البيبات الداخليه للحمام كلها ppr
لكن الخارجية لحين ماركبها المقاول
لكن افكر اركب نحاس في الخارجية
احس مع الشمس مب شئ ال ppr
ايش رايكم؟؟
|
البيبات الداخليه للحمام كلها ppr
لكن الخارجية لحين ماركبها المقاول
لكن افكر اركب نحاس في الخارجية
احس مع الشمس مب شئ ال ppr
ايش رايكم؟؟
أشهد ان لا إله إلا الله محمد رسول الله
سبحان الله وبحمده سبحان الله العظيم عدد خلقه ورضاء نفسه وزنة عرشه ومداد كلماته
انا سمعت عن طريقه تخلي ppr مايتاثر بالشمس والحر
وهي الماده اللى يستخدمونها حق بيبات المكيفات السبلت
تنلف على البيبات وتنحط عليها ماده مثل الجبس .
لحد الان مالقيت احد وانا مادورت بجد .
وخلنا انشوف الشباب يمكن احد يدلنا عليها .
وبالتوفيق ان شاء الله
اظم استفساري معاك وننتظر الاجابة
البي بي ار كم عمرها اللحين هل مر على بيوت قطر سنين كافيه لمعرفه جودتها واستحمالها لحرارة الماء على المدى الطويل 10 او 15 او حتى 20 سنه
لان الموضوع فيه تكسير
تصدق امس بس اكلم المهندس عن هالنقطة ، وقالي انه بيسوي طريقة زي الحاجز عشان ماتتاثر البيبات بالشمس ، اما بالنسبة لتحملها للماي الحار فهالشي عطاني عليه ضمان 30 سنة على قولتهالمشاركة الأصلية كتبت بواسطة moyen orient
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
ppr
ما عليه كلام
وفي شركة معتمدة
aquatherm وهي شركة المانية لصناعة بايبات ال PPR تاسست في سنة 1973م اي من قبل 39 سنة
وانا بنفسي تاكدت من وكيلها في دولة قطر
وهذا الرابط يبين عناوين موزعي هذه الشركة في دول العالم
http://www.aquatherm-pipesystems.com....php?id=51&L=2
واي واحد يبي ياخذ البايب PPR يشوف اسم الشركة المصنعة على البايب الاخضر ووكيلها ويوم التصنيع وساعة التصنيع مطبوع على البايب
يعني الخلاصة
اخذ وانت مطمئن
بيبات النحاس لايعلو عليها سواء في الداخل والخارج وبالخارج افضل بيبات النحاس تتقبل الحراره والرطوبه والشمس والتكسير وكل العوامل الجويه
مشكلة النحاس يا اخوي الموجود في السوق أغلبه صناعة إعادة تدوير، وفيه خليط من مواد مثل الحديد تسبب صدأ وتآكل، وانا مركب نحاس وسويت دراسة قبل ووثقت في النحاس والحمد لله للحين عندي زين عدا مشكلة بسيطة وإنحلت اللي هي شوية ثقوب صغيرة جداً سربت ماي، والحين أشوف هذي المادة وإنتاج ألماني جيد وأحس انها مصنوعة لتدوم، حتى سمعت بضمان 30 سنة وأكثر، وحسب ما سمعت إنه من مادة مقاومة لأشعة الشمس، لكن العازل بيكون ضروري مع جهاز تحريك وتدوير الماي للشتاء والصيف حتى ما يجيك مثلاً ماي بارد قبل أو ماي حار قبل حسب الموسم، وجهاز التدوير ذيه لازم يكون للبارد والحار، مثلاً في الصيف هالأيام أول ما تشغل الماي مع وجود مبرد فوق للماي يجيك الماي حار " يشلوط " .. وبعملية تدوير الماي مثل الفنادق يجيك الماي بارد أول ما تفتح الحنفية.
وبعدين ما ندري وين دور حماية المستهلك من بايبات النحاس الخفيفة والمصنعة بخليط مواد تهتريء بسرعة، أو بالأحرى وين مختبرات المواد؟
الـ ppr يعيش برع وداخل لكن النحاس هو افضل منه سواء داخل او برع ..
طبعاً غالباً يتم تركيب الـppr داخل و النحاس خارج
لان استحماله اكثر من ppr ...
قبل الكل يركب نحاس داخل وبرع لكن مكلف جداً
بس اذا تبي من احسن طبعاً النحاس احسن
بس الـ ppr يعيش بعد برع خصوصاً الالماني الازرق
بالتوفيق
طبعا النحاس
وفي ناس توفر وتركب ppr
الالماني ( صيني المنشأ )
كل واحد وامكانياته
السلام عليكم
لو كان النحاس الموجود حاليا نفس اللي ركبوها شيبانا فالتسعينات
ف انا اقولك ركب نحاس طبعا
لكن فالوقت الحالي النحاس ردي بالقو
كفايه من سنتين قب الزواج كنت اركب فالملحق واسوي صيانة وغيره النحاس السابق وركبت نحاس جديد
والله لا يوريك
ركب بي بي ار وريح راسك ابرك
والنحاس اذا نوعيته مب زينه مايستحمل البريشر
ضوابط المشاركة
رد مع اقتباس