إنت فاهمها بس تبيني أقولها .. وصحيح زين ذكرتني بها والله هي شيء مهم وفي صميم هذا الموضوع وما شاء الله من طلعت والكل يتبعها في التصميم إلا القليل.المشاركة الأصلية كتبت بواسطة بن غيث
هذي القاعدة تقول إن مثلث الثلاجة والفرن والمغسلة لازم يكون خالي من أي عوائق وبسهولة يتحرك فيه من يقوم بالطبخ .. وطلعت قاعدة بعد تربط أطوال أضلاع هذا المثلث وبمسافات بسيطة ما تستوعبها مطابخنا الكبيرة اللي نحصل الفرن في صوب والثلاجات يمكن في مخزن بعيد ومستقل والمغسلة في طرف ثاني بعيد.
ما اتذكر الأطوال بالضبط بس أعتقد بين المغسلة والفرن متر ونص والثلاجة والفرن مترين، وطلعت نظرية ترتيب الجزيرة والباقي وطلعت أخيراً حسب معرفتي نظرية صف هالثلاث تجهيزات في صف واحد وبحيث يكون الفرن أول وبعده بمسافة خطوتين المغسلة بس بشرط إمكانية صب الماء المفلتر من حنفية تتحرك وتصب في الجدر وهو على النار، وذلك لتفادي السقوط أو حمل الجدر وهو ثقيل .. وبعدهم تجي الثلاجة بمسافة تبعد نص متر عن المغسلة.
هل لاحظت إخوي بن غيث تصميم عيادة الأسنان؟
هذي تعتمد تقريباً نفس المبدأ، فكل شيء تحصله قريب من الطبيب وبسهولة يتحرك بكرسيه حول المريض ويوصل لكل شيء يبغي حتى لو ما معاه حد يساعده.
|
رد مع اقتباس
