السلام عليكم ورحمه الله وبركاته
بغيتكم تساعدوني ابغي اشتري ادوات الرش والمبيدات الحشرية بنفسي بس ابي اخذهم من مكان ثقة علشان ارش
|
مساعدتكم اخواني
السلام عليكم ورحمه الله وبركاته
بغيتكم تساعدوني ابغي اشتري ادوات الرش والمبيدات الحشرية بنفسي بس ابي اخذهم من مكان ثقة علشان ارش
وليش تشتري وتوهق نفسك في حفظ المبيدات الحشرية
فقط اتصل على البلدية وهم بيجون يرشون لك
ووفر ميزانيتك
كلامك صحيح أخوي السد
رش البلدية ممتاز عن تجربة
انا اقصد ابي اخذ قطع صغيرة للحشرات اوزعها حولين البيت من بره خصوصا جنبي محطة كهرب وتطلع منها بلاوي وكل 3 شهور يجون البلدية ويرشون ومافيه فايدة قلت باخذ منتجات اتكون اصلية
فيه محل في سوق الخميس والجمعه
اخر بلوك من جنوب محل زراعي
ذكرت شيء مهم إخويالمشاركة الأصلية كتبت بواسطة المرونة
اللي هو محطات الكهرب الفرعية، فهذي بنيانها بيئة مثالية للحشرات والقوارض، وبعض الناس قليلين الوعي يرمون مخلفات طعام هناك،، يعني المشكلة من جهتين، جهة التصميم اللي فيه فتحات كثيرة لدخول الحشرات، وجهة الناس اللي منهم من يضر نفسه بنفسه،،،
ذكرتني بمشكلة راسلت البلدية بسببها وما قصروا في جزئية وقصروا في الحل الكامل.. فوراء بيتي توجد قطعة أرض بعرض مترين ونص أو 3 أمتار ومحاطة بالجدران من أربع جهات وهذي قطعة فاصلة بين أرض حكومية وأراضي مبنية ومسكونة الحين، والمشكلة هذي الارض استوت مكب نفايات وطلعت فيها قوارض وتم القضاء على القوارض طبيعياً بواسطة ثعابين، وأنواع الله لا يراوي مسلم منها من الثعابين،، صدقوني تتسلق الحايط وتدخل البيت في الحوش وما صدقت كنت متعجب من وين تدخل الا بعد مشاهدتي برنامج عنها.
هل وصلت بنا الحال إلى أن يكون مصممي هذه المباني قليلي الخبرة لهذه الدرجة؟ وهل لا توجد حلول جذرية لهذه المشاكل؟
حبيت أضيف إن طول قطعة الأرض الفاصلة يوصل قريب من 400 متر وتسرح وتمرح فيها القوارض والحشرات
الأخ معماري
نزل موقع baladiya على الأيفون
وإرسل صورة لمكان الثعابين
أي ممتاز يا اخوي جرب رشهم وجرب شركة خاصة،، هم يجون بدون نفس ويرشون من فوق لفوق ولكن الشركة الخاصة ترش المنهولات بعد ما تفتحها وترش كل مكان ويقولون لك 6 شهور ضمان وهم ضامنين قوة مبيداتهم.
ما قصروا يا اخوي جاو وسووا الواجب المقدور عليه وحتى هم صوروا، بس جذور المشكلة باقية اللي هي هذي الأرض اللي حتى لو حد يبي يسوي جريمة بسهولة يتسلل ورا حول عشر بيوت أو أكثر من ضمنهم مجمع، إنت متخثيل الوضع؟ أرض فاصلة بين بيوت وبين أرض حكومية ومسوينها مثل داعوس ورا البيوت طوله فوق 400 متر وعرضه قريب مترين ونص يعني حتى الشيول قالوا صعب يدخلها علشان يشيل الكشره وبقايا البنيان، والناس ما يقصرون كلٍ يقط فيها كشره.
تكرمون على كلمة تشمئز منها نفوسكم، وسلامتكم.
ضوابط المشاركة
رد مع اقتباس