السلام عليكم ورحمة الله
في بالي فكرة محل حلويات (جوكليت - كيكات - تارت ...الخ
وعندي افكار كثيره من ناحية الانواع اللي حابه اقدمها في المحل وتعتبر جديده على سوقنا
مب بس صواني جوكليت وخلاص!
بس ابي اهل الخبره يفيدوني بالتالي:
1- كم راس مال المشروع؟
2- شنو احتاج بالضبط؟
3- اذا محتاجه شيف حلويات ومكاين ومواد خام .. شلون اقدر اوفرها؟
وشكرا مقدماا
السلام عليكم ورحمة الله وبركاته ،،
يصبحج بالخير اختي مساهمه والجميع ، وربي يوفقج ويزيدج من خيره
بخصوص اجراءات وإدارة محل الحلويات فكره رائعه وربي يوفقج
لكن أفضل شئ تسوين دراسه وتكونين عارفه وملمه بكل شئ والأحلى
تبدعين وتحطين افكار يديده .. حددي نوع الاشياء اللي تبينها من الحلويات
وطريقة العرض لان محل الحلويات نوعين حسب خبرتي
(عرض حلويات جاهزه من المصنع ) +
( تصنيع الحلويات نفس الكنافه ) والتصنيع راح تحتاجين معدات من الشركات
المحليه أو من خارج قطر والعمال والشيف اللي بيجهز هالحلويات بعد ما تسوين
الدراسه بعدد العمال والمعدات تحددين مكان المحل وإيجاره .
ربي يوفقج إختي وأي خدمه انا حاضر لج وللجميع .
أخوكم : رحال الدوحه
" اللَّهُمَّ اكْفِنِي بِحَلَالِكَ عَنْ حَرَامِكَ ، وَأَغْنِنِي بِفَضْلِكَ عَمَّنْ سِوَاكَ "
مرحبــا اخووي رحــال..
حاليا استقريت على فكرة اني استورد الجوكليت وابيعه اهني.. طبعا مع تغير التغليف وافكار الصواني التقليديه
وراسلت عدة مصانع ولقيت عروض طيبه ولله الحمد
بس حاليا المشكله في المحل ..انا ادور في شارع الغرافه ومالقيت محل مناسب
وبنفس الوقت جاري البحث على شخص يكون ملم بالجوكليت وتغليفه
والله يسهل
بالتوفيق انشاء الله
الفكرة حلوة ..
((اللهم اني أستودعك قلبي فلا تجعل فيه أحداغيرك وأستودعك لا اله الا الله فلقني اياها عند الموت وأستودعك نفسي فلا تجعلني أخطو خطوه الا في مرضاتك وأستودعك كل شيء رزقتني وأعطيتني فأحفظه لي من شر خلقك أجمعين وأغفرلي ولوالدي يا من لا تضيع عنده الودائع))
بالتوفيق أختي
تحياتي ..
بالتوفيق ان شاء الله
لا اله الا الله
ضوابط المشاركة
رد مع اقتباس