أيهما أفضل : سبوت لايت بمحول ولا بدون محول ؟؟ (تجاربكم)

[فويرط]

الامر غريب عندك اخوي العزيز .. حاول تشوفلك كهربائي يخاف ربه و خليه يشيك على وايرات البيت و يجوز عندك خلل في مكان ،، و تأكد قبل كل شي بأن الواير الابيض اللي طالع من السقف مهب صناعه هنديه لان كثير من الناس ينغشون في هالشي ،،




الترانسفورمر اللي اقصده هو اللي بالنص و شوف الفرق بين واير الاصلي اللي سماكته (1mm) و الواير التقليد بو (0.5mm)

مرحبا اخوي اوريو

شحالك ؟؟

طولنا عليك .... من زمان ما سئلناك .....

اليوم مريت بروة وخذيت فريم سبوت لايت ... عاد معاه هولدر مال ليت السبوت لايت

الفريم اللي خذته مكتوب عليه ( صناعة ايطالية ) عاد مايندر يمكن صيني !!!

المهم شفت الواير اللي ورا الهولدر مكتوب عليه 0.75 ملم

رحت محل ثاني وقلت له عندك هولدر سبوت لايت ... قال عندي ... عاد جاب لي واحد وشفته طلع 0.50 ملم !!!! ..... قلت اللي جاي مع الفريم أحسن منه ....

أمس سئلت الكهربائي وقلت ابي ابدل هولدر اللمبة ..... عاد نصحني بهولدر اسمه ( هيتر بروف ) ...

قلت حق راعي المحل عطني هيتر بروف ... جاب لي واحد بس مب مكتوب عليه كم مقاس الواير ... لان الواير عليه طبقه من حديد تقريبا ... يعني انسى يحتر الواير .... عاد قارنته بسماكه الواير اللي عندي طلع مقارب له يعني تقريباً 0.75 ملم .....

أيش رايك في الهولدر اللي وراه واير هيتر بروف ؟؟؟

وهل مقاس الواير 0.75 ملم ، زين ؟؟؟

وهل يوجد في السوق هولدر وراه واير 1 ملم ؟؟؟؟


وجزيت خيراً

[OREO]

مرحبا اخوي اوريو

شحالك ؟؟

طولنا عليك .... من زمان ما سئلناك .....

اليوم مريت بروة وخذيت فريم سبوت لايت ... عاد معاه هولدر مال ليت السبوت لايت

الفريم اللي خذته مكتوب عليه ( صناعة ايطالية ) عاد مايندر يمكن صيني !!!

المهم شفت الواير اللي ورا الهولدر مكتوب عليه 0.75 ملم

رحت محل ثاني وقلت له عندك هولدر سبوت لايت ... قال عندي ... عاد جاب لي واحد وشفته طلع 0.50 ملم !!!! ..... قلت اللي جاي مع الفريم أحسن منه ....

أمس سئلت الكهربائي وقلت ابي ابدل هولدر اللمبة ..... عاد نصحني بهولدر اسمه ( هيتر بروف ) ...

قلت حق راعي المحل عطني هيتر بروف ... جاب لي واحد بس مب مكتوب عليه كم مقاس الواير ... لان الواير عليه طبقه من حديد تقريبا ... يعني انسى يحتر الواير .... عاد قارنته بسماكه الواير اللي عندي طلع مقارب له يعني تقريباً 0.75 ملم .....

أيش رايك في الهولدر اللي وراه واير هيتر بروف ؟؟؟

وهل مقاس الواير 0.75 ملم ، زين ؟؟؟

وهل يوجد في السوق هولدر وراه واير 1 ملم ؟؟؟؟


وجزيت خيراً

مراحب اخوي فويرط ،، السموحه ع التأخير و توني اشوف الموضوع ،،

الهولدر اهم شي يكون اسمك من المعتاد اللي هو 0.5 و اذا جاك 0.75 خير و ابركه و في محل عنده 1.0 اللي هو المشاعل و مادري من عنده غير هذا المحل و اللي يعرف يذكرلنا و خلينا نستفيد ،،

لكن لزيادة التأكيد ،، روح شيك الواير اللي عندك باللي عندهم وشوف فعلا نفس السماكه و الا لا و الخ ،، اذا شفت بأن الواير بنفس الجوده و السماكه فالوايرات اللي جايه مع الهولدرات اللي عندك كفايه ،، لان اوقات بعض المصانع الصينيه تحط لك اسوء انواع الهولدرات و الخ ،، فذا عشان تتأكد ان فعلا هولدرك ما عليه كلام شيك عليه ،، و المحل اللي دوم اخذ منه هو المشاعل في بروه او اسمه شركة المشاعل او شي جذي ،، اهم شي ان المشاعل

[فويرط]

مراحب اخوي فويرط ،، السموحه ع التأخير و توني اشوف الموضوع ،،

الهولدر اهم شي يكون اسمك من المعتاد اللي هو 0.5 و اذا جاك 0.75 خير و ابركه و في محل عنده 1.0 اللي هو المشاعل و مادري من عنده غير هذا المحل و اللي يعرف يذكرلنا و خلينا نستفيد ،،

لكن لزيادة التأكيد ،، روح شيك الواير اللي عندك باللي عندهم وشوف فعلا نفس السماكه و الا لا و الخ ،، اذا شفت بأن الواير بنفس الجوده و السماكه فالوايرات اللي جايه مع الهولدرات اللي عندك كفايه ،، لان اوقات بعض المصانع الصينيه تحط لك اسوء انواع الهولدرات و الخ ،، فذا عشان تتأكد ان فعلا هولدرك ما عليه كلام شيك عليه ،، و المحل اللي دوم اخذ منه هو المشاعل في بروه او اسمه شركة المشاعل او شي جذي ،، اهم شي ان المشاعل

مرحبا
اليوم الساعة 4 العصر كنت في بروة

بس للأسف مامريت محل المشاعل ،، في محل في الزاوية صوب المشاعل شريت منه هولدرات
(هيتر بروف) يقول 1.0 بس انا اشوفها نفس اللي عندي ،، واللي عندي 0.75 ، قالي الواحد 4 ريالات ، وانا شريت منه كميه طلعلي الواحد 3 ريالات ، هذيه الواير عازل ومايصير حار ... عاد خذيتهم وإن شاء الله باركبهم ،، وباسئل الكهرباء عندي هل سمك الهولدرين نفس الشي ولا الهيتر بروف اسمك ؟؟

وبخصوص اللمبات ،،، شريت كل لمبات البيت اللمبة اللي فيها قزاز .... قلت علشان نقلل من حرارة الاسبوت لايت ،،، ومثل ما قلت اللي بدون قزاز 3 ريالات واللي بقزاز 4.5 ريالات ( نوع اللمبة/ اوسرام الماني )

ولي زيارة بعد لمحل مشاعل في أقرب وقت علشان اقارن سماكة الوايرات اللي عندي باللي عنده

وان شاء الله أوافيكم بكل ما يستجد في الموضوع

جزاك الله الف خير اخوي اوريو وماقصرت

واللي عندي سؤال يتفضل

[فويرط]

مرحبا اخوي اوريو

انا مره سئلتك وقلت لك

بخصوص السبوت لايت ... اي أحسن ،،، اللمبة اللي فيها قزاز ولا بدون ؟؟؟


قلت لي /

القزاز و البدون على حسب المصنع ،،


انا اخترت لمبة اوسرام الالمانية
اي احسن اللي فيها قزاز من تحت ولا بدون ؟؟؟

[OREO]

مرحبا اخوي اوريو

انا مره سئلتك وقلت لك

بخصوص السبوت لايت ... اي أحسن ،،، اللمبة اللي فيها قزاز ولا بدون ؟؟؟


قلت لي /

القزاز و البدون على حسب المصنع ،،


انا اخترت لمبة اوسرام الالمانية
اي احسن اللي فيها قزاز من تحت ولا بدون ؟؟؟

تفرق في مكان واحد بس اخوي فويرط ،،

اذا انت مركب اسبوتات في الحمام الله يعزك ،، فعليك بالقزاز ،، لان القزاز يحمي الاسبوت من البخار و هذا هو الغرض من القزاز ،،

اما اذا بغيت للاماكن الثانيه ،، ماتفرق بدون او مع ،،، لكن تذكر بأن بوقزاز اغلى من العادي ،،


و قبل قلت لك ما تفرق لان حسب علمي تبيهم للصاله و الغرف و الخ .. اما اذا بغيت للحمامات فعليك بالقزاز ،،


موفق ان شاءالله و منتظر اشوف ايش صار معاك مع الواير

[almaf1a]

لا اعرف ان كان الموضوع الي صار لنا يخص الموضوع هذا او لا
السبوت لايت القديم كان اصفر والمحول خارجي
بغينا نحوله الى اللمبه البيضه
الي حصلناه بالسوق السبوت لايت الابيض الي بدون محول
النوع الي خذناه ب13 ريال بعد فصل جميع المحولات وتركيب اللمبات البيضه
قاموا يحترقون في نفس اليوم وبعضهم اليوم الثاني
اتوقع اللمبات الي بدون محول المتوفره في السوق ليست بالجودة الممتازه
لهذا لا انصح بتركيب السبوت لايت الي بدون محول او الي محوله في اللمبه

[OREO]

لا اعرف ان كان الموضوع الي صار لنا يخص الموضوع هذا او لا
السبوت لايت القديم كان اصفر والمحول خارجي
بغينا نحوله الى اللمبه البيضه
الي حصلناه بالسوق السبوت لايت الابيض الي بدون محول
النوع الي خذناه ب13 ريال بعد فصل جميع المحولات وتركيب اللمبات البيضه
قاموا يحترقون في نفس اليوم وبعضهم اليوم الثاني
اتوقع اللمبات الي بدون محول المتوفره في السوق ليست بالجودة الممتازه
لهذا لا انصح بتركيب السبوت لايت الي بدون محول او الي محوله في اللمبه

بالضبط هذا اللي نقصده ،، بأن الليتات اللي تشتغل على 240v تحترق بسرعه و عكس اللي تشتغل علي 12v ،،

يعطيك العافيه اخوي و يزاك ربي كل خير ،،

[روح الاطلس]

اوريو ياخبير الاضاءات عندي بعد سؤال لك فيه ليتات ماعرف اسمها تجي مثل شكل السبوت لايت بس حجمها اكبر يعني دائرتها كبيرة تقريبا تشبه هالشكل





اشرايك فيها ؟

[OREO]

اوريو ياخبير الاضاءات عندي بعد سؤال لك فيه ليتات ماعرف اسمها تجي مثل شكل السبوت لايت بس حجمها اكبر يعني دائرتها كبيرة تقريبا تشبه هالشكل





اشرايك فيها ؟

اخوك في الله اوريو مهب خبير ،، لكن من خلال دراسته للهندسه و شغله و هوايته ،، فيملك اشوية معلومات يقدر يفيد فيهم اخوانه اللي مثلك وشرواك و لا تنسى بأن كلنا نستفيد و الاخوان ماشاءالله مهب مقصرين في القسم و ربي يجازيهم كل خير ،،

اخوي روح الاطلس فديت خشمك ،، باين من الليت بأن هذه النوعيه هي بو وصلة E27 و هذه النوعيه حلوه لليتات البرندا و فوق الاسطح لان يسمونه diffuse down light يعني النوعيه هذه من الاضاءات فقط للتشتتيت و تعطيك اضاءات ناعمه و لكن من ناحيه القوه انسى ،، يعني لاتفكر تركب في الحوش و الصالات المغلقه ،، لان تحتاج منها الكثير ،،

[فويرط]

مرحبا اخوي اوريو

بيض الله وجهك اخوي وماقصرت كفيت ووفيت

بالعكس لا سندرتني ولا شي ، نحب هسوالف ، تفيدنا وتفيد باقي الاعضاء

الله يوفقك اخوي في الدنيا والآخرة

بس ياخي سئلت كهربائيين اثنين اي احسن بمحول ولا بدون ، قالولي بدون !!!

انزين

اليوم رحت بروة ودواره على المحلات

حصلت واحد عنده لمبه بــ 70 ريال (بدون محول ) مكتوب على الكرتون (35.000) ساعة ، وقوتها (4.5) واط ، هذه طبعاً led


وحصلت محل ثاني قالي باعطيك على اللمبة ضمان سنة ونص ، اللمبة بــ 35 ريال (بدون محول) ومكتوب عليها (15.000) ساعة وقوتها (11 واط ) ، وفي منها لونين (الابيض - الاصفر ) ، مثل اللمبة الاخيرة اللي على اليمين في الصورة تحت --- بس هذه اللمبة ماتقدر تركب لها ديمر

شرايك في نوعها ؟؟؟ ( اللمبة الاخيرة اللي على اليمين )




وانا اصلن مب مركب ديمر في البيت

انزين ياخوي رشح لي اسماء محلات على الخاص

بخصوص السبوت لايت ... اي أحسن ،،، اللمبة اللي فيها قزاز ولا بدون ؟؟؟

وينك يا زمان أول .... لتات التيوب ، الطوال البيض ، في مكان في البيت ( الصالة والمجلس والغرف والحوش ) ، خوووووووش إضاءة عليهم ، وحطهم وانساهم

كل خمس سنوات يمكن يحترق واحد

الحين طلعونا فنتق جديد الاسبوت لايت ، ولا LED ، وبورسلان وسراميك ومادري وشو

بلاط شعبي وزل وفك عمرك

سندرتكم ، شاسوي راسي يعورني ، فيني حرة على السبوت لايت ، للحين مارسيت على بر

خلاص باسكت ننتظر رد اخوي اوريو ، وردود باقي الاعضاء