ماهي شروط فتح رخصة تجارية

[Chambray]

اسعى لفتح محل حلويات في الدوحة
فماهي المتطلبات لفتح الرخصة التجارية ؟؟ وماذا بعد الرخصة التجارية ؟

[bu shhab]

السلام عليكم

اخوي تروح وزارة الاقتصاد وتاخذ الطلب وتعبيه وتقدمه + المرفقات اللي يطلبونها

وبعد ما يطلع السجل ،،

تستاجر المحل وتاخذ العقد وتروح وتستخرج رخصه تجاريه من البلديه

وتكمل الاجراءات ،، من شهاده قيد منشأ لزوم استقدام العماله من الجوازات

والله يوفقك ان شاء الله

[Chambray]

تسلم اخوي على الافادة

بس اخوي شنو الاشتراطات الي يطلبونها وزارة الاقتصاد ؟ وهل في مبلغ مادي ادفعه ؟؟ وكم ؟؟

[23سلطان]

السلام عليكم

اخوي تروح وزارة الاقتصاد وتاخذ الطلب وتعبيه وتقدمه + المرفقات اللي يطلبونها

وبعد ما يطلع السجل ،،

تستاجر المحل وتاخذ العقد وتروح وتستخرج رخصه تجاريه من البلديه

وتكمل الاجراءات ،، من شهاده قيد منشأ لزوم استقدام العماله من الجوازات

والله يوفقك ان شاء الله

قبل سنتين فتحت محل

والمالية طلبوا مني عقد ايجار محل قبل اعطائي السجل (الا اذا تم تغيير السجل)

على العموم لفتح سجل تحتاج:

1. عقد ايجار محل.

2. صورة الجواز (اذا انت موظف فلن يتم اعطاءك سجل تجاري ولهذا تجد العشرات يسمون المحلات باسماء زوجاتهم واخواتهم)

3. تعبأة الطلب

4. تدفع رسوم للاشتراك بغرفة تجارة قطر

5. تدفع رسوم للمالية (سمعت انها اصبحت بالالاف بعد ان كانت 25 ريال)

وارجو ان تنتبه ان بعض السجلات لاتمنح مثل صالة افراح وشيشة ومغسلة ... الخ

ولكن اظن ان الحلويات مسموحة

وخذها نصيحة مني

ابتعد عن تجارة المحلات لانها خسرانه

المجمعات والسيتي سنتر والشركات الضخمة كلت الاخضر واليابس

والصغير ماله مكان بسوق الدوحة

وبالتوفيق

[سهم طايش]

لا تنسى البسبوسه يا الدبلوماسي للاعضاء

[Chambray]

سلطان .. ألف شكر لـــك
يعني احين لازم اشوف لي محل وأجره لمدة سنة .. وبعدين اتفرق حق الاشياء الثانية !! << والله عوار راس ..


سهم طايش .. ههههههههه حاضرين للطيبيــــن .. بسبوسة وسمبوسة تستاهلون يا اعضاء شبكة الاسهم القطرية

[Le7dan-Qatar]

الله يوفقك ان شاء الله