحبيت اسألكم كيف انقل مؤسستي بكامل العمال من
السعوديه لقطر
علماً هي مؤسسة مقاولات والعمال فنيين من الجنسيه
الفلبينيه مبلطين وسباكين وكهربائيه وصباغين
هل النظام يسمح ؟ وكيف اقدر استقدم فنيين اضافيين
وكم تكلفة الاستقدام
ايضاً كم اسعار المقاولات التبليط/السباكه/الكهرب/الدهان
مع مواد وبدون مواد وكم تكلفة جمرك توريد المواد
مثل الاسمنت والغراء والدهانات
والايجارات كم تسوى لموقع المؤسسه ورسوم السجلات والتراخيص

يعني استعلام كامل

ومانستغني عن نصحكم تشجعوني على اتخاذ الخطوه هذي

اخوكم

ابو رها
*

[Chambray]

اعتقد تستطيع لكن يجب ان يكون معاك شريك لك قطري 51% له و 49% لك من رأس المال ..

[shaheen-915]

اعتقد تستطيع لكن يجب ان يكون معاك شريك لك قطري 51% له و 49% لك من رأس المال ..

[ابو رها]

اعتقد تستطيع لكن يجب ان يكون معاك شريك لك قطري 51% له و 49% لك من رأس المال ..

الله يعافيك ع الرد

لكن الكلام هذا ساري ع الخليجي والعربي والاجنبي

او كلهم واحد لازم شريك قطري؟

[ابو رها]

شاكر مرورك ومشاركتك اخ شاهين

[بن غيث]

اذا بتفكر تشتغل بقطر
ركز على المشاريع الكبرى ولو من الباطن
ولا تنسى تسجل في المكتب الهندسي الخاص

[الخزرجي قطر]

مواطني دول مجلس التعاون الخليجي يحق لهم فتح سجل تجاري باسمائهم مباشرة بدون شريك من قطر
فتح سجل تجاري لابد من حصولك على بطاقه شخصيه قطريه وهذا يشترط الاقامه او ان تكون متردد بالزياره
اوتعمل في احدى الجهات العامه او الخاصه بكتاب يفيد ذلك. لابد ان تدرس السوق القطري من كافة جوانبه
صحيح ان الاسعار مرتفعه مقارنة مع دول الجوارلكن التكاليف عاليه جدا من ايجارات ورسوم واقامه علمت
بان هناك قانون يحق لك فتح فرع للمنشأه . ادخل موقع وزارة الاعمال والتجاره بقطر وسوف تجد التفاصيل عن
استفساراتك كلها ان شاءالله

[شموخ دائم]

,

,


مرحبا


اخوي الكريم

نصيحتي لك لا تفتح مقاولات في قطر نهائيا
الي تسمع عنه عن المشاريع له حسابات مختلفه

هو للشركات الكبيره المصنفه a

الشركات المتوسطه و الصغيره تتنافس في الاسعار فوق ما تتخيل وتعطي سعر التكلفه

ايجار السكن للعمال غالي جدا ولازم في المنطقه الصناعيه
ارخص ايجار بتلاقيه 15 الف للشهر عباره عن 4 غرف بالكثير

ارخص مكتب ايجار ما يقل عن 10 الاف في الشهر

اقامه العامل والبطاقه الشخصيه والصحيه ( 1200 ) ريال بالسنه للعامل الواحد


مصاريفك الشهريه راح تتعدى ال 60 الف ما بين ايجار ومابين رواتب
وهي شركه صغيره
بتوصل مصاريفك السنويه فوق ال 700 الف ريال
اذا ماعندك مشاريع فوق ال 15 او 20 مليون ريال سنويا
ما بتحصل ربح

وزاره العمل عندنا تفتيش مستمر على المكتب وعلى السكن
وكل يوم تفتيش على مكتبك هل هو مكتب صحيح وشغال او مكتب وهمي

لا تستطيع الدخول في المناقصات لها تصنيف ولها امور كثيره منها الضمان البنكي
اذا ما عندك مليون ريال لا تفكر تدخل مناقصات

واذا حبيت تاخذ شغل من الباطن ما يعطونك بسعر يربحك اما تاخذ بالتكلفه
ويادوب تطلع رواتب العمال او ما تحصل شغل

هذا غير عن الكهربائيه والبيب فيتر والعماله ( السايبه ) والرخيصه
كل 4 هنود ماخذين بيك اب قديم ومسوين لهم ( شله ) وياخذون شغل الباطن
من كهرباء ومن بيب فيتر ومن بلاستر ومن صبغ

وحتى شغل المقاولات وفلل بنك التنميه داخلين فيه


الوضع الي تشوفه بالجرايد ( وردي ) و الوضع ( في السوق ) كحلي
هههه


عموما اخوي
حياك الله في دوحه الجميع
والله يوفقك جرب الدنيا تجارب


,

,



اخوك


شموخ دائم

[ابو رها]

اذا بتفكر تشتغل بقطر
ركز على المشاريع الكبرى ولو من الباطن
ولا تنسى تسجل في المكتب الهندسي الخاص

هلا وغلا بن غيث

المشاريع الكبرى صعبه جدا تحتاج ملايين وتأمينات وامور اخرى
لكن ممكن من الباطن اذا ينظمن حقك


عموما انا الان ماسك 4 مشاريع واحتاج 6 شهور تقريباً لين انتهي

خلال الفتره هذي يلزمني اجي قطر واشوف بعيني ونقرر بعدها


شاكر مرورك ودعمك

تقبل تحياتي

[ابو رها]

مواطني دول مجلس التعاون الخليجي يحق لهم فتح سجل تجاري باسمائهم مباشرة بدون شريك من قطر
فتح سجل تجاري لابد من حصولك على بطاقه شخصيه قطريه وهذا يشترط الاقامه او ان تكون متردد بالزياره
اوتعمل في احدى الجهات العامه او الخاصه بكتاب يفيد ذلك. لابد ان تدرس السوق القطري من كافة جوانبه
صحيح ان الاسعار مرتفعه مقارنة مع دول الجوارلكن التكاليف عاليه جدا من ايجارات ورسوم واقامه علمت
بان هناك قانون يحق لك فتح فرع للمنشأه . ادخل موقع وزارة الاعمال والتجاره بقطر وسوف تجد التفاصيل عن
استفساراتك كلها ان شاءالله

ياهلا والله بالخزرجي

اشكرك ع التوضيح وابداء الرأي والتوجيه
ان شاءالله لنا جيه لقطر ونشوف ع الواقع

تقبل تحياتي