الفني الهندي في راديو بشير بياخذ ربح 150%

[khaldoon]

السلام عليكم و رحمة الله و بركاته

امس رحت راديو بشير من اجل شراء كل ما يلزم لعمل دائرة كهربائيه بسيطه من اجل نشاط العلوم لابنتي و هي كما يلي:

لمبة صغيره جدا
حامل للمبة
حامل بطاريتين aa
بطاريتين aa
مفتاح on/off
3 اسلاك صغيره جدا لتربط بين حامل البطارية و المفتاح و حامل اللمبة

قيمة هذه الادوات هي 32 ريال كاملة مع التركيب مع العلم انه السنه الماضية شريتها ب 25 ريال من نفس المحل ..

المهم لما رحت المحل امس قالولي روح عند الفني (هندي الجنسيه) اللي ممكن يسويلك هذه الدائرة الكهربائيه

قالي اسويلك اياها ب 80 ريال....تخيلوا 80 ريال....قلت له انت متأكد من الرقم ....قالي نعم 80 مب 18 ...و بالصدفه كان في مواطنه جاءت بنفس اللحظه تطلب نفس الطلب....

الفني الهندي راح جمع الادوات المذكوره بالاعلى من المحل بس بدون اسلاك...لانه عنده اسلاك وايد بالمحل خلال التصليح و قالي انه هو اشتراها من المحل الحين علشان يركبها لهذه المواطنه على لوح خشب صغير جدا شفته امامي لا يتعدى 20سم * 20 سم
و يحصل منها على مبلغ 80 ريال.....

رحت جبت زميله الهندي اللي بيعمل بالمحل و وظيفته انه يعطيك اللي تبيه بس مب فني علشان اخليه يشوف الادوات نفسها و يعطيني اياها علشان اشتريها فقام الفني الهندي بتغطيتها و قعد يخبيها....اقوله بس ابي زميلك يشوفها ما ابي شي ثاني

قالي: ...no mony...no information!!!!

الهندي اللي وظيفته انه يبيع بس قالي خلاص عرفت اللي تبيه و قام جابهم كلهم و ركبهم مع بعض بس مب على لوح خشب و اعطاني اياهم بسعر 32 ريال فقط

يعني خلنا نمشي معاه و نقول هو ما دفع اصلا 32 ريال بحكم انه ما اشترى ال 3 اسلاك حق القطع و ثبت الدائرة الكهربائيه ب 48 ريال ...يعني ربح اكثر من 150% من الزبونه

يعني قيمة تثبيت هذه الادوات و ليس تركيبها كلف المواطنه اللي سبقتني 48 ريال...بينما الادوات نفسها تركيبها بدون ما تتثبت على لوح خشب صغير يكلف بس 32 ريال

رحت البيت و ثبتتها بنفسي على لوح بلاستيك ببلاش و كلفتني بس 32 ريال

شايفين اشلون يحصل دخل اضافي هذا الفني الهندي اللي بيعمل في راديو بشير!!


الموضوع متروك لتعليقكم و اتمنى فعلا انه احد يقدر يعاقب هذا الفني اللي براديو بشير

[البحار00]

والله اغلب شغل الكهربا اسويه بروحي في البيت

بدون فني ولاهم يحزنون

حتي شغل البايفيتر أنا اشتغله في البيت


لأني تعبت من مذلة الهنود ونصبهم

[دااانة قطر]

كح كح كح
هذا لين الحين حي وبنفس المكااان؟؟

[fahad ..gh]

كح كح كح
هذا لين الحين حي وبنفس المكااان؟؟

هههههه..

لين بكره..

[محمد الجفيري]

لا حول الله .

[khaldoon]

والله اغلب شغل الكهربا اسويه بروحي في البيت

بدون فني ولاهم يحزنون

حتي شغل البايفيتر أنا اشتغله في البيت


لأني تعبت من مذلة الهنود ونصبهم

والله انك صادق و متفق معاك تماما....فعلا نصابين و يستغلونا ابشع استغلال

الله لا يسامحهم

[khaldoon]

كح كح كح
هذا لين الحين حي وبنفس المكااان؟؟

ممكن يشيلوا المنطقه كلها بس هو بيظل موجود ما بتغير مكانه ... الله على اللي يستغلون الناس

[khaldoon]

هههههه..

لين بكره..

ان شاء الله يجي دوره مثل ما جاء دور غيره....حد كان يصدق انه مطعم بيروت بيغير مكانه ......... ولا يفتح فرعين بعد....ما سواها في 30 سنة اللي قبل

[khaldoon]

لا حول الله .

الحمد لله على كل حال......الله لا يبارك لكل من يستهبل و يستغل الناس و يسرقهم

[رذاذ]

هدف التجربة التعليم . ومحاوله الطالب بمساعده احد من البيت في التركيب
مب اعطية 80 واكتب عن الهندي ربحه 150% او ابين انه مستغل الناس.. (( طبيعي مهارته وشغله ولازم يستفيد))

حاول تعتمد ع نفسك بانهاء الامور مب الاعتماد ع شخص متعلم وفاهم . ومب خطأ لو فشلت مره مرتين ثلاث .

تقبل راي بصدر رحب .

عن نفسي تمديدات الليتات داير ما يدور البيت انا مسويها .. لو اخترب شي عني بالبيت انا اصلحة خاصة لو ولف ولا بيب ماي ولا برشر