ضمان سيارات عبد الغني

[الشلهوب]

يااخون اذا سافرت بالسيارة وهناك في البلد المسافر لها غيرت ايل وفلتر وسفايف اواي شى مثلا اخترب عندي هل هذا يلغي الضمان عند شركة تويوتا عبد الغني بالدوحة لان عنهم مسجل كل شي اغيرة حتى تغير الايل

[بوجاسم566]

اصلن من متى عبدالغني يعطي ضمان

[fahad1]

اي ضمان كله نهب وبوق لا ضمان ولا شي

[ww1000000]

الله يهديك مصدق ضمانهم

[وحيد-الشوق]

هههههههههههههه والله الاخوان معاهم حق

[قرنقووش]

الضمان قير ومكينه والاخطاء المصنعية مثل عمود الشفت فالموديلات الجديده
لو تبي الضمان يستمر معاك لازم على الاقل كل ١٠,٠٠٠ تجيك الموتر عندهم وهذا موجود حتى في باقي الوكالات

اكيد السيرفس مب نفس بي ام .. لكن على قده يعني والمفروض نحصل خدمه افضل على الاسعار العاليه هذي
وفي كل الاحوال الضمان مايشمل السفايف ولا الاشيا الاستهلاكيه .. فقط اللي ذكرتهم فوق
والله يعينك لو بتجيكه في السعودية مثلا او الامارات بيطلعلك ارخص من الدوحه
تجييك ١٥٠,٠٠٠ افكر اسويه في دبي .. فالدوحه قالوا لي في حدود ٧٠٠٠ ريال

[الشلهوب]

شكرا للاخوان الي ردوا

[الشلهوب]

الضمان قير ومكينه والاخطاء المصنعية مثل عمود الشفت فالموديلات الجديده
لو تبي الضمان يستمر معاك لازم على الاقل كل ١٠,٠٠٠ تجيك الموتر عندهم وهذا موجود حتى في باقي الوكالات

اكيد السيرفس مب نفس بي ام .. لكن على قده يعني والمفروض نحصل خدمه افضل على الاسعار العاليه هذي
وفي كل الاحوال الضمان مايشمل السفايف ولا الاشيا الاستهلاكيه .. فقط اللي ذكرتهم فوق
والله يعينك لو بتجيكه في السعودية مثلا او الامارات بيطلعلك ارخص من الدوحه
تجييك ١٥٠,٠٠٠ افكر اسويه في دبي .. فالدوحه قالوا لي في حدود ٧٠٠٠ ريال

جزاك الله خير على ردك حسب كلامك اذا ابي الضمان يجب عمل تشيك كل 10 الاف والتشيك من ضمنة تغير الزيت لو مثلا وانا مسافر طافت 10الاف و غيرت الزيت ممكن يلغي الضمان علي المكينة والغيروجزاك الله خير

[sout qatar]

جزاك الله خير على ردك حسب كلامك اذا ابي الضمان يجب عمل تشيك كل 10 الاف والتشيك من ضمنة تغير الزيت لو مثلا وانا مسافر طافت 10الاف و غيرت الزيت ممكن يلغي الضمان علي المكينة والغيروجزاك الله خير

اخوي الحل انك تغيير الزيت فالوكاله حتى لو ماوصلت ال 10 الاف وفك عمرك

[جوال 11]

خلك من ضمان تويوتا في الدوحة كلام فاضي أنت تصرف على السيارة أكثر من الضمان والضمان في الأخير تصليح وهم يقولون عملنا فحص للسيارة وهذا كذب في كتيب السيارة جدول يشرح لك كل مل تستخدم السيارة تغير بعض الأشياء ويأخذون على هذا الفحص الوهمي 850 ريال، أخذت gxr2010 في الشتاء ولم أستخدم المكيف وبعد فترة أرسلت السيارة لتغير الزيت والفلتر واذا بالموظف يقول لازم نغير فلتر المكيف وأنا لم أستخدم المكيف وقدمت شكوى لحماية المستهلك كتابة الموظف الذي أستلم الشكوى ذكر لي بأن تنازل عن الشكوى رديت عليه هل يعطونك شئ الشركة؟ قال لا ، ثم توالت الأتصالات من حماية المستهلك لطلب التنازل فلم أتنازل .
واتصل على مسؤل علاقات العملاء في تويوتا وقلت له لا أعلم بنضمان الضمان عندكم فرد بكل قبح في اليابان القانون يقول اذا وضع أسم الشخص على كتاب الضمان يكون ملزم به ، ذكرت له هنا دولة قطر ولها قوانينها وأنا في معرض تويوتا قالوا وين فلوسك .
حاميها حراميها .