عاجل كارثه برامج يستخدمها الكثير للجوالات خطير جدا جدا

[MoHaMmEd114]

في برامج كثيرة تضر الشخص لكن قبل تحميل البرامج أقروا عنها خاصة التعليقات والفائدة منها

بخصوص هذا البرنامج الي يتكلم عنه أخونا الكريم

هذا برنامج يطلب منك عند التثبيت رفع ارقامك للموقع ونشره وسواء وافقت او لا راح يرفع وينشره بدون ما يخبرك

لذلك مانعينه من آبل أستور هذا الي يخص الأيفون

اما البلاك بيري والجلكسي والأفيون الي مكسورة حمايته ينزل بدون مشاكل

وكيوتل مسوية حضر لموقع البرنامج من زمان

اما فودافون لا

وليست مسؤولية الدولة تمنع البرامج الي من هالنوعية

لان في برامج اخس من ذي ماتدرون عنها ومسؤولية كل شخص لا يحمل الا البرامج الموثوق بها فقط

[aldeem1]

السلام عليكم

جزاك الله خير على التنبيه،، بس لاهي مسؤولية كيوتل ولا مسؤولية المجلس الاعلى للاتصالات..

هذي مسؤولية المستخدم نفسه، والانسان يكون فاهم وعارف شاللي بيصير لو قبل ان البرنامج
يسحب الموجود في الجهاز. اما اذا ما قرا المكتوب، وقبل الشروط هذا كنه خذ قرض من البنك
ووقع على العقد بدون ما يقراه ويقرا النسب والفوائد او الارباح، والقانون لا يحمي المغفلين...

وحتى لو يرفعون قضيه على الشركه، ما لهم اي حق، لانهم قبلوا شروط البرنامج "الواضحه"
ومافي اي لف ودوران في كلامهم.

وبعدين اذا جات على الارقام،، شركة ابل تاخذ نسخه من كل الصور ومقاطع الفيديو اللي في جوالك + كل المعلومات
اللي فيه من ارقام ورسايل وبرامج وحتى الكلمات السريه اللي حق الايميلات، وهذا الشي يصير
اذا شغلت خدمة iCloud و "قبلت شروطهم"، لانك اول ما تفتح الحساب بيعطونك شروط وكلام وايد
وانت في الاخير بتنزل اخر شي بدون ما تقرا وتضغط "Accept".


فنصيحه الى كل شخص، قبل ما توقع او تقبل اي شروط، من حقك انك تقرا كل سطر وكل كلمه مكتوبه
في العقد، وبعد تاخذ نسخه منها، واذا عجبك الكلام، وانت متاكد انك ماراح تغير رايك بعدين اقبل الشروط او وقع.

[Dana’1]

امس امس اخوي يقولي عالبرنامج يصول مشكلة هالبرامج يقول صديق لة يعلمة وجربة قدامي ! عادي اخوي عندة اي فون بس ما يستخدمة الا في البيت عالنت والا عادة على جوال نوكيا اخف وزن ولا حنة ولا شي هههه
مع السوالف قلت مستحيل هذي برامج ممكن تخرب بيوت في حال استغلت
فكيف شركة ابل تسممح بوجودها بالاستور وهي المفروض شركة تحترم الخصوصيات
قالي هذا الي حاصل
قلت عطني اسم البرنامج قال ما اعرفة بس هو اكيد موجود

بس بالمقابل الحين الاغلب منزل الواتس آب وكل الي باللستة عندة الواتس اب يظهر رقمك عندة
والحمدلله ما تصير اي ازعاجات! على الاقل بالنسبة لي

من كذا حسيت الناس تغيرت عن قبل وقامت تستوعب الاستخدام الصح لبعض لبرامج !

والله يكفينا والمسلمين شر هالبرامج آمين يارب العالمين

[bo_s3ood]

نمبر بوك وبن بوك وطختهم

والله يعينا منها

[كحيلان قطر]

وكيوتل مسوية حضر لموقع البرنامج من زمان

لاحضر ولا بطيخ توني داش على موقع البرنامج من البلاك بيري ونزلت البرنامج من رقمي كيوتل علماً بان تلفوني مافيه ولا رقم مخزن وتم تجربته والصراحة للاسف خطير

[عنزي قطر]

شكرا للجميع على المرور
البعض سألني على اتصلت بالمجلس الاعلى ردي عليهم سوف يكون بموضوع منفصل
وانتظروني
محبكم عنزي قطر

[عنزي قطر]

شكرا للجميع على المرور ولي عوده

[حميداني]

لاحضر ولا بطيخ توني داش على موقع البرنامج من البلاك بيري ونزلت البرنامج من رقمي كيوتل علماً بان تلفوني مافيه ولا رقم مخزن وتم تجربته والصراحة للاسف خطير

أتوقع هاي عشان خدمة البلاك بيري لانه في الايفون والجالاكسي ما يشتغلون الا ببروكسي
وفعلاً هالشي لازم يطرح على itc علشان تلعب دورها وتضغط على مزودين الاتصالات الرسميه عندنا في هالموضوع

[الزعفراني]

دورت ع البرنامج مالقيته .. حد عنده لنك لتحميل البرنامج ؟

[مناير]

جزاك الله خير على التنبيه