السلام عليكم
اخوكم عليمي وغشيم في هالسوالف اليوم كلمني شخص عربي مقيم في قطر من 9 شهور اعرفه عن طريق شخص تربطني به معرفة جيدة المهم هو مهندس مادري مقاول في شركة بناء فلل وبيوت والخ وقالي يبيني ادخل شريك معاهم لأنه القطري بيطلع من الشركة
يقولي الشركة سجلها نظيف ومافي اي مشاكل واحنا بنسجل اسمك وخلاص
ابي حد يشور علي ويفهمني وايش الشروط الواجب توفرها
*
اخوي وحيد شيك عالشركة من كل النواحي خصوصا القروض واهم شي اتكون مخول التوقيع حتى ماتدخل في متاهات وربي يكتبلك الي فيه الخير
ولو ماحبيت تشاركهم ياريت تعطيني خبر لاني ادور شراكة في شركة مقاولات وبناء بالتوفيق للجميع
لا اله الا الله
اخوي الله يرزقك من اوسع ابوابه
في الاول كم عدد العمال المسجلين على السجل ترى معظم الشركات عندهم عماله سائبه
شيك على رواتب الموظفين هل يستلموها في الوقت المحدد
لوقدرت تجتمع مع العمال ولو من بعيد وتسألهم عن حال الشركه والمعامله
موقع الشركه + الايجار + سكن العمال + المعدات الموجوده
تصنيف الشركه كم+ المشاكل الي مرت بها الشركه + كم عمر الشركه
سبب ترك الكفيل للشركه ( لوفيها خير ماعافها الطير ) اكيد فيها وجعت راس
المردود المادي لك كم 100% من نسبة الشغل
هل توجد مشاكل امنيه للشركه مثل شكوى العمال شكوى العملاء
تاريخ الشركه من الانجازات واكبر صفقه كم كان سعرها وكم مشروع تم تنفيذه خلال 2011
هل يوجد حساب للشركه في البنوك + هل الشركه اخذت اي نوع من انواع القروض
هل الشركة تشتغل من الباطن اوتعطي الشغل لشركه اخرى بالباطن
هل مطلوب منك دفع اي مبلغ من المال
انت لخص كل الي كتبته اسألهم ورد علي لان هناك نصائح منى ومن الاخوان
التعديل الأخير تم بواسطة النهار ; 01-04-2012 الساعة 02:05 AM
( حسنات عظيمة إن شاء الله فى أربع كلمات )
سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَاتِهِ
عَنْ أَبِى هُرَيْرَةَ قَالَ قَالَ رَسُولُ اللَّهِ - صلى الله عليه وسلم - « كَلِمَتَانِ خَفِيفَتَانِ عَلَى اللِّسَانِ ، ثَقِيلَتَانِ فِى الْمِيزَانِ ، حَبِيبَتَانِ إِلَى الرَّحْمَنِ سُبْحَانَ اللَّهِ وَبِحَمْدِهِ ، سُبْحَانَ اللَّهِ الْعَظِيمِ
موفق انشاءاللهالمشاركة الأصلية كتبت بواسطة النهار
التعديل الأخير تم بواسطة النهار ; 01-04-2012 الساعة 02:13 AM
( حسنات عظيمة إن شاء الله فى أربع كلمات )
سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَاتِهِ
عَنْ أَبِى هُرَيْرَةَ قَالَ قَالَ رَسُولُ اللَّهِ - صلى الله عليه وسلم - « كَلِمَتَانِ خَفِيفَتَانِ عَلَى اللِّسَانِ ، ثَقِيلَتَانِ فِى الْمِيزَانِ ، حَبِيبَتَانِ إِلَى الرَّحْمَنِ سُبْحَانَ اللَّهِ وَبِحَمْدِهِ ، سُبْحَانَ اللَّهِ الْعَظِيمِ
هلا ويجمل كل اوقاتكم جميعاً
وفيتوا وكفيتوا يالربع .. ربي يوفقك اخوي
النهار والجميع
اسأل اخوي وخلك حريص
" لا خاب من استخار واستشار "
" اللَّهُمَّ اكْفِنِي بِحَلَالِكَ عَنْ حَرَامِكَ ، وَأَغْنِنِي بِفَضْلِكَ عَمَّنْ سِوَاكَ "
و ازيد على الاخوان
شوف المشاريع الي ماسكتها الشركه خسرانه او عليها تاخيرات
و نصيحة اخ لاخوة لاتسلمه شي كلش
حتى عمل العقود و طلبات الشركه مثل الحديد و الخرسانه
كل شي انت ومع ذك بعد بصير تلاعب
بس شي اقل من شي
و البزنز مافيه مجاملات ولا يقطونه بالشيمه
حرص مب عيب
وعلى قولت احد رجال اعمال
اكتب العقود و اضمن حقك كنه بيبوقك
ما اختارك الا لانك عليمي بهالامورعشان ماتعور له راسه
طبعاً فيها مغامرة ومخاطرة انك تدخل حتى لو بالاسم .. شيك على الشركة بالكامل من كل النواحي ( وحتى لو شيكت بما انك ماتعرف عدل في امور المقاولات صعب تكتشف شي شوف لك حد فاهم بالسوق يقدر يساعدك اكثر)
موفق
اعطي الخبز ل خبازه وكل محامي لفحص جميع مستندات الشركة و لكتابة العقود و توضيح ما لك وما عليك
لو مشروع غير المقاولات جان قلت لك اوكي
بس المقاولات مشاكلها كثيره ولاتقدر تراقبها وفيها متاهات وايد والتزاماتها لماليه كبيره
وممكن بعد فتره وانت ماتدري تلاقي الشركة مديونه لعده اماكن مثل شركات الردي مكس وشركات الطابوق
والحديد ومشاريع خسرانه وكلها بطيح على راسك لانك قطري والمسئول امام القانون عن الشركه
اما الاجنبي ماعليه اي مسئوليه وبيطلع منها بسهوله واقصى شي بينسجن جم يوم وبيتسفر
اذا جذي خلنا بعيد احسن انا وين وهالسوالف وين
جزاكم الله خير وماقصرتوا يا اخوان
الف شكر لكم
ضوابط المشاركة
رد مع اقتباس
